Advertisements

የአርቲስት ፍቃዱ ተክለ ማርያም ቀብር ተፈጸመ

ማክሰኞ ሐምሌ 24 ቀን 2010 ዓ.ም. ከዚህ ዓለም በሞት የተለየው የቴአትር ባለሙያው ፍቃዱ ተክለ ማርያም የቀብር ሥነ ሥርዓት ሐሙስ ሐምሌ 26 ቀን 2010 ዓ.ም. በቅድስት ሥላሴ ካቴድራል ተፈጽሟል፡፡

ባለፉት 40 ዓመታት በኢትዮጵያ ቴአትርና የቴሌቪዥን ድራማዎች ላይ አሻራውን ማሳረፉ የሚመሰከርለት ፍቃዱ፣ ሁለቱም ኩላሊቶቹ ሥራ በማቆማቸው ሕክምና እንዲያገኝ የተለያዩ የኅብረተሰብ ክፍሎችና መንግሥት ከፍተኛ ጥረቶችን ሲያደርጉ መቆየታቸው ይታወሳል፡፡ ይሁንና፣ ለሕክምናው የተዋጣውን ገንዘብ  በተመሳሳይ ሕመም ለምትሰቃይ የ18 ዓመት ወጣት ሕክምና እንዲውል ሰጥቶ ነበር፡፡ ሆኖም መንግሥት ሙሉ በሙሉ የሕክምና ወጪውን ችሎ ለማሳከም መዘጋጀቱን አስታውቆ ነበር፡፡

ይሁንና ሕይወቱ እስካረፈበት ጊዜ ድረስ ኩላሊቶቹን የማስቀየር ሕክምና እንዳልጀመረ ተነግሯል፡፡

አርቲስት ፍቃዱ በወልዲያ የሚገኝ ቤተ ክርስቲያን ጸበል ለመጠመቅ ሄዶ በዛው ማረፉና አስከሬኑም ወደ አዲስ አበባ ተጭኖ መምጣቱም ታውቋል፡፡ የቀብር ሥነ ሥርዓቱ በቅድስት ሥላሴ ካቴድራል ከመፈጸሙ አስቀድሞ በብሔራዊ ቴአትር የክብር አሸኛኘት የተደረገለት ሲሆን፣ በዚህም ዝግጅት ላይ የመንግሥት የሥራ ኃላፊዎችና የሙያ አጋሮቹ ተገኝተዋል፡፡

በቅድስት ሥላሴ በነበረው የቀብር ሥነ ሥርዓት ላይም በተመሳሳይ በርካታ ሰዎችና የሙያ አጋሮቹ የተገኙ ሲሆን፣ የመንግሥት የሥራ ኃላፊዎችና የኃይማኖት አባቶችም ተገኝተዋል፡፡

አርቲስት ፍቃዱ በ1948 ዓ.ም. ተወልዶ፣ በ62ዓመቱ አርፏል፡፡

ብሩክ አብዱ riporter

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: