Advertisements

በጠቅላይ ሚኒስትር አብይ ላይ የቦንብ ጥቃት የሞከሩት ማንነት ፍንጭ መገኘቱ ተገለጸ፤ አቃቤ ህግ ክስ ለመመስረት ቀ ተቆረጠለት

የፌደራል ፖሊስ  በሰኔ አስራ ስድስቱ የቦንብ ጥቃት እያካሄደ ባለው ምርመራ ዝርዝር ውስጥ ሳይገባ በቂ ፍንጭ ማግኘቱን ለኢንጂነር ሰመኘው ግድያ ባዘጋጀው መግለጫ ላይ አስታውቋል። ጊዜ ባይቀጥርም ምርመራውን ሲያጠናቅቅ መግለጫ እንደሚሰጥ ተናግሯል። በተመሳሳይ አቃቤ ህግ የፖሊስ ምርመርራ ውጤት ተጠቃሎ እንደደረሰው ጠቅሶ ክስ ለመመስረት አስር ቀን ጠይቆ ተፈቅዶለታል። ፋና እንዲህ ዘግቦታል

በሰኔ 16 በጠቅላይ ሚኒስትር ዶክተር አብይ አህመድ ላይ በተቃጣው የቦንብ ፍንዳታን በማስተባበር፣በማዘዋወር እና በመምራት በተጠረጠሩት ባህሩ ቶላ፣ በየነ ቡላ፣ ጌቱ ግርማ እና ደሳለሽ ተስፋዬ ጨምሮ በስድስት ተጠርጣሪዎች ላይ ፍርድ ቤት የመጨረሻ ክስ ለመመስረት የ10 ቀን ጊዜ መስጠቱ ተገለፀ።

በፌዴራል የመጀመሪያ ደረጃ ተረኛ አንደኛ ወንጀል ችሎት ለዛሬ ይዞት በነበረው ቀጠሮ አቃቢ ህግ በድጋሜ ማስረጃ ይሟላ ብሎ ለመርማሪ ፓሊስ በድጋሚ መዝገቡን መመለሱን ተከትሎ መርማሪ ፓሊስም የተጠየቀውን ማስረጃ አማልቶ ለዛሬ እንዲቀርብ ፍርድ ቤቱ የተሰጠውን የጊዜ ቀጠሮ መነሻ በማድረግ ነው።

አቃቢ ህግ በባለፈው ቀጠሮ መርማሪ ፓሊስ በቦንቡ ጉዳት የደረሰባቸው ግለሰቦችን ተጨማሪ ቃልና የስልክ ልውውጥ፣ ተጨማሪ ማስረጃ እንዲያሟላ በጠየቀው መሰረት መርማሪ ፓሊስ በዛሬው ችሎት መዝገቡን አሟልቶ ለአቃቢ ህግ ማስረከቡን ገልጿል።

አቃቢ ህግ በበኩሉ የተሟላውን ማስረጃ አይቼ አጠቃላይ ክስ ለመመስረት ተጨማሪ ጊዜ ይሰጠኝ ሲል ፍርድ ቤቱን ጠይቋል። ተጠርጣሪዎቹ በበኩላቸው እስከ ዛሬ ድረስ ታስረን በተደጋጋሚ ተጨማሪ ጊዜ እየተባለ ሲጠየቅ በመቆየቱ አሁንም ጊዜ ሊሰጥ አይገባም በማለት ፍርድ ቤቱን ጠይቀዋል።

አቃቢ ህግም ዋስትናውን በመቃወም ከወንጀል ድርጊቱ ከባድነትና ውስብስብነት  አንፃር ዋስትናው ሊፈቀድ አይገባም ሲል ተቃውሟል። የሁለቱንም ጉዳይ የተመለከተው ፍርድ ቤት  አቃቢ ህግ በ10 ቀን ጊዜ ውስጥ ክስ እንዲመሰርት ፈቅዷል።

በታሪክ አዱኛ

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: