Advertisements

የትግራይ ክልል አስጠነቀቀ – የወልቃይትና ራያ የማንነት ጥያቄ ጸረ ህዝብ ነው

የትግራይን እና የህዘቦቿን አንድነት ለማዳከም ሆነ ተብሎ የሚካሄድ በማንነት ላይ ያነጣጠረ ጥቃት ተቀባይነት የሌለው ስለሆነ ሳይውል ሳያድር ሊቆምና ሊታረም እንደሚገባ ያሳስባል፡፡

የማንነት ጥያቄ ህገ መንግስታዊ መልስ አግኝቶ ያደረ የማያመነታ እውነት ሆኖ እያለ አንድ ጊዜ ወልቃይት ሌላ ግዜ ራያ እያሉ የትግራይን ህዝብ ማንነት እና አንድነት ለማዳከም አልሞ መስራት በማንኛውም መመዘኛ ተቀባይነት የሌለው እና በይዘቱም ፀረ ህዝብ ነው፡፡
ዛሬ ቀን ነሐሴ 30 / 2010 ዓ.ም በአዲስ አበባ በማንነቱ የማይደራደረው የራያ ህዝብን ክብር በሚነካ መልኩ የማንነት ጥያቄ አለን በሚል ግልፅ በሆነ ፖለቲካዊ ዓላማ ባላቸው የሚመራ ቡድናዊ እንቅስቃሴም ፤ የትግራይ ህዝብን ለማዳከም ከሚጠነሰሱ ሴራዎች አንዱ አካል በመሆኑ ተቀባይነት የለውም ብቻ ሳይሆን ሕገ-መንግስታዊ ጥሰትም ጭምር ነው፡፡

የማንነት ጥያቄ እንኳን ቢኖር ጥያቄ አለኝ የሚል ህዝብ ራሱ ጥያቄ ያነሳል እንጂ እኔ አውቅልሃለሁ በሚል ግዜው ባለፈበት ትእቢት የራሳቸው ግልፅ የፖለቲካ ዓላማ ያላቸው አካላት በከተማዎች መሽገው የሚያነሱት ጥያቄ እንዳልሆነና ኢትዮጵያ ፌደራላዊ ዴሞክራሲያዊ ሕገ-መንግስት መልሶት ያደረ አጀንዳ ነው፡፡

ስለሆነም የማይመለከታቸው አካላት ስለማያውቁት እና ስለ ክብሩን እና ህልውናውን ቅንጣት ታህል አስተዋፅኦ እና ደንታ የሌላቸው አካላት ስለ የትግራይ ማንነት ጥያቄ ማንሳቱ ሞራላዊ ይሁን ህጋዊ መሰረት የላቸውም፡፡

በመሆኑም የትግራይ ህዝብ እና የትግራይ ብሄራዊ ክልላዊ መንግስት ለዚህ እኩይ ተግባር በፅናት እየኮነኑ በዚህ ተግባር የሚሳተፉ አካላትም ከተግባራቸው እንዲቆጠቡ በጥብቅ ያሳስባሉ፡፡ከዚህ በተጨማሪም የትግራይ ህዝብና መንግስት በፅናት እንደሚታገላቸው ሊሰመርበት ይገባል፡፡
የትግራይ ክልል የኮሙዩኒኬሽን ጉዳዮች ቢሮ
ነሀሴ 30 ቀን 2010 ዓ.ም
ትግራይ
መቐለ

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: