Advertisements

ጠቅላይ ሚኒስትር ዶክተር አብይ ከሳዑዲ አረቢያው የውጭ ጉዳይ ሚኒስትር ጋር በሁለትዮሽ ጉዳዮች ላይ መከሩ

ጠቅላይ ሚኒስትር ዶክተር አብይ አህመድ ዛሬ ከሰዓት በኋላ በሳዑዲ አረቢያ የውጭ ጉዳይ ሚኒስትር አደል ቢን አህመድ አል ጁበይር የሚመራውን ልዑክ ቡድን በጽህፈት ቤታቸው ተቀብለው አነጋግረዋል።

አብይ ሳዑዲ.pngዶክተር አብይ ከውጭ ጉዳይ ሚኒስትሩ ጋር የተነጋገሩት በሁለትዮሽና ቀጣናዊ ጉዳዮች ላይ ነው። ሁለቱ ሃገራት ሁሉን አቀፍ ትብብራቸውን ማጠናከር በሚችሉባቸው መንገዶች ላይም መክረዋል።

የኢፌዴሪ የውጭ ጉዳይ ሚኒስትሩ ዶክተር ወርቅነህ ገበየሁ እንደተናገሩት በሃገራቱ መካከል ዘመናትን የተሻገረውን የህዝብ ለህዝብ ትስስር እንዴት ይበልጥ ማሳደግ እንደሚቻልም ተነጋገረዋል።

ዶክተር አብይ በአደል ቢን አል ጁቤይር ከተመራው የልዑካን ቡድን ጋር በነበራቸው ቆይታ በሀገራቱ የኢንቨስትመንት ግንኙነት ላይም መክረዋል። በቱሪዝም መስክ ያላቸውን ትብብር ማሳደግም የውይይታቸው አካል ነበር።

F.B.C

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: