Advertisements

የኤርትራው የውጭ ጉዳይ ሚኒስትር ዑስማን ሳልህ ዛሬ አዲስ አበባ ይገባሉ።

የውጭ ጉዳይ ሚኒስትሩ በቆይታቸው ከኢፌዴሪ ከፍተኛ ባለስልጣናት ጋር ይወያያሉ ተብሎ ይጠበቃል። ጉብኝቱ ዳግም የተጀመረውን የሁለቱን ሃገራት ግንኙነት ወደ ተሻለ ደረጃ ለማድረስ እንደሚያግዝ ታምኖበታል።

ከውጭ ጉዳይ ሚኒስትሩ ጋር የኤርትራ ፕሬዚዳንት አማካሪ አቶ የማነ ገብረዓብ አብረው ወደ አዲስ አበባ ይመጣሉ። ኢትዮጵያና ኤርትራ ለ20 አመታት አቋርጠውት የነበረውን ግንኙነት ዳግም መጀመራቸው ይታወሳል።

የኢፌዴሪ ጠቅላይ ሚኒስትር ዶክተር ዐቢይ አህመድ በአስመራ ታሪካዊ የተባለውን የመጀመሪያ ጉብኝት አድርገዋል። በጉብኝታቸው ወቅትም የሁለቱን ሃገራት የንግድና ኢኮኖሚያዊ ግንኙነት የሚያጠናክሩ ስምምነቶችን ተፈራርመዋል።

የኤርትራው ፕሬዚዳንት ኢሳያስ አፈወርቂም በኢትዮጵያ ጉብኝት በማድረግ በአዲስ አበባ የሚገኘውን የኤርትራ ኤምባሲ መርቀው ከፍተዋል።

በቅርቡም የኢፌዴሪ የውጭ ጉዳይ ሚኒስትር ዶክተር ወርቅነህ ገበየሁና የኦሮሚያ ክልል ርዕሰ መስተዳድር አቶ ለማ መገርሳ ወደ ኤርትራ በማቅናት ከኤርትራው ፕሬዚዳንት ኢሳያስ አፈወርቂ ጋር በተለያዩ ጉዳዮች ላይ መወያየታቸው የሚታወስ ነው። FBC NEWS

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: