ENN ቴሌቪዥን ስርጭቱን ሊያቋርጥ ነው!! የ፭፻ ሚሊዮን ብር ብድር ተሰረዘበት

በመጪው አርብ 110 የሚሆኑ ቋሚ ሰራተኞቹን በይፋ ሊያሰናብት መዘጋጀቱም ታውቋል። ጣቢያው በሕወሃቱ ሊቀመንበር ዶክተር ደብረጺዮን ገብረሚካኤል ቦርድ ሰብሳቢነት ሲመራ መቆየቱ ይታወሳል።

የኢ ኤን ኤን ከስርጭት መውጣት ምክንያት የመንግስት መስሪያቤቶች መረጃ ለጣቢያው መስጠት በማቆማቸው መሆኑ ይነገራል። ለጣቢያው  ስፖንሰር የሆኑት ኢትዮ ቴሌኮም እና ንግድ ባንክ በድንገት ውላቸውን ማቋረጣቸው የጣቢያውን ገቢ ማሳጣቱንም የኢ ኤን ኤን ምንጮቻችን ለዋዜማ ጠቁመዋል።

ጣቢያው ከዳሽን ባንክ በብድር ሊያገኝ የነበረው 500 ሚሊየን ብር ብድር በብሔራዊ ባንክ ትዕዛዝ እንዲሰረዝ መደረጉም ነው የተገለጸው። ኢ ኤን ኤን በሃገሪቱ ህዝባዊ ተቃውሞ በተፋፋመበት ወቅት ሁከት አባባሽና “ብሄር ከብሄር ለማጋጨት የሚቀሰቅስ” ዘገባ በማቅረብ ከፍተኛ ተቃውሞ ቀርቦበት ነበር።

ለዘገባው ሀሰተኛ ምስል መጠቀሙና ዘገባው የተላለፈበት ሰዓት ተዳምረው ጣቢያው “ስውር ተልዕኮ አለው” የሚል ውንጀላም ሲቀርብበት ቆይቷል። ከሕወሃት አመራሮች ጋር የቀረበ ግንኙነት ያለውና በዶክተር ደብረጺዮን ቦርድ አመራርነት ሲተዳደር የነበረው ኢ ኤን ኤን መቀመጫውን አዲስ አበባ አድርጎ ወቅታዊ ጉዳዮችንና የመዝናኛ ይዘት ያላቸውን ፕሮግራሞች ሲያቀርብ ነበር።

ምንጭ ኢሳት ዋዜማን ጠቅሶ ይህንን ቢልም ከድርጅቱ በይፋ የተሰጠ መረጃ ግን የለም። ሚዲያው አሁን በመደረግ ላይ ያለውን ለውጥ ትኩረት ሰጥቶ እንደማይዘግብ፣ እንዲሁም ባለፈው ቅዳሜ የደረሰውን የቦንብ አደጋና ከአራት ሚሊዮን በላይ ህዝብ ተሳትፎበታል የተባለውን ህዝብባዊ የድጋፍ ሰልፍ አስመልክቶ ሽፋን አለመስጠቱ አነጋጋሪ ሆኖ ነበር። በዚሁ ጉዳይ ደሮ፣ ቀደም ሲል በወጣው የብሮድካስት አዋጅ መሰረት ማብራሪያ እንዲሰጥም በደብዳቤ መጠየቁ ይታወሳል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s