የአስቸኳይ ጊዜ አዋጁ ጸደቀ – ፋና በሰበር ዜና ፤ የቁጥር ስህተት አለ ፓርላማ፤ በህጉ መሰረት አዋጁ ከዛሬ ጀምሮ ወድቋል – ባለሙያዎች!!

ምክር ቤቱ በኢፌዴሪ ህገ መንግስት አንቀጽ 93 ንዑስ አንቀጽ 1 (ሀ) መሰረት በታወጀው የአስቸኳይ ጊዜ አዋጅ ላይ ከተወያየ በኋላ በ346 ድጋፍ፣ በ88 ተቃውሞ እና በ7 ድምጸ ታእቅቦ አፅድቆታል። ሲል ፋና በሰበር ካበሰረ በሁዋላ ባለሙያዎች ሂሳብ በማስላት አዋጁ የሚፈለገውን ድጋፍ አለማግኘቱን ይፋ ሲያደርጉ  ፓርላማው የቁጥጥር ስህተት ገጥሞኛል…

ዛሬ አስቸኳይ ስብሰባውን ያካሄደው የህዝብ ተወካዮች ምክር ቤት የሚኒስትሮች ምክር ቤት የካቲት 6 ቀን 2010 ዓመተ ምህረት ለስድስት ወራት ያወጀውን የአስቸኳይ ጊዜ አዋጅ አፀደቀ።

ምክር ቤቱ በኢፌዴሪ ህገ መንግስት አንቀጽ 93 ንዑስ አንቀጽ 1 (ሀ) መሰረት በታወጀው የአስቸኳይ ጊዜ አዋጅ ላይ ከተወያየ በኋላ በ346 ድጋፍ፣ በ88 ተቃውሞ እና በ7 ድምጸ ታእቅቦ አፅድቆታል።

ለምክር ቤቱ የቀረበው የውሳኔ ሀሳብ ሕገ መንግስቱንና ሕገ መንግስታዊ ሥርዓቱን ከአደጋ ለመከላከል የአስቸኳይ ጊዜ አዋጅ መታወጁን ያመለክታል።

መንግስት ህገ መንግስቱንና ህገ መንግስታዊ ስርዓቱን ከአደጋ የመከላከልና የመጠበቅ፣ የአገርን ሰላምና ደህንንነት የማስከበርና የህዝቦችን አንድነትና እኩልነት እውን በማድረግ የዜጎችን በነፃነት የመዘዋወር፣ በመረጡት ቦታ የመኖርና ሀብት የማፍራት ህገ መንግስታዊ መብታቸውን የመጠበቅ ኃላፊነት ያለበት መሆኑን በመገንዘብ መታወጁም ተጠቅሷል።

ከቅርብ ጊዜ ወዲህ በሀገሪቱ አንዳንድ አካባቢዎች ህገ መንግስቱንና ህገ መንግስታዊ ስርአቱን እንዲሁም የህዝብን ሰላምና ደህንነት የሚጥስና ለአደጋ የሚያጋልጥ ሁኔታ እየተስፋፋና እየተራዘመ መሄዱ ተነስቷል።

በተፈጠረው ሁከትና ብጥብጥ የተነሳ በተለያዩ አካባቢዎች የሚገኙ የህብረተሰብ ክፍሎች መንግስት የህግ ጥበቃና ከለላ እንዲያደርግላቸው መንግስትን በተለያዩ መድረኮች መጠየቃቸውንም ነው መንግስት ከዚህ ቀደም የገለፀው።

በህገ መንግስቱና በህገ መንግስታዊ ስርዓቱ ላይ የተጋረጠውን ይህን አደጋ በመደበኛው የህግ ማስከበር ስርዓት ለመከላከልና ለመቆጣጠር ከማይቻልበት ደረጃ ላይ መድረሱንና ህገ መንግስታዊ ስርአቱን ለመጠበቅ የሚያስችል የአስቸኳይ ጊዜ አዋጅ ማውጣት አሰፈላጊ መሆኑ እንደታመነበትም አስታውቋል።

ምክር ቤቱ ሰባት አባላት ያሉት የአስቸኳይ ጊዜ አዋጁ የመርማሪ ቦርድ መካከል የስድስቱ አባላት ዝርዝርም ዛሬ ቀርቦለት አጽድቆታል።

Fana B.C

ዜናው ይፋ መሆኑንን ተከትሎ አንቀጽ 93-2 መሰረት የተባለው ድምጽ አለመገኘቱን፣ በዚህም ምክንያት አዋጁ አለመጽደቁን የሚያበስሩ ድምጾች ተሰሙ። እነዚህ ክሎች እንዳሉት ቆጠራው ሲካሄድ በግልጽ አባላቱ እያዩ ነበር። አባላቱ ቀድሞውንም አባዱላ ገመዳ ላይ ስቀዋል። የሳቁትም አዋጁን በስምምነት እናጽድቀው ሲሉ ነው። ከዚህ በሁዋላ ” በድምጽ ይሁን” ሲሉ ” አዎ” የሚል መልስ ከመቅጽበት ተሰጣችው።

ይህንንና የምርጫውን ውጤት አፈ ጉባኤው ሲናገሩ በተደጋጋሚ ያቀረቡት ክፍሎች እንዳመለከቱት የተገኘው ድምጽ 395 መሆኑን የፓርላማው የኢንፎርሜሽንና ኮሙኒኬሽን ዳይሬክተር ማስተካከያ መስጥታቸውን ይፋ አድርገዋል። እነዚህ ክፍሎች እንደሚሉት ይህ ” የቀሽም ሌባ” ተግባር ነው። ይህ ከሚኒስትሮች ምክር ቤት ጀመሮ ሲደነቃቀፍ እዚህ የደረሰው የአስቸኳይ ጊዜ አዋጅ ሙሉ ድጋፍ እንዲያገኝ የፓርላማ አባላቱ በግልና በቡድን ሲወሰወሱ እንደነበርም ለዋቅ ተችሏል። ሆኖም ግን 95 የኢህአዴግ አባላት ኢህአዴግን መቃወማቸው ከአዋጁ መጽደቅ በላይ ዜና ሆኗል።

በራሱ በኦህዴድ መካከልና በኢህአዴግ መካከል ያለውን ግንኙነት ፍንትው አድርጎ ያሳየው የተቃውሞ አካሄድ ወዴት ሊአመራ እንደሚችል ባይለይም ስጋት እንደሆነ ግን አያጠራጥርም

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s