Advertisements
Sun. Sep 23rd, 2018

“ፓርላማው የአገሪቱን ጠቅላይ ሚኒስትር የመምረጥ ሥልጣን የለውም”

 የፓርላማ አባላቱ የቀረበላቸውን አሜን ብለው ከመቀበል ውጪ ሌላ ምን አማራጭ እንዳላቸው የህግ ባለምያዎቹ አላብራሩም።

በሕገ መንግሥቱ አንቀጽ 73 መሠረት በፓርላማው አብላጫ ድምፅ ያገኘ ፓርቲ ጠቅላይ ሚኒስትር የሚሰይም መሆኑን ይደነግጋል፡፡ በ2008 ዓ.ም. ጥር ወር የተሻሻለው የፓርላማ አባላት የሥነ ምግባርና የአሠራር ሥነ ሥርዓት ደንብ አንቀጽ 107፣ ከሕገ መንግሥቱ በመነሳት የጠቅላይ ሚኒስትሩን አሰያየም ይደነግጋል፡፡

በደንቡ አንቀጽ 107(2) መሠረት በፓርላማው አብላጫ ወንበር የያዘው ፓርቲ ጠቅላይ ሚኒስትር አድርጎ ከምክር ቤቱ የሚመርጠውን በአፈ ጉባዔው ጋባዥነት የሚያስተዋውቅ መሆኑን የሚገልጽ ሲሆን፣ በንዑስ አንቀጽ 3 ሥር ደግሞ የፓርላማው አባላት የቀረበውን ጠቅላይ ሚኒስትር በቀጥታ ተቀብለው እንደሚያፀድቁ ይደነግጋል፡፡ በዚህም መሠረት የፓርላማ አባላት በኢሕአዴግ የሚቀርብላቸውን ጠቅላይ ሚኒስትር ያለምንም ቅድመ ሁኔታ ተቀብለው እንደሚሰይሙ የሕግ ባለሙያዎቹ ገልጸዋል፡

ይህ በእንዲህ እንዳለ የኢሕአዴግ ሥራ አስፈጻሚ ኮሚቴ ከረቡዕ የካቲት 21 ቀን 2010 ዓ.ም. ጀምሮ እንደሚሰበሰብ ታውቋል፡፡ የሥራ አስፈጻሚ ኮሚቴው ስብሰባ ከተጠናቀቀ በኋላ የኢሕአዴግ ብሔራዊ ምክር ቤት በቅርቡ ይሰበሰባል ተብሎ ይጠበቃል፡፡ የስብሰባዎቹ ዓላማም ተተኪውን የኢሕአዴግ ሊቀመንበር ለመምረጥ እንደሆነ የሪፖርተር ዘገባ ያስረዳል።

ሰላሳ ስድስት አባላት ያሉት የኢሕአዴግ ሥራ አስፈጻሚ ኮሚቴ ከረቡዕ ጀምሮ ያደርጋል ተብሎ በሚጠበቀው ስብሰባ፣ በሚቀርቡለት የመወያያ ሰነዶች ላይ ይመክራል። ይህንንም ተከትሎ ከአራቱም የኢሕአዴግ ብሔራዊ ድርጅቶች በእኩል የተውጣጡ በአጠቃላይ 180 አባላት ያሉት የኢሕአዴግ ብሔራዊ ምክር ቤት ቀጣዩን ስብሰባ ያካሂዳል።

ብሔራዊ ምክር ቤቱ የኢሕአዴግ ሥራ አስፈጻሚ ኮሚቴ የሚያቀርብለትን የሥራ አፈጻጸም ሪፖርት በቅድሚያ እንደሚያዳምጥ ለማወቅ ተችሏል፡፡ በመቀጠል የተያዙት አጀንዳዎች የጠቅላይ ሚኒስትር ኃይለ ማርያም የሥራ መልቀቂያ ጥያቄ ላይ ተወያይቶ ውሳኔ ማሳለፍ፣ እንዲሁም በአቶ ኃይለ ማርያም ደሳለኝ ምትክ የግንባሩን ሊቀመንበር ይሰይማል። ይህንን ተከትሎም ኢሕአዴግ ተተኪውን ጠቅላይ ሚኒስትር ለፓርላማ በማቅረብ ያሰይማል ተብሎ እንደሚገመት ከሪፖርተር ዘገባ ለመረዳት ትችሏል። 

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: