Advertisements

አብይ አህመድ 25 ሺህ ከሚሆኑ ወገኖች ጋር ሊወያዩ ነው

አዲሱ ጠቅላይ ሚኒስትር  አብይ አህመድ 25 ሺህ ከሚሆኑ የተለያዩ የህብረተሰብ ክፍሎች ጋር በነገው ዕለት በሚሊኒየም አዳራሽ እንደሚወያዩ ፋና የመንግስት ኮሙዩኒኬሽን ጉዳዮች ፅህፈት ቤት ጠቅሶ ይፋ አደረገ።

የህዝብ ውይይቱ “የፍቅር እና የአንድነት ኪዳን” በሚል መሪ ቃል በነገው ዕለት እንሚካሄድ ነው የመንግስት ኮሙዪኒኬሽን ጉዳዮች ፅህፈት ቤት ሀላፊ ሚኒስትር ዶክተር ነገሪ ሌንጮ የተናገሩት።

ይህ የጠቅላይ ሚኒስትሩ ውይይት ቃለመሀላ በፈፀሙበት እለት ለመላው የኢትዮጵያ ህዝብ ባሰሙት ንግግር መጠነ ሰፊ የሪፊርም እርምጃዎችን ለማካሄድና የህዝቡን ጥያቄዎች ለመመለስ ቃል በገቡት መሰረት የሚካሄድ ውይይት እንደሆነ ከፅህፈት ቤቱ ያገኘነው መረጃ ያመለክታል። 

ህዝባዊ ውይይቱ አንድነትን፣ የዴሞክራሲ ሥርዓት ግንባታን፣ ልማትን እና የመልካም አስተዳደር ሥርዓትን ለማጎልበትና ከህዝብ ጋር ተቀራርቦ ለመስራት እንደሚረዳ ሚኒስትሩ ተናግረዋል።

በመድረኩ ላይ የፌዴራል፣ የክልልና የሁለቱ ከተማ አስተዳደሮች ከፍተኛ የሥራ ሃላፊዎች፣ የሃይማኖት አባቶች፣ ምሁራን እና የዲፕሎማቲክ ማህበረሰቡ ተወካዮች ይሳተፋሉ ተብሏል።

 

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: