Advertisements

ዲያጎ ማራዶና ዳግም ወደ አሠልጣኝነት መንበር ተመለሰ

በብዙዎች ዘንድ የምንጊዜም የእግርኳስ ፈርጥ እንደሆነ የሚነገርለት አርጅንቲናዊው የቀድሞ ኮከብ ዲያጎ አርማንዶ ማራዶና ዳግም ወደአሠልጣኝነት መንበር ተመልሷል፡፡

የ57 አመቱ የባላንዶር እና የዓለም ዋንጫ አሸናፊው ማራዶና በሜክስኮ ሁለተኛ ሊግ የሚጫወተውን ክለብ ዶራዶስ ዲ ሲናሎአን ለማሠልጠን ተስማምቷል ፡፡

ዲያጎ ማራዶና እንደ ፈርንጆች የዘመን ቀመር ከ2008 እስከ 2010 ድረስ ብሔራዊ ቡድኑን ባሠልጣኝነት በመምራት በደቡብ አፍሪካው የዓለም ዋንጫ ተገኝቷል ፡፡

ማራዶና ከቅርብ አመታት በፊት የተባበሩት አረብ ኢሚሬቶችን ክለብ አል ፉጅራህን ማሠልጠኑ የሚታወስ ነው፡፡ / ቢቢሲ / 
ትርጉም አልባ የወዳጅነት ጨዋታዎችን ለማስቀረት በሚል የአውሮፓ እግር ኳስ ፌዴሬሽን የአውሮፓ ብሔራዊ ሊግ በሚል ስያሜ ባወጣው አዲስ የሀገራት ጨዋታ ዘጠኝ ያህል ጨዋታዎች ተደርገዋል፡፡

ከተደረጉት ጨዋታዎች ትልቅ ግምት አግኝቶ የነበረው የ2018ቱ የዓለም ዋንጫ አሸናፊዋ ፈረንሳይ እና የ2014ቱን የዓለም ዋንጫ አሸናፊ ጀርመንን ያገናኘው ነበር ፡፡ 
በአስደናቂ የተጫዋቾች ስብስብ እና በተለያየ የእግር ኳስ ፍልስፍና የሚታወቁት ሁለቱ ኃያል ሀገራት ያደረጉት ጨዋታ ያለምንም ጎል አቻ በሆነ ውጤት ተጠናቋል ፡፡

የጀርመን ብሔራዊ ቡድን ባሳለፍነው ወር ከዘረኝነት ጋር በተያያዘ ከብሔራዊ ቡድኑ ራሱን ካገለለው ሜሱት ኦዚል ውጭ ያደርገው የመጀመሪያው የነጥብ ጨዋታ ሆኗል፡፡

በሌላ ጨዋታ የ2018ቱ የፍጻሜ ተፋላሚዋ ክሮሺያ ከፖርቱጋል ያደረጉት ጨዋታ አንድ ለአንድ በሆነ አቻ ውጤት ተጠናቋል ፡፡ 
ቀዳሚ የነበረችው ክሮሺያ ስትሆን በ18ኛው ደቂቃ ኢቫን ፐሪስች ለክሮሺያ ሲያስቆጥር የቀድሞው የሪያል ማድሪድ የኋላ ደጀን ፔፔ በ31ኛው ደቂቃ ለፖርቱጋል የአቻነት ጎል አስቆጥሯል፡፡ 
ኮከቡ ሮናልዶ በትናንቱ ጨዋታ ብቁ አይደለሁም በሚል ምክንያት ከጨዋታው ውጭ ሆኗል፡፡ 
በሌላ ጨዋታ ቼክ ሪፐብሊክ 1 ዩክሬን 2 
ዌልስ 4 አየርላንድ ሪፐብሊክ 1 
ካዛኪስታን 0 ጆርጂያ 2 
አርሜኒያ 2 ሌሽስተንስታይን 1 
ኖርዌይ 2 ቆጵሮስ 0 
ስሎቫኒያ 1 ቡልጋሪያ 2 
ላቲቪያ 0 አንዶራ 0 
ጂብራልተር 0 መቄዶኒያ 2 በሆነ ውጤት ተለያይተዋል፡፡

ባሳለፍነው የዝውውር መስኮት ስሙ ከተለያዩ ክለቦች ጋር ሲያያዝ የነበረው ፈረንሳዊ የማንቸስተር ዩናይትድ የመሃል ሜዳ ሞተር ፖል ላብሌ ፖግባ ከትናንቱ ጨዋታ በኋላ ስለማንቸስተር ቆይታው ተጠይቆ ወደፊት የሚሆነው አይታወቅም አሁን ግን በቡድኑ ደስተኛ ነኝ ብሏል፡፡ 
ፖግባ ከማንቸስተር ዩናይትድ አሠልጣኝ ጆሴ ሞሪኒሆ ጋር ስላላቸው ግንኙነት ተጠይቆ ከሱ ጋር ያለኝ ግንኙነት አያሳስበኝም ለማንቸስተር ግን የምችለውን ሁሉ አደርጋለሁ ብሏል፡፡ 
/ቢቢሲ/
ብራዚላዊው የቶተንሃም አጥቂ ሉካስ ሞራ የእንግሊዝ ፕሪሚየር ሊግ የወሩ ምርጥ ተብሎ ተሠየመ፡፡ 
የ26 አመቱ ሞራ በተያዘው የውድድር ዘመን ለቶተንሃም በሶስት ጨዋታዎች ሶስት ግቦችን አስቆጥሯል፡፡ 
ሞራ በ2017 የጥር የዝውውር መስኮት ፒ ኤስ ጂን ለቆ ቶትንሃምን መቀላቀሉ የሚታወስ ነው ፡፡ / ስካይ ኒውስ /

በታርቆ ክንዴ – አብመድ

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: