Advertisements

በስጦታ መርሃ ግብሩ ከ2 ነጥብ 5 ሚሊየን በላይ ብርና በ100 ሺህዎች የሚቆጠሩ የትምህር መሳሪያ ተሰበሰበ

በአዲስ አበባ ከተማ ሚሊኒየም አዳራሽ ሲካሄድ በቆየው የስጦታ መርሃ ግብር ከ2 ነጥብ 5 ሚሊየን በላይ ብርና በ100 ሺህዎች የሚቆጠሩ የትምህር መሳሪያ መሰብሰብ ተችሏል።

“የአዲስ ዓመት ስጦታ ለሀገሬ በሚል መሪ ቃል” ላለፉት አራት ቀናት ሲካሄድ የነበረው የአዲስ ዓመት የስጦታ መርሃ ግብር በዛሬው እለት ተጠናቋል።

ከነሀሴ 28 አሰከ ዛሬ የቆየው ስጦታ የመስጠት መርሃ ግብር ላይም በገንዘብ እና በአይነት በርካታ ስጦታዎች መበርከታቸውም ለማወቅ ተችሏል።

እስካሁን በተደረገ ቆጠራም በጥሬ ገንዘብ ከ2 ነጥብ 5 ሚሊየን ብር በላይ በስጦታ መልክ መሰብሰብ መቻሉ ታውቋል።

እንዲሆም ከ119 ሺህ በላይ ደብተር እና በ100 ሺህዎች የሚቀጠሩ ስክሪብቶዎችም የተለገሱ ሲሆን፥ በርካታ አልባሳት፣ የቤት ቁሳቁስ እና ለምግብ ፍጆታ የሚውሉ ስጦታዎችም ተበርክተዋል።

በዝግጅቱ ላይም በርካቶች ደም የለገሱ ሲሆን፥ እስካሁንም ከ500 ዩኒት በላይ ደም ከበጎ ፍቃደኛ ለጋሾች መሰብሰብ ተችሏል ነው የተባለው።

መስጦታ መርሃ ግብሩ የተሰበሰቡ ስጦታዎች የሚበረከትላቸው ሰዎች መለየታቸው የተገለፀ ሲሆን፥ የተለገሱ የትምህረት መርጃ ቁሳ ቁሶች በከተማዋ ለተለዩ ከ30 ሺህ በላይ አቅመ ደካማ ተማሪዎች የሚከፋፈል መሆኑም ታውቋል።

ሌሎች በአይነት እና በጥሬ ገንዘብ የተለገሱ ስጦታዎችም በከተማዋ የደሃ ደሃ ተብለው ለተለዩ የህብረተሰብ ክፍሎች የሚከፋፈል መሆኑንም ነው የተገለፀው።

የአዲስ አበባ ከተማ አስተዳደር ከንቲባ ጽህፈት ቤትም ማምሻውን እንደገለፀው፥ በመርሃ ግብሩ ላይ የተበረከቱት ስጦታዎች በመዲናዋ በተለያየ ምክንያት በችግር ውስጥ ለሚኖሩ ወገኖቻችን የሚውል ይሆናል ብሏል።

መርሀ ግብር ለተሳተፉ በሙሉም የከንቲባ ጽህፈት ቤት ልባዊ ምስጋናውን እንደሚያቀርብም አስታውቋል።

በፋሲካው ታደሰ –  (ኤፍ.ቢ.ሲ)

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: