Head News/መሪ ዜና

ስዩም ተሾመ በፖሊስ በጠየቀው መሰረት የመደበኛው ፍርድ ቤት ፋይሉ ተዘጋ

በመደበኛ ፍርድ ቤት የጊዜያዊ ቀጠሮ ሲታይ የነበረው የአምቦ ዩኒቨርስቲ መምህር ስዩም ተሾመ ጉዳይ በአስቸኳይ አዋጁ በሚቋቋም ፍርድ ቤት እንዲታይ ተወሰነ። የመደበኛው ፍርድ ቤት ይህንን የወሰነው ፖሊስ በጠየቀው መሰረት ነው።

በግልጽ ስሜቱን በብዕሩ የሚገልጸውና፣ ጠንካራ አስተያየቶችን በተደጋጋሚ በማቅረብ የሚታወቀው ስዩም ተሾመ የታሰረው የወታደራዊ አስተዳደር በታወጀ ማግስት ነው። መምህር ስዩም ቁጥራቸው በርካታ ወታደሮች በመኖሪያ ቤቱ በድንገት መጥተው እንዳሰሩት እሀቱና ባልደረቦቹ ማስታወቃቸው አይዘነጋም።

ይህንኑ ተከትሎ የተለያዩ የሰብአዊ መብት ተከራካሪዎች እስሩን በመቃወም ያለ ምንም ቅድመ ሁኔታ እንዲፈታ ጠያቀዋል። እየጠየቁም ነው። ኢህአዴግ ከገባበት ቀውስና ከቀድሞው ስህተቶቹ መማር የማይችል መሆኑንን አግዝፎ በማሳየት ሲሞገት የቆየው ስዩም በጊዚያዊ ቀጠሮ ጉዳዩ ሲታይ የነበረው በፌደራል የመጀመርያ ደረጃ ፍርድ ቤት አራዳ ምድብ አንደኛ ወንጀል ችሎት ነበር።

ጌታቸው ሺፈራው በፌስ ቡክ ገጹ እንደዘገበው የአምቦ ዩኒቨርሲቲና ጦማሪ ስዩም ተሾመ ጉዳይ ከመደበኛ ፍርድ ቤት ውጭ በአስቸኳይ ጊዜ አዋጁ በሚቋቋም ፍርድ ቤት እንዲታይ የተወሰነው ፖሊስ ለፌደራል የመጀመርያ ደረጃ ፍርድ ቤት አራዳ ምድብ አንደኛ ወንጀል ችሎት በደብዳቤ በጠየቀው መሰረት ነው።

ትንታጉ በእረኛ ስዩም ተሾመ የካቲት 30/2010 ዓም በዋለው ችሎት ለመጋቢት 13/2010 ዓም የአስራ አራት ቀን ተለዋጭ ቀጠሮ ተሰጥቶበት አለመቅረቡ ይታወሳል። ጦማሪ ስዩም ክስ ያልተመሰረተበት፣ ዋስትናም ያልተሰጠው ወይንም ክሱ ያልተቋረጠ በመሆኑ ፖሊስ ሊያቀርበው ይገባ እንደነበር በተጠየቀው መሰረት ፍርድ ቤቱ ፌደራል ፖሊስ ጦማሪ ስዩምን ያለቀረበበት ምክንያት እንዲገልፅ፣ ተጠርጣሪውንም እንዲያቀርብ ለመጋቢት 17/2010 ዓም ቀጠሮ ሰጥቶ ነበር።

ትናንት መጋቢት 17/2010 ዓም ጦማሪ ስዩም ተሾመ ፍርድ ቤት አልቀረበም። ፌደራል ፖሊስ ጦማሪ ስዩምን ከመደበኛው ፍርድ ቤት ውጭ በጊዜያዊ አዋጁ በተቋቋመ ፍርድ ቤት የማቅረብ መብት እንዳለው ገልፆ፣ የጊዜያዊ ቀጠሮ መዝገቡ እንዲዘጋ ጠይቋል። የፌደራል መጀመርያ ፍርድ ቤት አራዳ ምድብ አንደኛ ወንጀል ችሎት በፌደራል ፖሊስ ጥያቄ መሰረት የጦማሪ ስዩም ተሾመን የጊዜያዊ ቀጠሮ መዝገብ እንደዘጋ ለማወቅ ተችሏል።

የካቲት 28/2010 ዓም የታሰረውን ጦማሪ ስዩም ተሾመ ፖሊስ የካቲት 30/2010 ዓም በፌደራል የመጀመርያ ደረጃ ፍርድ ቤት አራዳ ምድብ አንደኛ ወንጀል ችሎት ከቀረበ በኋላ በቀጣይ በሁለት ቀጠሮዎች ችሎት ሳይቀርብ ነው ውስኔው የተላለፈው። የአስቸኳይ አዋጁ ፍርድ ቤት መቼ እንደሚቋቋምና ስራ ጀምሮ ፍርድ እንደሚፈርድ እስካሁን አልተገለጸም። የወታደራዊ አስተዳደሩ ተግባራዊ ከሆነበት ጊዜ አንስቶ እጅግ ሰፊ ቁጥር ያላቸው ወገኖች በተነገረና ባልተነገረ ወይም ባልተገለጸ ምክንያት መታሰራቸው ይታወቃል።

በተለይም ከኦሮሚያ ክልል የአስተዳደር መዋቅር ሃላፊዎች፣ የፖሊስና የጸጥታ ተጠሪዎችና የፖሊስ መኮንኖች የፍርድ ጉዳይ በተመሳሳይ በአስቸኳይ ጊዜ በሚቋቋመው የፍርድ ቤት ወይም በሌላ መደበኛ ችሎት ስለመታየቱ የታወቀ ነገር የለም።

Advertisements

Categories: Head News/መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s