Advertisements

15 አባላት ያሉት የኢትዮጵያ ዲያስፖራ ትርስት ፈንድ አማካሪ ምክር ቤት ተመሰረተ

(EBC) — ከተለያዩ አለም አቀፍ ተቋማት ጭምር ልምድና የዳበረ ተሞክሮ ያላቸው ስመ ጥር ኢትዮጵያዊያንንና ትውልደ ኢትዮጵያዊያንን ያካተተ የኢትዮጵያ ዲያስፖራ ትርስት ፈንድ አማካሪ ምክር ቤት ተመሰረተ፡፡

ጠቅላይ ሚኒስትር ዐቢይ አህመድ በምክር ቤቱ ውስጥ የተካተቱት አባላት ለወሰዱት ተልዕኮ ምስጋና በማቅረብ ኃላፊነታቸውን እንዲወጡ መጠየቃቸውን የጠቅላይ ሚኒስትር ጽ/ቤት ኃላፊ አቶ ፍፁም አረጋ ተናግረዋል፡፡

የትረስት ፈንዱ አማካሪ ምክርቤቱ አስራ አምስት አባላት አሉት፡፡ በተመድ የልማት መርሃ ግብር፣አለም ባንክ፣ አፍሪካ ልማት ባንክ ፣ በአለም አቀፍ ዪኒቨርስቲዎች፣ በአለም አቀፉ የአዕምሯዊ ንብረት ድርጅት፣በአለም አቀፍ ኩባንያዎች ከፍተኛ ቦታዎች ላይ ያሉና ዕውቅና ያላቸው የሰብዓዊ መብት ተቆርቋሪዎች በምክር ቤቱ አባልነት ተካተዋል፡፡

የካሊፎርኒያው ዩኒቨርሲቲ ምሁር ፕሮፌሰር አለማየሁ ገብረማርያም የምክር ቤቱ ሰብሳቢ ሲሆኑ፣የሰብዓዊ መብት ተቆርቋሪዎቹ ታማኝ በየና እና ኦባንግ ሜቶም በአባልነት ተካተዋል፡፡

የዲያስፖራ ትረስት ፈንድ ከዲያስፖራው ማህበረሰብ በሚገኝ መዋጮ በኢትዮጵያ የሚታዩ ማህብረሰባዊ የልማት ክፍትቶችን ለመሙላት በጠቅላይ ሚኒስትር ዐቢይ አህመድ ሀሳብ ጠንሳሽነት ከወር በፊት መጀመሩ ይታወሳል፡፡

አማካሪ ምክር ቤቱም ይህን እቅድ ስኬታማ ለማድረግ ትግብራውን የመቆጣጠርና አቅጣጫ የማስያዝ ተልዕኮ ተሰጥቶታል፡፡

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: