Advertisements

ኢትዮጵያና የተባበሩት አረብ ኤምሬቶች ከአሰብ እስከ አዲስ አበባ የነዳጅ ማስተላለፊያ ቱቦ ለመዘርጋት አቅደዋል

ሀገራቱ በተለያዩ ዘርፎች በጋራ መስራት የሚያስችሏቸውንም በአጠቃላይ 3 ቢሊየን የአሜሪካ ዶላር መጠን ያላቸው የውጭ ምንዛሬ ድጋፍ እና ኢንቨስትመንት ስምምነቶችን መፈራረማቸው ይታወሳል።

የኢፌዴሪ ጠቅላይ ሚኒስትር ዶክተር አብይ አህመድ የተባበሩት አረብ ኢምሬቶች የአለም አቀፍ ትብብር ሚኒስትር ሪም አል ሀሺሚን በፅህፈት ቤታቸው ተቀብለው አነጋግረዋል።

በዚህ ወቅትም ሀገራቱ ከዚህ ቀደም የደረሷቸውን የኢንቨስትመንት ስምምነቶች ወደ ተጨባጭ ስራ ለማሸጋገር በሚቻልበት ሁኔታ ላይ በዝርዝር ተወያይተዋል።

በሀገራቱ መካከል የተገቡ ስምምነቶችን ወደ ተግባር ለመቀየር በባለሙያዎችና በቴክኒክ ደረጃ ጥናት እየተካሄደ እንደሆነ ተነስቷል።

በዚህ ውይይት በተለይ የሪል እስቴት እና ሪዞርት ግንባታዎችን በፍጥነት ለመጀመር ስምምነት ላይ እንደተደረሰ ታውቋል።

በተጨማሪም ከአሰብ እስከ አዲስ አበባ የነዳጅ ማስተላለፊያ ቱቦ ለመዘርጋት ሀገራቱ ከስምምነት የደረሱ ሲሆን፥ ይህንም ወደ ተግባር ለመቀየር ጥናት ለማድረግ መግባባት ላይ የጠቅላይ ሚኒስትር ፅህፈት ቤት ሀላፊ  አቶ ፍፁም አረጋ አስታውቀዋል።

ከውይይቱ በኋላ ሚኒስትሯ ሪም አል ሀሽሚ ለፋና ብሮድካስቲንግ ኮርፖሬት እንደተናገሩት፥ የተባበሩት አረብ ኢምሬቶች በኢትዮጵያ ያለውን የኢንቨስትመንት አማራጭ አሟጣ ለመጠቀም ትፈልጋለች ብለዋል።

በአሁን ወቅትም በኢትዮጵያና ኤርትራ መካከል የተደረሰው የሰላም ስምምነት ለዚህም መልካም አጋጣሚ አንደሆነ ጠቁመዋል።

የተባበሩት አረብ ኤምሬቶች ልዑል አልጋወራሽ ሼክ መሀመድ ቢን ዛይድ አል ነኸያን በኢትዮጵያ ይፋዊ የስራ ጉብኝት ባደረጉበት ወቅት በተለያዩ ጉዳዮች ስምምነት ላይ መድረሳቸው የሚታወስ ነው።

በወቅቱ ሀገራቱ በተለያዩ ዘርፎች በጋራ መስራት የሚያስችሏቸውንም በአጠቃላይ 3 ቢሊየን የአሜሪካ ዶላር መጠን ያላቸው የውጭ ምንዛሬ ድጋፍ እና ኢንቨስትመንት ስምምነቶችን መፈራረማቸው ይታወሳል።

FBC NEWS

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: