Advertisements

ኦኤምኤን – አዲስ አበባ እንደሚገባ ጁሃር መሀመድ አስታወቁ

ዛጎል ዜና – የኦሮሚያ ሚዲያ ኔት ዎርክ ዋና ዳይሬክተር አቶ ጁሃር መሐመድ እሳቸው የሚመሩት የሚዲያ ተቋም ወደ አዲስ አበባ እንደሚገባ በተለይ ከዛጎል ጋር ባደረጉት ቃለ ምልልስ አስታወቁ። ስርጭታቸው በአስር ቋንቋዎች የሚተላለፍ ሲሆን ብሄራዊ አጀንዳ ላይ ትኩረት እንደሚያደርጉም ተናግረዋል።

ለጊዜው እሳቸው ወደ አዲስ አበባ ባያመሩም የኦሮሚያ ሚዲያ ኔትዎርክ ስርጭቱን ኢትዮጵያ ውስጥ ገብቶ ጥራቱንና አቅሙን ይበልጥ በማሳደግ እንደሚሰራ ያስታወቁት አቶ ጁሃር ይህ የሚሆንበትን ቀን ለይተው አልተናገሩም።

media-share-0-02-04-97d213059819ee2a0d647cf20da4068342bb0c6b33f3b48f21d25f12d0512254-09153fdd-728e-49d8-97de-c247fdcab241

ኢትዮጵያ ሁሉንም የምታስተናግድ ሰላማዊና ዴሞክራሲያዊ አገር እንድትሆን መስራት፣ ማስተማር፣ ማማከርና ልምድን ማካፈል ዋና ዓላማቸው እንደሆነ አመልክተዋል። ውሳኔው አብረዋቸው ከሚሰሩት ባልደረቦቻቸው ጋር ተመክሮበት በግልጽ አቋም የተያዘበት እንደሆነ የገለጹት አቶ ጁሃር፣ ሁሉም ነገር የሚሆነው በገሃድ መሆኑንንም ገልጸዋል።

“ሃላፊነት አለብኝ” ሲሉ  የሚፈናቀሉ ዜጎችን አስመልክቶ ችግሩ ሌሎች ወገኖች ጋር እንደሆነ ጠቁመዋል። ድርጊቱን ለመቆጣጠር በቄሮ የተለያዩ ደረጃ ባሉ አመራሮች ቀደም ሲሉ ጀምሮ ጥብቅ ውይይት እየተደረገ መሆኑንን አስታውቀዋል። በዚህም ደረጃ ዜጎችን በብሄራቸው ለይቶ ለማፈናቀል የተሞከረ ተግባር መክሸፉን ገልጸዋል።

አቶ ጁሃር መሐመድ ከዛጎል ጋር በስፋት ያደረጉትን ቃለ ምልልስ ሙሉውን በሳምንቱ መጨረሻ እናትማለን። አቶ ጁሃር ተጽዕኖ ፈጣሪ መሆናቸውን፣ በዚሁም የተነሳ በአገር ደረጃ ሃላፊነት የሚሰማቸው እንደሆነ፣ ለውጥ በአጭር ጊዜ ውስጥ ሊካሄድ እንደሚገባውና ጊዜ ከፈጀ ሊቀለበስ እንደሚችል፣ ላለፉት አስር ዓመታት የሳቸው ወደ ፖለቲካው ትግል መግባት አዳዲስ የለውጥ ሃይሎች ከውስጥም ከውጭም ለመነሳታቸው ምክንያት መሆናቸውን አመልክተዋል……..

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: