ድንበር ፈረሰ – ኢትዮጵያና ኤርትራ ወደ ተለመደው እንቅስቃሴ ለመግባት ተስማሙ፤ በዋና የኢኮኖሚ ጉዳዮች ተስማምተዋል

የኤርትራ ህዝብ ዛሬ ያሳየው ፍቅር ቀድሞ የነበረ ቢሆንም ተሞክሮ የታከለበትም ነው። በፖለቲካና ድብቅ ፍላጎት ተቀስቅሶ ከመቶ ሺህ በላይ ሰዎች ህይወት እንዲቀጠፍ፣ ንብረት እንዲወድም ምክንያት የሆነውን የድንበር ውዝግብ ” ድንበር ፈረሰ” ተብሎ ዛሬ መዘጋቱ ዓለምን አስደምሟል። አዲሱ ጠቅላይ ሚኒስትርን ክብር አጎናጽፏቸዋል። የተነሱባቸውና የሰላም ጉዟቸውን ለማሰናከል የተነሱ ጥቂት ዘረኞችን አሳፍረዋል። 

ህወሃት ” ክህደት” ሲል የትግራይን ህዝብ ሊያስት የተነሳበትን የድንበር ጉዳይ ዶክተር አብይ ” ጥቃቅን ጉዳይ” ሲሉ ነው የገለጹት። ”  በፍቅር ሁሉንም ጉዳይ እንደሚያሳኩ ሙሉ እምነት እንዳላቸው ያስታወቁት የኢትዮጵያ ጠቅላይ ሚኒስትር “ወደቦቻችን እንጠቀማለን” ሲሉ ነው የተናገሩት። መሳሪያ ሰዎችን መማረክ ቢችልም ልብን መማረክ እንደማይችል ያሳዩት ዶከተር አብይ ” ምንም ዋጋ በማያስወጣው ፍቅር የሰውን ልብ ማሸነፍ ይቻላል” ሲሉ ተናገሩና የጸብ ግንብ እንዲናድ ስምምነት ላይ መደረሱን አብስረዋል። በፍጥነት በመስራት ሁለቱንም ህዝቦች መካስ እንደሚገባ ገልጸዋል።

ሌሎች ሲናገሩ ሊያስቱ ስለሚችሉ በሚል የትግራይና የአፋር ህዝብ አብሮ የመኖር፣ አብሮ የመስራት ምንም አይነት ቂም የሌለ በመሆኑ ልክ ዛሬ እንዳደረጋችሁት ልባችሁን ከፍታችሁ እንደተቀበላችሁ እነሱንም ተቀበሉ። ሲሉ ፕሬዚዳንት ኢሳያስ በበኩላቸው ” እንኳን ደስ አለን፣ እንኳን ደስ አላችሁ” ሲሉ ተደምጠዋል። የኤርትራ ህዝብ ከልቡ ያሳየው ድጋፍና ስሜት ታላቅ መሆኑ በቀላል የማይታይ በመሆኑ ልዩ ክብር እንደተሰማቸው ተናግረዋል።

ፋና -የኢፌዴሪ ጠቅላይ ሚኒስትር ዶክተር አብይ አህመድ ከኤርትራው ፕሬዚዳንት ኢሳያስ አፈወርቂ ጋር በተለያዩ ጉዳዮች ላይ ተወያይተዋል። በውይይታቸው ወቅትም የኤርትራ ኤምባሲ በአዲስ አበባ የኢትዮጵያ ኤምባሲ ደግሞ በአስመራ እንዲከፈት መስማማታቸውን ጠቅላይ ሚኒስትሩ ተናግረዋል።

በዚህም ሁለቱ ሃገራት መደበኛ ግንኙነታቸውን ለመጀመር ተስማምተዋልም ነው ያሉት። ከዚህ ባለፈም ሁለቱ ሃገራት ኢኮኖሚያዊ ግንኙነታቸውን ለማደስ የሚያስችሉ ስምምነቶች መፈጸማቸውንም ነው የተናገሩት።

የየሃገራቱ አየር መንገዶች በረራ እንዲያደርጉና በወደቦች በጋራ ለመስራት መስማማታቸውን የጠቀሱት ጠቅላይ ሚኒስትሩ፥ የሁለቱ ሃገራት ህዝቦች ተንቀሳቅሰው መስራት እንዲችሉ ስምምነት ላይ መድረሳቸውንም አንስተዋል።

የኢትዮጵያና የኤርትራ ህዝቦች በጋራ አልምተው ተጠቃሚ ወደሚሆኑበት ወደ አዲስ ምዕራፍ ተሸጋግረዋል ያሉት ጠቅላይ ሚኒስትሩ፥ ሃገራቱ ሰላም ከፈጠሩ ቀጠናው የሰላምና የልማት ዞን ይሆናል ብለዋል።

ሰላም ጥቅም እንጅ ጉዳት እንደሌለው ጠቅሰው፥ ሰላም ለሁለቱም ሃገራት ህዝቦች ተጠቃሚነት ሚናው የጎላ መሀኑን አስረድተዋል።

ለትውልድ ሰላምን በመስበክም በቀጣይነት የሁለቱን ሃገራት አንድነትና እኩል ተጠቃሚነት ማረጋገጥ እንደሚገባ አውስተው፥ በስደት ያሉ ወገኖችም በክብር ወደ ሃገራቸው ይመለሳሉ ነው ያሉት።

አንድ ላይ በመሆንም በቀጠናው ያለውን እምቅ አቅም ተጠቅሞ የጋራ ተጠቃሚነትን ማረጋገጥ ይቻላልም ብለዋል ጠቅላይ ሚኒስትሩ በንግግራቸው።

ኤርትራውያን ላሳዩት ወደር የሌለው ፍቅር ምስጋናቸውን አቅርበው፥ ከ20 ዓመት በፊት የተከሰተ ግጭትና ጥፋት ረስተን በጋራ መበልጸግ በሚቻልበት ጉዳይ ላይ እየመከርን እንሰራለን ብለዋል።

ፕሬዚዳንት ኢሳያስ አፈወርቂ በበኩላቸው፥ የኢትዮጵያና ኤርትራ ህዝቦች ለዚህ ቀን በመድረሳቸው እንኳን ደስ አላችሁ በማለት ደስታቸውን ገልጸዋል። የጠቅላይ ሚኒስትሩ የሰላም ጥሪ ከልብ የመነጨና እውነተኛ መሆኑን በመግለጽ ለሰላም ጥሪውን የአወንታ ምላሻቸውን ሰጥተዋል።

ሃገራቱ ባለፉት ጊዜያት ወደሰላም ለመምጣት ያደረጓቸውን ጥረቶች ጠቅሰው፥ አሁን ላይ ይህ ጥረት በመሳካቱ ጠቅላይ ሚኒስትር ዶክተር አብይ አህመድ ምስጋና ይገባቸዋል በማለት ምስጋናቸውን አድርሰዋል። በሀለቱ ሃገራት መካከል ተቋርጦ የቆየው የመደበኛ ስልክ ግንኙነት መጀመሩም የሚታወስ ነው።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s