አቶ ሲራጅ ፈርጌሳ ከአቶ ሽፈራው ሽጉጤ ጋር በፈቃደኛነት ተቀነሱ!!

ከደቡብ ኢትዮጵያ ህዝቦች ዴሞክራሲያዊ ንቅናቄ (ደኢህዴን) በቃኝ የሚሉ አመራሮች እየበዙ ነው። ይህንኑ ተከትሎ ደግሞ ጉዳዩ የሰላም ይሁን የተንኮል ግራ መጋባትም እያስነሳ ነው። ሊቀመንበሩ አቶ ሽፈራው በቃኝ ማለታቸው በተሰማ ማግስት ምክትላቸው አቶ ሲራጅ ፍርጌሳም በበቃኝ ተቀላቅለዋቸዋል። 

ቀደም ሲል በወላይታ ዞን የተጀመረው ራስን ከሃላፊነት የማግለል ጉዳይ በአብዛኞች እንደሚታሰበውና በሌሎች አገሮች እንደተለመደው ከቀናነትና ስህተትን ከማመን በመነጨ ከሆነ አርአያነቱ አርጅተው ለሚንገዛገዙ ፖለቲከኞች ታላቅ ትምህርት እንደሚሆን አስተያየት የሚሰጡ አሉ።

በሃዋሳ በቅርቡ የተካሄደውን አሰቃቂ ወንጀል ተከትሎ በተደረጉ ውይይቶች ሕዝብ በግልጽ አቶ ሽፈራውን እንደማይፈልግ አመልክቷል። ቀደም ሲል ጀምሮ በሕዝብ የማይደገፉት አቶ ሽፈራው ከሙስና ወንጀልና ከብሄረሰቦች ግጭትና መፈናቀል ጋር በተያያዘ ክስ ሲቅርብባቸው የኖሩ ባለስልጣን ነበሩ።4

በኢትዮጵያ ቴሌቪዥን ብቅ ብለው እሳቸው እንዳሉት ” የህዝብ ጥያቄ ስለሆነና የመፍትሄው አካል ለመሆን ስል ለቅቄያለሁ” ያሉት አቶ ሽፈራው፣ ለጠቅላይ ሚኒስትርነት ታጭተው የህወሃትን ሙሉ ድጋፍ ያገኙና በዶክተር አብይ የተሸነፉ መሆናቸው የወቅቱ አስገራሚ ዜና ነበር። 

በተመሳሳይ የመከላከያ ሚኒስትር፣ የኮማንድ ፖስት ሴክሬታሪያት፣ የድርጅቱ ምክትል ሊቀመንበር ሆነው ሲያገለግሉ የነበሩት አቶ ሲራጅ ፈርጌሳ በፈቃዳቸው መልቀቃቸውን ድርግታቸው ይፋ አድርጓል። አቶ ሲራጅ ፈጌሳ የድርጅቱ ማዕከላዊ ኮሚቴ እያካሄደ ባለው አስቸኳይ ስብሰባ የመልቀቂያ ጥያቄያቸውን በማቅረብ ሃላፊነታቸውን ለቀዋል።

በየካቲት ወር የድርጅቱ ምክትል ሊቀመንበር የሆኑት አቶ ሲራጅ መልቀቂያቸውን እንዳቀረቡ አቶ ሚሊዮን ማትዮስ ተክተዋቸዋል። አቶ ማትያስ የደኢህዴን ምክትል ሊቀመንበር ሆነው ተሹመዋል። አቶ ሲራጅ ያቀረቡት ምክንያት ባይገለጽም ቀደም ሲልም ጀመሮ በስፋት ተቃውሞ የሚቀርብባቸው ሰው ነበሩ።

ወይዘሮ ሙፈሪያት ካሚል አቶ ሽፈራውን ተክተው የደኢህዴን ሊቀመንበር ሆነው መመረጣቸውን ድርጅቱ በትናትናው እለት ይፋ አድርጓል። በየተራ ሁለቱም ክፉኛ ተገምገመው ራሳቸውን ከሃላፊነት ለማራቅ መወሰናቸው ታውቋል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s