Head News/መሪ ዜና

የሞያሌን ጭፍጨፋ አውግዘው መግለጫ የሰጡት የኦሮሚያ ፍትህ ቢሮ ህዝብ ግ ሃላፊው አቶ ታዬ ደንዳዓ በቁጥጥር ስር ዋሉ።

“ማረሚያ ቤት ብዙ ነገር አስተምሮኛል። ብዙ እንዳነብ እና ከታላላቆቼ እና ከተማሩ ሰዎች ብዙ እንዳውቅ አግዞኛል” በሚል ስለ እስር ቤት ህይወታቸው ተናግረው የነበርይት አቶ ታዬ ደንደና ለሶስተኛ ጊዜ በድንገት ታሰሩ። ቤተሰብ የት እንዳሉ አይውቅም። አቶ ታዬ ሊታሰሩ እንደሚገባ በማህበራዊ ገጾች ላይ ዛቻ ነበር። ዛቻውም የሞያሌውን ጭፍጨፋ አስመልክቶ ” ድርጊቱን በስህተት የተፈጸመ ነው ማለት ህዝብን መስደብ ነው” በማልታቸው እንደሆነ ተገምቷል።

በጥቅምት ወር 2017 ለቢቢሲ የእስር ቤት ህይወታቸውን አስመልክቶ ቃላቸውን የሰጡት አቶ ደንደና በቁጥጥር ስር የዋሉት ጠዋት ወደ ስራ እያመሩ ባሉበት ሰዓት በታጠቁ ሃይሎች ነው። በቁጥጥር ስር ከዋሉም በሁዋላ ወደየት እንደተወሰዱ የታወቀ ነገር የለም።

ባለቤታቸው ወይዘሮ ስንታየሁ አለማየሁ ባለቤታቸው መታሰራቸውን ብቻ እንደሚያውቁ፣ ነገር ግን ወዴት እንደተወሰዱና የት እንዳሉ እንደማያውቁ ቢቢሲ አመልክቷል።

ለመታሰራቸው የቀረበ ምክንያት ባይኖርም በአስቸኳይ ጊዜ አዋጁ ማስፈጸሚያ መመሪያ መሰረት ከኮማንድ ፖስቱ ውጭ በፀጥታ ጉዳይ ላይ መግለጫ መስጠት ቢከለከልም፣ አቶ ታዬ ‘የሞያሌው ግድያ በስህተት የሆነ አይደለም’ ማለታቸውን ተከትሎ ሳይታሰሩ እንደማይቀር ቢቢሲ ግምቱን ሰጥቷል።

አቶ ታዬ የዩኒቨርሲቲ ተማሪ በነበሩበት ወቅት ለበርካታ ጊዜያት ለእስር መዳረጋቸ፣ በአዲስ አበባ ዩኒቨርሲቲም በሕግ የመጀመሪያ ዲግሪ ለመመረቅ 16 ዓመታት እንደፈጀባቸው ይታወሳል። አቶ ታዬ በሽብር ወንጀል ተጠርጥረው ከታሰሩ በሁዋላ ሶስት ዓመት ቆይተው ፍርድ ቤት ሲቀርቡ በነጻ ተለቀዋል። ከሶስት ዓመት በሁዋላ ፍርድ ቤት ነጻ ያላቸው አቶ ታዬ ያለ በቂ ምስረጃ የሚታሰሩ ሰዎች ካሳ ያስፈልጋቸዋል የሚል እምነት እንደሚያራምዱ በአንደበታቸው ተናግረዋል። 

“ማረሚያ ቤት ብዙ ነገር አስተምሮኛል። ብዙ እንዳነብ እና ከታላላቆቼ እና ከተማሩ ሰዎች ብዙ እንዳውቅ አግዞኛል” ሲሉ ስሜታቸውን የገለጹት አቶ ታዬ

“ማረሚያ ቤት ማለት በቀን ለ24 ሰዓታት የፈለከውን ነገር ማድረግ የምትችልበት ቦታ ማለት ነው። መናደዴን ትቼ ሦስት ነገሮችን ለማሳካት ወስኜ ተነሳሁ፤አንድ ከመፃህፍት እንዲሁም በእውቀት እና በዕድሜ ከሚበልጡዋቸው መማር፤ ሁለት መፃህፍትን ወደ ኦሮምኛ ቋንቋ መተርጎም እንዲሁም ሦስተኛው የማረሚያ ቤት ጓደኞቹን የኦሮምኛ እና የእንግሊዝኛ ቋንቋ ማስተማር” ሲሉ እስር ቤት የኖሩበትን ዘመን እንደተጠቀሙበት ተናግረውም ነበር።

አቶ ታዬ ቀደም ሲል በጨለንቆ፣ አሁን ደግሞ በሞያሌ የተካሄደውን እልቂት በጽኑ የኮነኑ፣ ወንጀለኞቹም በክልሉ መደበኛ ፍርድ ቤት ከነአዛዣቸው ሊቀርቡ ይገባል በሚል ለህግ ልዕልና የተከራከሩ ናቸው። የሳቸውን መታሰር አስመልክቶ ያሰራቸው አካልም ሆነ ክልላቸው ይህ ዜና እስከታተመ ድረስ ያለው ነገር የለም።

አቶ ታዬ ከጥቂት ወራት በፊት ከቢቢሲ ጋር ያደረጉትን ቆይታ እዚህ ጋር ይመልከቱ።

አንድ ድግሪ ለማግኘት 16 ዓመታት የፈጀበት ኢትዮጵያዊ

Advertisements

Categories: Head News/መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s