አብይና ኢሳያስ የሕዝብ ፍላጎት መሰረት ባደረገ ውይይት ውጤት እያስመዘገቡ ነው

በኤርትራ የሕዝብ ፍላጎትን መሰረት ያደረገ ገንቢ ውይይት እየተደረገ መሆኑንና በውጤቱም ገምቢ ስምምነት እነደሚደረስ እየተጠበቀ ነው። ህወሃት በኢህአዴግ ደረጃ ከኤርትራ ጋር ያለምንም ቅድመ ሁኔታ ስምምነት እንዲደረግ ከወሰነ በሁዋላ፣ ድርድሩ የህዝብን ፍላጎት ያልተከተለና ግልጽነት የጎደለው ነው ሲል መገለጫ ማውጣቱ አይዘነጋም። ስልክ ተጀምሯል።

መሪዎቹ የሃገራቱን ህዝቦች የጋራ ፍላጎት፣ እኩልነትና ሉዓላዊነትን ከግምት ውስጥ ያስገባ ውይይት እያደረጉ መሆኑንን የኤርትራ ማስታወቂያ ሚኒስትር አቶ የማነ ገብረመስቀል ገልጸዋል። አቶ የማነ እንዳሉት ሁለቱ መሪዎች ፈጣንና አዎንታዊ ውጤት የሚያስመዘግብ ስምምነት በቅርቡ ይፋ ያደርጋሉ።

ሚኒስትሩ ይፋ ያደረጉትና ውይይቱ በህዝቦች ፍላጎት ላይ የተመሰረተ መሆኑ ህወሃት ከወዲሁ የሰላም ድርድሩን ለማደናቀፍ ያወጣውን መግለጫ ያሳጣ ሆኗል። ህወሃት በግንባር ያለውን የአገር መከላከያ ሰራዊት ስፍራውን እንዲለቅ ባይፈልግም ሁለቱ መሪዎች በዋና ጉዳዮች ከተስማሙ ሰራዊት ከድንበር የማንሳት ስምምነት ማድረጋቸው አይቀሬ ነው። 

ለረዥም ዓመታት በግንባር ህይወታቸውን የገፉ የሰራዊቱ አባላት ከምን ግዜውም በላይ የሰላሙን ተግባራዊነት እንደሚፈልጉት ከዚህ ቀደም በተደጋጋሚ መዘገቡ ይታወሳል።በርካታ ከፍተኛ መኮንኖችም ስንብት ስለሚፈልጉ የተጀመረውን የሰላም ሂደት አጥብቀው እንደሚደግፉ ለጉዳዩ ቅርብ የሆኑ ወገኖች እየገለጹ ነው።

ኢሳያስ አፉወርቅ የኢትዮጵያን የሰላም ጥያቄ መቀበላቸውን ይፋ ባደረጉበት ንግግራቸው ከድርድሩ ጋር በተያያዘ የአሜሪካን ድጋፍና እገዛ መኖሩን የሚያመላክት ፍንጭ መስጠታቸው አይዘበጋም። በወቅቱ የአሜሪካ አካሄድና የቀደሙት መንግስታት እምነት መቀየሩን፣ በምስራቅ አፍሪቃ የተያዘው የስትራቴጂ አቅጣጫ የተቀየረ መሆኑንን ነበር የገለጹት። ይህንን ያስተዋሉና የክልሉን ፖለቲካ የሚከታተሉ እንዳሉት ኢትዮጵያና ኤርትራ ችግራቸውን ፈተው በጋራ የሚያያይዛቸው ስምምነት እንደሚደርሱ ተንብየዋል።

የጠቅላይ ሚኒስትር ልዩ ጽህፈት ቤት ሃላፊ አቶ ፍጹም አረጋ፥ ላለፉት ሁለት አስርት አመታት ተቋርጦ የነበረው የሃገራቱ የመደበኛ ስልክ ግንኙነት ዳግም መጀመሩን በትዊተር ገጻቸው አስፍረዋል። የኢትዮ ኤርትራ የድንበር ግጭትን ተከትሎ የሁለቱ ሃገራት የስልክ ግንኙነት ተቋርጦ መቆየቱ ይታወሳል።

ይህ መሆኑም በሁለቱ ሃገራት ህዝቦች ግንኙነት ላይ አሉታዊ ተፅዕኖ አሳድሮ ቆይቷል። የዛሬው የመደበኛ ስልክ ግንኙነት መጀመርም ሁለቱ ሃገራት የጀመሩት የሰላም ጉዞ ማብሰሪያ ተደርጓል። 


 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s