Advertisements

በህክምና ስህተት ያልጋ ቁራኛ የሆነውን መሀመድ አብዲላዚዝ ወደ ኢትዮጵያ ለመመለስ የህክምና ቡድን ወደ ሳዑዲ ማቅናቱ ተገለፀ

በህክምና ስህተት ያልጋ ቁራኛ የሆነውን መሀመድ አብዲላዚዝ ወደ ኢትዮጵያ ለመመለስ የሃኪሞች ቡንድን ወደ ሳዑዲ ማቅናቱ የውጭ ጉዳይ ሚኒስቴር አስታወቀ።

ወደ ሳዑዲ አረቢያ ያቀናው ቡድን ሀኪሞችና ነርሶችን የያዘ ሲሆን፥ ቡድኑ ታዳጊው እንደጎበኘ እና ህፃኑን ለመመለስ የሚያስችል ምርመራም ማድረጉ ተገልጿል፡፡

መሃመድ አብዱላዚዝን ወደ ኢትዮጵያ ከተመለሰ በኋላም በቅዱስ ጳውሎስ ሆስፒታል የጽኑ ህሙማን ማሳረፊያ የሚቆይ ሲሆን፥ የቤት ውስጥ እንክብካቤ የሚያገኝበት ሁኔታም እንደሚመቻችለት ታውቋል።

የታዳጊው ወላጆችም ኢትዮጵያ ውስጥ የመኖሪያ ቤት የሌላቸው በመሆኑ መንግስት የመኖሪያ ቤቱን ማመቻቸቱን አስታውቋል።
በቅርቡ ሳዑዲ አረቢያ በህክምና ስህተት የአልጋ ቁራኛ ለሆነው መሀመድ አብዲላዚዝ 21 ነጥብ 7 ሚሊየን ብር ካሳ መክፈሏ የሚታወስ ነው።

ጠቅላይ ሚኒስትር ዶ/ር አብይ አህመድ በቅርቡ በሳዑዲ አረቢያ ጉብኝት ባደረጉበት ወቅት ለሳዑዲ መንግስት ያቀረቡት ጥያቄ ተቀባይነት አግኝቶ የካሳ ክፍያ በህክምና ስህተት ያልጋ ቁራኛ የሆነውን መሀመድ አብዲላዚዝ ወደ ኢትዮጵያ ለመመለስ የህክምና ቡድን ወደ ሳዑዲ ማቅናቱ ተገለፀ ው መፈፀሙን የውጭ ጉዳይ ሚኒስቴር አስታውቋል፡፡

በሳዑዲ አረቢያ ጉብኝት ያደረጉት ጠቅላይ ሚኒስትር ዶክተር አብይ አህመድ ታዳጊ መሀመድ ያለበት ሆስፒታል በመገኘት መጎብኘታቸው ይታወቃል።

ከሀገሪቱ ልኡል አልጋ ወራሽ መሀመድ ቢን ሰልማን ጋር በተወያዩበት ወቅትም የመሃመድን ጉዳይ አንስተው የካሳ ክፍያ እንዲከፈለው ጠይቀው የነበረ ሲሆን፥ ልዑሉ አልጋ ወራሹ ይሁንታቸውን መገልፃቸውን ተከትሎ ነው የካሳ ክፍያው የተፈፀመው።

ታዳጊው መሃመድ አብዱላዚዝ ከ12 ዓመት በፊት ባጋጠመው የመተንፈሻ እክል አፍንጫው ላይ ቀዶ ህክምና ለማድረግ ነበር ወደ ጂዳ ሆስፒታል ያመራው።

በወቅቱ የ4 ዓመት ልጅ የነበረው መሃመድ ለቀዶ ህክምና ከገባ በኋላ ግን በተፈፀመ የህክምና ስህተት እስካሁን ድረስ እራሱን ስቶ የአልጋ ቁራኛ ሆኖ ቆይቷል።

የህጻኑ ወላጆችም በልጃቸው ላይ የተፈፀመውን የክህምና ስህተት ተከትሎ ለፍርድ ቤት አመልክተው የሳዑዲ ፍርድ ቤትም ለህጻኑ ካሳ እንዲያገኝ ቢወሰንለትም ለረጅም ጊዜ ሳይከፈለው ቆይቷል።

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: