Advertisements

‹‹የጥበብ ሰው የጎደለውን የሚተች ብቻ ሳይሆን የጎደለውን የሚሞላም ጭምር ነው፡፡››ምክትል ጠ/ሚ አቶ ደመቀ መኮንን

የጥበብ ሰው የጎደለውን የሚተች ብቻ ሳይሆን የጎደለውን የሚሞላ ጭምር ነው አሉ የኢፌዴሪ ምክትል ጠቅላይ ሚኒስትር አቶ ደመቀ መኮንን።

ምክትል ጠቅላይ ሚኒስትር አቶ ደመቀ መኮንን ከረጅም ዓመታት የውጭ ሀገር ቆይታ በኋላ ወደ ሃገራቸው የተመለሱትን የኪነ-ጥበብ ባለሙያዎች ዛሬ በጽህፈት ቤታቸው ተቀብለው አነጋግረዋል።

ምክትል ጠቅላይ ሚኒስትር አቶ ደመቀ መኮንን ዛሬ ወደ ሀገራቸው የተመለሱትን አርቲስት ዓለምፀሓይ ወዳጆ፤ አርቲስት አበበ በለው እና አርቲስት ተክሌ ደስታን ነው ያነጋገሩት።

በዚሁ ወቅት ምክትል ጠቅላይ ሚኒስትር አቶ ደመቀ፥ በሀገሪቱ የተፈጠረውን የለውጥ እንቅስቃሴ ተከትሎ በቀረበው ጥሪ መሰረት አርቲስቶቹ ወደ እናት ሃገራቸው መመለሳቸው የሚያስደስት መሆኑን ተናግረዋል።

ለውጡን በርቀት ሳይሆን በቅርበት ተጋግዞ መደገፍ እንደሚገባም ምክትል ጠቅላይ ሚኒስትሩ አስረድተዋል።

የተጀመረው ለውጥ መሰረት እንዲኖረው እና ይበልጥ ትውልዱ በባለቤትነት እንዲጨብጠው በጥበብ መደገፍ እንደሚገባም ገልፀዋል።

አቶ ደመቀ፥ የጥበብ ሰው የጎደለውን የሚተች ብቻ ሳይሆን፤ የጎደለውን የሚሞላ ጭምር እንደሆነም ተናግረዋል።

አርቲስቶቹ በበኩላቸው ለረጅም ጊዜ ወደ ናፈቋት እናት ሃገራቸው ለመመለስ ዕድል መፈጠሩ እና በመንግስት በኩል በተደረገላቸው መልካም አቀባበል መደሰታቸውን ተናግረዋል።

በቀጣይም ሙያዊ ሃላፊነታቸውን ለመወጣት ዝግጁ ነን ማለታቸውን ከምክትል ጠቅላይ ሚኒስትር ጽህፈት ቤት ያገኘነው መረጃ ያመለክታል።

ባሕር ዳር፡ነሀሴ 22/2010 ዓ.ም (አብመድ)

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: