Advertisements
Sun. Sep 23rd, 2018

በሳዑዲ የአልጋ ቁራኛው አብዱላዚዝ ለአገሩ በቃ!! ጠ/ሚ አብይ እናመሰግናለን!!

በሳውዲ አረቢያ በህክምና ስህተት ለረጅም ዓመታት የአልጋ ቁራኛ ሆኖ የቆየውን መሀመድ አብዱላዚዝ ዛሬ ወደ ሀገሩ ተመለሰ ።ታዳጊው መሐመድ አዲስ አበባ ቦሌ ዓለም አቀፍ አውሮፕለን ማረፊያ ሲደርስ የኢፌዴሪ የጤና ጥበቃ ሚኒስትር ዶክተር አሚር አማን እና ውጭ ጉዳይ ሚኒስትር ዴኤታ ዶ/ር አክሊሉ ኃይለሚካኤል አቀባበል አድርገውለታል ።

ጠቅላይ ሚኒስትር አብይ አህመድ በቅርቡ በሳዑዲ ባደረጉት ጉብኝት ከአልጋ ወራሽ ሙሐመድ ቢን  ሰልማን ጋር የህፃን መሐመድ አብዱል አዚዝ ጉዳይ መቋጫ እንዲያገኝ ከስምምነት መድረሳቸውን ተከትሎ ነው ህፃኑ ዛሬ ወደ ሀገሩ መመለስ እንደቻለ የውጭ ጉዳይ ሚኒስትር አስታውቋል፡፡

መሀመድ አብዲላዚዝ ወደ ኢትዮጵያ ለመመለስ የሃኪሞች ቡንድን ወደ ሳዑዲ ማቅናቱ ይታወሳል። በቅርቡ ወደ ሳዑዲ አረቢያ ያቀናው የሀኪሞችና ነርሶች ቡድን ታዳጊውን መመለስ የሚያስችል ምርመራ በማድረግ ዛሬ ወደ ሀገሩ ተመልሷል።፡

መሃመድ አብዱላዚዝን በቅዱስ ጳውሎስ ሆስፒታል የጽኑ ህሙማን ማሳረፊያ የሚቆይ ሲሆን፥ የቤት ውስጥ እንክብካቤ የሚያገኝበት ሁኔታም እንደሚመቻችለት ታውቋል።

የታዳጊው ወላጆችም ኢትዮጵያ ውስጥ የመኖሪያ ቤት የሌላቸው በመሆኑ መንግስት የመኖሪያ ቤቱን ማመቻቸቱን አስታውቋል።ምበቅርቡ ሳዑዲ አረቢያ በህክምና ስህተት የአልጋ ቁራኛ ለሆነው መሀመድ አብዲላዚዝ 21 ነጥብ 7 ሚሊየን ብር ካሳ መክፈሏ የሚታወስ ነው።

ጠቅላይ ሚኒስትር ዶ/ር አብይ አህመድ በቅርቡ በሳዑዲ አረቢያ ጉብኝት ባደረጉበት ወቅት ለሳዑዲ መንግስት ያቀረቡት ጥያቄ ተቀባይነት አግኝቶ የካሳ ክፍያው መፈፀሙን የውጭ ጉዳይ ሚኒስቴር አስታውቋል፡፡

በሳዑዲ አረቢያ ጉብኝት ያደረጉት ጠቅላይ ሚኒስትር ዶክተር አብይ አህመድ ታዳጊ መሀመድ ያለበት ሆስፒታል በመገኘት መጎብኘታቸው ይታወቃል።

ከሀገሪቱ ልኡል አልጋ ወራሽ መሀመድ ቢን ሰልማን ጋር በተወያዩበት ወቅትም የመሃመድን ጉዳይ አንስተው የካሳ ክፍያ እንዲከፈለው ጠይቀው የነበረ ሲሆን፥ ልዑሉ አልጋ ወራሹ ይሁንታቸውን መገልፃቸውን ተከትሎ ነው የካሳ ክፍያው የተፈፀመው።

ታዳጊው መሃመድ አብዱላዚዝ ከ12 ዓመት በፊት ባጋጠመው የመተንፈሻ እክል አፍንጫው ላይ ቀዶ ህክምና ለማድረግ ነበር ወደ ጂዳ ሆስፒታል ያመራው።

በወቅቱ የ4 ዓመት ልጅ የነበረው መሃመድ ለቀዶ ህክምና ከገባ በኋላ ግን በተፈፀመ የህክምና ስህተት እስካሁን ድረስ እራሱን ስቶ የአልጋ ቁራኛ ሆኖ ቆይቷል።

የህጻኑ ወላጆችም በልጃቸው ላይ የተፈፀመውን የክህምና ስህተት ተከትሎ ለፍርድ ቤት አመልክተው የሳዑዲ ፍርድ ቤትም ለህጻኑ ካሳ እንዲያገኝ ቢወሰንለትም ለረጅም ጊዜ ሳይከፈለው ቆይቷል።

ፋና ብሮድካስቲንግ

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: