የመላው ዐማራ ሕዝብ ድርጅት የልዑካን ቡድን ከአሜሪካ የውጭ ጉዳይ መስሪያቤት ጋር ውይይት አደረገ

(የካቲት 29 2010 ዓ.ም.) የመላው ዐማራ ሕዝብ ድርጅት የውጭ ግንኙነት መምሪያ በጀመረው የዲፕሎማሲያዊ ጥረት መሰረት ከአሜርካ የውጭ ጉዳይ መስሪያቤት (ስቴትስ ዲፓርትመንት) ጥሪ ቀርቦለት ውጤታማ ውይይትን አድርጓል። የመላው ዐማራ ሕዝብ ድርጅት የልዑካን ቡድን ጥሪው የተደረገለት ከአፍሪካ ጉዳዮች ዘርፍ ረዳት ሃላፊና በቅርብ ምክትል የውጭ ጉዳዮች መምሪያ ሃላፊ ሆነው ከተሾሙት ከሚስተር ዶናልድ ያማማቶ ነው።

በዚህ ውይይት በኢትዮጵያ ወቅታዊ ሁኔታዎች በስፋት የተዳሰሱ ሲሆን የድርጅታችን ሊቀመንበር አቶ አንዱዓለም ተፈራ አገራችን አሁን ላለችበት ቀውስ ዋነኛ ምክንያቱ አሁን በስልጣን ላይ ያለው አገዛዝ ሲዋቀር ለአማራው ተገቢው ውክልና አለመሰጠቱና የአማራ ህዝብም ሲረቅ ላልተወከለበት ለዚህ “ህገ-መንግስት” ሙሉ እውቅና ለመስጠት መቸገሩን መሆኑን አበክረው ገልጸዋል።

በአማራ ህዝብ ላይ እየደረሰ ያለው ዘርፈ ብዙ ችግር የውይይቱ ዋነኛ አጀንዳ ነበር። የልዑካን ቡድኑ ከስብሰባው ቀደም ብሎ በአማራ ህዝብ ላይ ስለደረሰው የጀምላ ፍጅት፣ መፈናቀልና ያለበቂ ምክንያት በገፍ መታሰር የሚያትት የሰነድ ማስረጃ ለሚስተር ያማማቶ ቢሮ ያስገባ ሲሆን በስብሰባው ላይም በሰነዱ ዙሪያ በቂ ማብራሪያ ተሰጥቷል።

amhara

ሚስተር ያማማቶ ቢሯቸው በማንኛውም ሰዓት ክፍት መሆኑን ገልጸው ቀጣይና ተከታታይ የምክክር መድረኮች መኖር እንደሚገባቸው ገልጸዋል። ከአሜሪካ የህግ አውጭ አካላት፤ ከተባበሩት መንግስታት እንዲሁም ዓለም አቀፍ የሰብዓዊ መብት ተሟጋች ተቋማት ጋር በጋር መሥራት እንደሚያስፈልግም ጠቁመዋል።

የመላው ዐማራ ሕዝብ ድርጅት የአማራውን ህዝብ ከማሰባሰብ ባሻገር ይህን መሰል የዲፕሎማሲያዊ ግንኙነቶችን የሚገፋበት ሲሆን የተባበሩት መንግስታት ዋና ጽ/ቤት ቀርቦ የአማራን ህዝብ ሁለተናዊ ትግል ለማስረዳት እና ሰፊ የሥራ ግንኙነት ለመፍጠር ዕቅድ ይዟል። ይህንንም እንዳስፈላጊነቱ እየተከታተልን ለህዝባችን የምናሳውቅ መሆኑን እንገልፃለን፡፡

 ፎቶ – የመጀመሪያው ፎቶ በግራ በኩል ሚስተር ዶናልድ ያማማቶ ሲሆኑ በቀኝ በኩል ደግሞ የመዐሕድ ሊቀመርበር አቶ አንዱዓለም ተፈራ ናቸው፡፡
ሁለተኛው ፎቶ የመዐሕድ አመራሮች እና የልዑካን ቡድን አባላት ከ ሚስተር ያማማቶ ጋር የተነሱት ነው፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s