የጠ/ሚ የለውጥ ስራ በመደገፍና ምስጋና ለማቅረብ የተካሄደው ሰልፍ ያለምንም ልዩነቶች የተካሄደና ውጤታማ ነበር- መንግስት

ለጠቅላይ ሚኒስትር ዶክተር አብይ አህመድ የለውጥ ስራ በተዘጋጀው ሰልፍ ላይ የደረሰው ጥቃት ክፉ ሀሳብ የያዙ ግለሰቦችን እንጂ ማንንም አካል የሚወክል አለመሆኑን የመንግስት ኮሙዩኒኬሽን ጉዳዮች ፅ/ቤት አስታወቀ።

ጽህፈት ቤቱ ባወጣው መግለጫ፥ የጠቅላይ ሚኒስተሩን የለውጥ ስራ በመደገፍ እና ምስጋና ለማቅረብ የተካሄደው የድጋፍ ሰልፍ ላይ የነበረው ድባብ በጨዋነት የተሞላ እና እጅግ ማራኪ እና ታሪካዊ ነበር ብሏል።

ሰልፉ የተጠራው በየትኛውም የፖለቲካ ድርጅት እና ቡድን ሳይሆን በሰፊው ህዝብ በመሆኑ እጅግ ስኬታማ እና ያማረ እንዳደረገው አስታውቋል።

ጠቅላይ ሚኒስትሩ በዝግጁቱ ያስተላለፉት መልዕክትም ህዝብን ያስደሰተ እና በፍቅር ያስተቃቀፈ እንደነበረ ነው መግለጫው ያመለከተው።

ያለምንም የዘር፣ የሀይማኖት፣ የፖለቲካ አመለካከት እና ሌሎች ልዩነቶች የተካሄደው ይህ መድረክ ውጤታማ የነበረ ቢሆንም የሀገራቱ አድገት እና የህዝቡ አብሮነት

ያልተዋጠላቸው ሀይሎች ባቀነባበሩት እኩይ ተግባር የተፈጸመው ድርጊት ግን እጅግ አሳዛኝ እና የከሰረ መሆኑን አመልክቷል። ሆኖም ይህ ጥቃት መንግስት ለጀመረው የለውጥ ግስጋሴ ቁጭትን እና ተጨማሪ ጉልበት የሚፈጥር እንጂ የተጀመረውን የለውጥ ጉዞ ወደ ኋላ የሚጎትተው አይደለም ብሏል።

ጽህፈት ቤቱ የሀገራቱ እና የህዝቦች ጠላቶች፥ በጠቅላይ ሚኒስትር ዶክተር አብይ አህመድ የሚመራው መንግስት እና በህዝብ የተጀመረው የለውጥ ሂደት ማንም ሊያቆመው እንደማይችል ሊገነዘቡት እንደሚገባ አስታውቋል። 

በዚህ ጥቃት የተጎዱ ዜጎቸ በህክምና እርዳታ ላይ የሚገኙ ሲሆን፥ በተወሰኑት ላይ የደረሰው ጉዳት ከፍተኛ መሆንን አስታውቋል። መንግስትም የጥቃቱን አድራሾች ለህግ ለማቅረብ አስፈላጊውን የማጣራት ስራ እየሰራ ሲሆን፥ ፖሊስ ምርመራውን እንዳጠናቀቀ ለህዝብ ይፋ ይሆናል ብሏል።

በመሆኑም ይህን ጥቃት ያደረሱት ጥቂት የፖለቲካ ጥማተኞች እንጂ ከማንም የሚደመሩ ባለመሆናቸው ህዝቡ በተለመደው የአርቆ አስተዋይነትና አብሮነት መደመሩን ሊያፅና እንደሚገባ ጠቁሟል።

የዚህ ጥፋት ሀሳብ እና ፍላጎት ሳይሳካ ከማለፉ ባሻገር ኢትዮጵያዊያን የለውጥ ጉዞውን ለማሰናከል ከሚፈልጉ አካላት በተቃራኒ በመቆም የማይናወጥ አንድነቱን አሳይቷል ነው ያለው መግለጫው።

ፋና –

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s