ዶክተር ፍቅሩ ማሩ ከ5 አመታት እስር በኋላ ከቃሊቲ ወህኒ ቤት ወጥተዋል

የ66 አመት እድሜ ያላቸው ስዊዲናዊውው ትውልደ ኢትዮጵያዊ ዶክተር ፍቅሩ ማሩ ከ5 አመታት እስር በኋላ ከቃሊቲ ወህኒ ቤት ወጥተዋል።በቅሊንጦ ቃጠሎ በግድያ ወንጀል ተከሰው ከነበሩት 38 ሰዎች ክሳቸው እንዲነሳ ሲወሰን አራቱ በነጻ ተለቀው ቀሪዎቹ ደግሞ የፍርድ ሂደታቸው እንዲቀጥል መባሉ ይታወሳል።

በእነመቶ አለቃ ማስረሻ ስጤ መዝገብ አግባው ሰጠኝን ጨምሮ 62 ሰዎች በይቅርታ ከእስር ተለቀዋል። ዶክተር ፍቅሩ ማሩ በመጀመሪያ የታሰሩት የሙስና ወንጀል ፈጽመዋል በሚል ሰበብ ነው።

የልብ ሕክምና ልዩ ሐኪም ሆነው የአዲስ የልብ ሕክምና ሆስፒታልን በመክፈት በርካታ ኢትዮጵያዊንን የረዱት ዶክተር ፍቅሩ ማሩ ያለቀረጥ የሕክምና መሳሪያ አስገብተዋል በሚል በሙስና ተወንጅለው ከ5 አመታት በላይ ታስረዋል።

የሕክምና መሳሪያ ከቀረጥ ነጻ ወደ ኢትዮጵያ አስገብተዋል በሚል የተፈረደባቸውና በኋላም በጠቅላይ ርድ ቤት በነጻ የተሰናበቱት ዶክተር ፍቅሩ ማሩ ከቂሊንጦ የእስር ቤት ቃጠሎ ጋር በተያያዘ  ፍርድ ቤት ሲመላለሱ ቆይተዋል።

ዶክተር ፍቅሩ ማሩ በቂሊንጦ ቃጠሎ የሽብር ወንጀል ፈጽመዋል፥ የግንቦት ሰባትና  የኦነግ ቡድን በእስር ቤት አደራጅተዋል በሚልም ከሌሎች 38 ሰዎች ጋር ተወንጅለውም ጉዳይ በክስ ሂደት ላይ ነበሩ።

ከእስር ቤት እየተመላለሱ ሕክምና ሲሰጡ ከቆዩ በኋላ እንደገና በመታገዳቸው ከ20 በላይ ሕሙማን እንደሞቱ ለቀድሞው ጠቅላይ ሚኒስትር ሃይለማርያም ደሳለኝ ፍትህ እንዲሰጧቸው ጠይቀው ሰሚ አላገኙም ነበር።

ይህም ሁሉ ሆኖ ግን በሕዝብ ትግል እና ጫና የደረሰበት የኢትዮጵያው አገዛዝ በመጨረሸ ዶክተር ፍቅሩ ማሩን ጨምሮ  እስረኞችን ለመልቀቅ ተገዷል ።

ዶክተር ፍቅሩ ማሩ ከእስር እንዲለቀቁ የስዊድን መንግስትም የራሱን ጠረት ሲያደርግ ቆይቷል።

ከፖለቲካ ጋር በተያያዘ የታሰሩት ጋዜጠኞችና ታዋቂ ሰዎች አብዛኞቹ ከእስር ቢለቀቁም አሁንም በሐገሪቱ በሺህዎች የሚቆጠሩ እስረኞች መኖራቸው ይነገራል።

(ኢሳት ዲሲ–ግንቦት 7/2010)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s