Advertisements

“የአሰብ ወደብን በጥቂት ሳምንታት ውስጥ ወደ ስራ ይገባል” ጠ/ሚ ዐቢይ

ሰሞኑን ለቻይና አፍሪካ የትብብር ፎረም ቻይና የነበሩት ጠቅላይ ሚኒስትር ዶክተር ዐቢይ አህመድ ጉብኝታቸውን አጠናቀው አሰብ ገብተዋል።

የኤርትራው ፕሬዚዳንት ኢሳያስ አፈወርቂም ጠቅላይ ሚኒስትሩ አሰብ ሲደርሱ አቀባበል አድርገውላቸዋል። ጠቅላይ ሚኒስትሩ ረፋድ ላይ የአሰብ ወደብንና ከአሰብ ወደብ እስከ ኢትዮጵያ ድንበር ያለውን 71 ኪሎ ሜትር መንገድ የጎበኙ ሲሆን፥ መንገዱ አገልግሎት ለመስጠት በጥሩ ሁኔታ ላይ እንደሚገኝ ገምግመዋል።

የአሰብ ወደብን በተመለከተም ወደቡ ላይ የተወሰኑ የማስተካከያ ስራዎች ከተከናወኑ በኋላ በጥቂት ሳምንታት ውስጥ ወደ ስራ ይገባል ብለዋል። ከአሰብ በኋላም ወደ ምጽዋ ወደብ በማቅናት በወደቡ ጉብኝት አድርገዋል።

መቐለ የተባለችው የኢትዮጵያ ንግድ መርከብም ምጽዋ ወደብ ደርሳ የመጀመሪያ ጭነቷን እየጫነች ሲሆን፥ ጉዟዋንም ወደ ቻይና ታደርጋለች ተብሏል።

ጠቅላይ ሚኒስትር ዶክተር ዐቢይ አህመድ ሂደቱ በሁለቱ ሃገራት መካከል የተጀመረው የሰላም ጥረት ውጤት እያመጣ ስለመሆኑ ማሳያ ነው ብለዋል።

ጉብኝቱም የተጀመረው የሰላም ጥረት ከአዲሱ አመት በፊት ውጤታማ እንዲሆን በማሰብ የተደረገ መሆኑንም በዚህ ወቅት ተናግረዋል። ጠቅላይ ሚኒስትር ዶክተር አብይ በሁለት ቀናት የኤርትራ ጉብኝታቸው ወደ አስመራ የሚያቀኑ ሲሆን፥ በቅርቡ ሁለቱ ሀገራት በገቡት ስምምነት አፈፃፀም ላይ ከፕሬዚዳንት ኢሳያስ አፈወርቂ ጋር ውይይት ያደርጋሉ ተብሎ ይጠበቃል።

የኢትዮጵያ የንግድ መርከብ ከረጅም ጊዜ በኋላ በዛሬው ዕለት ምጽዋ ወደብ ላይ መልህቋን ትጥላለች ተብሎ ነው የሚጠበቀው።

(ኤፍ ቢ ሲ)

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: