Advertisements

አርበኞች ግንቦት 7 በኤርትራን ለቆ ወጣ ፤ ወታደራዊ ካምፑንም እንደዘጋ ተሰማ፤

የአርበኞች ግንቦት ሰባት በኤርትራ አለኝ ሲል የነበረውን ወታደራዊ ካምፕ ዘግቶ ከኤርትራ ወደ አማራ ክልል እያቀና መሆኑንን በምስል የተደገፉ መረጃዎች እያመላከቱ ነው።

ግንባሩ ወታደሮቹን በሁመራ በኩል ለማሰጋባት ጉዞ መጀመሩ ከመገለጹ ውጪ ዝርዝር መረጃ አልተካተተም። ግንባሩ ይህንን እርምጃ መወሰዱን የመንግስት ሚዲያዎች ቢዘግቡትም ምን ያህል ወታደሮች፣ ወይም በምን ያህል ደረጃ የተደራጀ ሰራዊት እንደሆነ ያሉት ነገር የለም።

arebegnoch-G7-2-750x430

በተመሳሳይ የግንባሩ አመራሮች ሰራዊቱ ሰላማዊ ኑሮውን እንዲመራ ለማስቻል እየሰሩ መሆናቸውን መግለጻቸው የሚታወስ ነው። ከኤርትራ ወደ ሁመራ እያቀና ያለው የአርበኞች ግንቦት ሰባት ሃይል አማራ ክልል ሲደርስ ደናቅ አቀባበል ይደረግለታል ተብሎ እንደሚጠበቅ ከወዲሁ እየተጠቆመ ነው። ፋና የሚከተለውን ዘግቧል።

አርበኞች ግንቦት 7 ቡድን ታጣቂዎችም ከካምፑ በመውጣት ወደ ኢትዮጵያ በመምጣት ላይ መሆናቸው ተነግሯል። የአርበኞች ግንቦት 7 አባላቱ በሁመራ በኩል በማድረግ ወደ ሀገር ውስጥ ለመግባትት ጉዞ መጀመራቸውንም የተለያዩ የኤርትራ መገናኛ ብዙሃን ዘግበዋል።

የአርበኞች ግንቦት 7 ጠቅላይ ሚኒስትር ዶክተር አብይ አህመድ ያቀረቡትን ጥሪ ተከትሎ የትጥቅ ትግል ማቆሙን ማስታወቁ ይታወሳል። አርበኞች ግንቦት 7 በኤርትራ ያለውን ወታደራዊ ካምፕ በመዝጋት ታጣቂዎቹ ወደ ሀገር እንዲመለሱ ያደረገውም ይህንን ተከትሎ ነው።መንግስት በውጭ ከሚገኙ የፖለቲካ ፓርቲዎች ጋር ስምምንት መድረሱ መድረሱ ተከትሎ በውጭ ሀገራት የሚንቀሳቀሱ በርካታ የፖለቲካ ፓርቲዎች ወደ ሀገር ውስጥ ገብተው በሰላማዊ መንገድ ለመንቀሳቀስ መወሰናቸው ይታወሳል።

ከእነዚህም ውስጥ አርበኞች ግንቦት 7፣ የኦሮሞ ነፃነት ግንባር (ኦነግ)፣ የኦጋዴን ብሄራዊ ነፃ አውጪ ግንባር (ኦብነግ)፣ የአማራ ዴሞክራሲያዊ ሀይል ንቅናቄ እና ሌሎች የፖለቲካ ድርጅቶች ተጠቃሽ ናቸው።

መንግስትም ነፍጥ አንግበው የነበሩ የተለያዩ የፖለቲካ ፓርቲዎች ታጣቂዎች ትጥቅ የሚፈቱበትን፣ ከህረተሰቡ ጋር የሚቀላቀሉብትንና ዘላቂ ኑሮ እንዲመሩ ለማስቻልም በጠቅላይ ሚንስትር ጽህፈት ቤት ውስጥ የመልሶ ማቋቋሚያ ፕሮጀክት ጽህፈት ቤት በቅርቡ ተቋቁሟል።

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: