Advertisements

የስፔን ብሄራዊ ቡድን ዋና አሰልጣኝ ከሃላፊነት ተነሱ

ስፔን እግር ኳስ ፌዴሬሽን አሰልጣኝ ዩለን ሎፔቴጉይን ከሃላፊነት ማንሳቱን አስታወቀ። የፌዴሬሽኑ ፕሬዚዳንት ሉዊስ ሩቢያሌስ፥ አሰልጣኝ ሎፔቴጉይ ፌዴሬሽኑን ሳያማክሩ ሪያል ማድሪድን ለማሰልጠን በመስማማታቸው ምክንያትት ከሃላፊነት ለማንሳት መገደዳቸውን ተናግረዋል።

አሰልጣኙ የብሄራዊ ቡድን ሃላፊነት እያለባቸው ይህን ማድረግ እንዳልነበረባቸውም ፕሬዚዳንቱ ገልጸዋል። ሁኔታው ውስብስብ ቢሆንም የስፔን የአሰልጣኞች ቡድን አባላት ብሄራዊ ቡድኑ በአለም ዋንጫው ስኬታማ ይሆን ዘንድ ሃላፊነታቸው እንደሚወጡ እምነቴ ብለዋል።

ሎፔቴጉይ ስፔንን ባለሰለጠኑበት ወቅት ለሰሩት ስራም ምስጋናቸውን አቅርበዋል ሩቢያሌስ። አሰልጣኝ ሎፔቴጉይ ሪያል ማድሪድን ለሶስት አመታት ለማሰልጠን ትናንት መስማማታቸው ይታወሳል። የአሁኑ የፌዴሬሽኑ ውሳኔ ግን በስፔን ብሄራዊ ቡድን የአለም ዋንጫ ቆይታ ላይ ተፅዕኖ እንዳይፈጥር ተሰግቷል። ስፔን ከነገ በስቲያ በአለም ዋንጫው የመጀመሪያ ጨዋታዋን ከፖርቹጋል ጋር ታደርጋለች።

ምንጭ፦(ኤፍ ቢ ሲ)

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: