Advertisements

ዳውድ ኢብሳና ትጥቅ ፈተው አገራቸው የሚገቡት የኦነግ ታጣቂዎች መስቀል አደባባይ አቀባበል ይደረግላቸዋል

በኤርትራ የሚገኘው የኦሮሞ ነጻነት ግንባር አመራር መስከረም አምስት  ዓመተ ምህረት ወደ አገር ቤት ሊገባ መሆኑ ተገለፀ፡፡በዚህም አንድ ሺህ 300 የግንባሩ ታጣቂዎችም ከመሪያቸው ዳውድ ኢብሳ ጋር ትጥቃቸውን በመፍታት ወደ ሀገር ቤት ይገባሉ ተብሏል፡፡
 
ቀድም ብሎ ወደ ሀገር ቤት የገባው ልዑክ አመራር የሆኑት ኢብሳ ነገዎ እንደጠቀሱት የግንባሩ ታጣቂዎች አቀባበል በመስቀል አደባባይ እንደሚዘጋጅ ገልጸዋል፡፡
 
መስከረም ሰባት ደግሞ የፖለቲካ ድርጅቶች፣ ምሁራንና ህበረተሰቡን ያሳተፈ የውይይት መድረክም በአፍሪካ ኢኮኖሚ ኮሚሽን እንደሚዘጋጅ አቶ ኢብሳ ጠቅሰዋል፡፡
 
ጠቅላይ ሚኒስትር ዶክተር አብይ አህመድ ወደ ኤርትራ ባደረጉት የመጀመሪያ ጉብኝት ጎን ለጎን አስመራ ከሚገኙ የኦነግ አመራሮች ጋር ወደ ሀገር ቤት በሚመለሱበት ጉዳይ ላይ መወያየታቸው የሚታወስ ነው፡፡
 
ይህንንም ተከትሎ ከውጭ ጉዳይ ሚኒስትር ዶክተር ወርቅነህ ገበየሁና ከኦሮምያ ክልል ርዕሰ መስተዳድር አቶ ለማ መገርሳ ጋር በአስመራ ውይይት አካሂደዋል፡፡
 
ግንባሩም ከሳምንታት በፊት ወደ ኢትዮጵያ ልዑካኑን ልኮ ከመንግስት ጋር በደረሰው ስምምነት መሰረት ውይይት ሲያካሂድ መቆየቱም ይታወቃል፡፡
 
ጠቅላይ ሚኒስትሩ ለተፎካካሪ የፖለቲካ ፓርቲዎች ያቀረቡትን ጥሪ ተከትሎ በርካታ ግለሰቦችና የፖለቲካ ፓርቲዎች ወደ ሀገር ቤት በመመለስ ላይ ይገኛሉ፡፡
 
በረጋሳ ፊሮምሳ FBC
Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: