“ከወልቃይት ኮሚቴዎች ጋር ውይይት አደርጋለሁ” ክቡር ጠ/ሚ አብይ

ጠቅላይ ሚኒስትር ዶክተር አብይ አህመድ ” ከወልቃይት ኮሚቴዎች ጋር ውይይት አደርጋለሁ” በማለት መናገራቸውን የአማራ ክልል የኮሙኒኬሽን ጽህፈት ቤት ሃላፊ አቶ ንጉሱ ጥላሁን አመለከቱ።

Image may contain: 1 person, standing and shoes

ሃላፊው በፌስ ቡክ ገጻቸው እንዳስታወቁት ጠቅላይ ሚኒስትሩ ይህንን ያሉት ዛሬ በጎንደር ከተማ ከህዝብ  ለቀረበላቸው ጥያቄ መልስ በሰጡበት ወቅት ነው።

“የወልቃይትን ጉዳይ በተመለከተ በህግ አግባብ ሊፈታ እንደሚችል ህዝቡ ማመን አለበት ፡፡ ህገ መንግስቱ ይህን ጉዳይ ሊፈታ ይችላል፡፡ በቀጣይም ከወልቃይት ኮሚቴዎች ጋር ውይይት አደርጋለሁ ብለዋል፤ጠቅላይ ሚኒስትሩ፡፡ በመወያየት ያሉ ጥያቄዎች መመለስ እንችላለን፡፡ ዋናው ነገር በዚህ ሂደት ውስጥ ሀይል የተቀላቀለበት እና ወደ ቁርሾ በሚያስገባ መንገድ መሆን እንደሌለበት ህዝቡ ሊያውቅ ይገባል ” ሲሉ የኢትዮጵያ ጠቅላይ ሚኒስትር መናገራቸውን ነው አቶ ንጉሱ ያስታወቁት።

” የሱዳን ድንበር ጋር በተያያዘ ለተነሳው ጥያቄ  መፍትሄ መሰጠት አለበት ብዬ አምናለሁ፡፡ ድንበር ላይ ያሉ ሁለቱም ወታደሮች እንዲሸሹ እና በአካባቢው ያሉ የሁለቱም ወገን ሰዎች በሰላም እንዲቀሳቀሱ ማድረግ ያስፈልጋል፡፡ በዚህ ጉዳይ ላይ ነገ ስራዬን እጀምራለሁ፡፡ ነገ በባህር ዳር ለጣና ፎረም ጉባኤ ከሚመጡት የሱዳኑ ፕሬዚዳንት ኦማር ሀሰን አልበሽር ጋር በተናጥል ውይይት አደርጋለሁ”በማለትም ጠቅላይ ሚኒስትሩ ተናግረዋል።ሌሎች የተነሱ ጥያቄ እና አስተያየቶችን በተመለከተ በአንድ ቀን ጀምበር መመለስ እንደማይቻል፣ በሂደት ላይ ያሉ የመልካም አስተዳደር ችግሮች ለመመለስ እንዲያስችል ስራዎች በመጀመራቸውን ይሄነው ብለው ቃል መግባት እንደማይፈልጉ እና  በተግባር ማሳየቱ የተሻለ እንደሆነ ጠቁመዋል። በቀጣይ በግብርና ፤ በኢንዱስትሪ ፤ በገቢና በፍትህ ላይ መንግስት የትኩረት ነጥቦች ለይቶ መልስ ለመስጠት እንደሚሰራም ገልጸዋል።

ጠቅላይ ሚኒስትር አብይ ትግራይ ባደረጉት ንግግር የወልቃይት የማንነት ጥያቄን ከመሰረተ ልማት ጥያቄ ጋር በማያያዝና፣ የሌሎች ሃይሎች ፍላጎት እንጂ የህዝቡ እንዳልሆነ በመሳል የሰጡት ምላሽ ከፍተኛ ወቀሳና ትችት እንዲሰነዘርባቸው ምክንያት መሆኑ አይዘነጋም። ዛሬ ጉዳዩ በአገሪቱ የህገመንግስት ማዕቅወፍ ውስጥ እንደሚታይ መግለጻቸው አዲስ ጉዳይ ባይሆንም፣ የወልቃይት ኮሚቴ አባላትን ለማነጋገር ቃል መግባታቸው ተሰብሳቢውን እንዳስደሰተ ለማውቅ ተችሏል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s