Advertisements

የአማራ ብሔራዊ ክልላዊ መንግስት ምክር ቤት የእንኳን አደረሳችሁ መግለጫ

በአዲሱ አመት ከነበረው በተለየ መልኩ የህዝቡን ፍላጎት በሚመጥን ደረጃ ውክልናውን ለመወጣት እንደሚሰራ የአማራ ብሔራዊ ክልላዊ መንግስት ምክር ቤት አስታወቀ፡፡

የምክር ቤቱ ዋና አፈ-ጉባኤ የተከበሩ ወ/ሮ ወርቀሰሙ ማሞ አዲሱን አመት አስመልክቶ የእንኳን አደረሳችሁ መግለጫ የሰጡ ሲሆን ዋና አፈጉባኤዋ በመግለጫቸው እንዳስታወቁት የክልሉ ምክር ቤት ከነበረው አካሄድ በተለየ መልኩ በአዲሱ አመት በህግ ማውጣት፣ በቁጥጥርና ክትትል ስራ እንዲሁም የህዝብን ውክልና በመወጣት በኩል የተለዩ አሰራሮችን ይከተላል ብለዋል፡፡

ከዚህ በፊት ህግ ከወጣ በኋላ ህዝቡን በተገቢው መንገድ ማገልግሉን በማረጋገጥ ረገድ ውስንነቶች እንደነበሩ የገለጹት አፈ-ጉባኤዋ የሚወጡ ህጎች በአዲሱ አመት ህዝቡን ማገልገላቸውን ለማረጋገጥ ምክር ቤቱ ለየት ያለ አቅጣጫ ይከተላል ብለዋል፡፡

የተሰሩ ስራዎች በትክክል ህዝቡን መጥቀማቸውን እና በየደረጃው የሚመደበው በጀት ለታለመለት አላማ መዋሉንና ህዝቡ ዘንድ መድረሱን ለማረጋገጥ ከወትሮው በተለየ መልኩ አጥፊዎችን ተጠያቂ የሚያደርግ ጠንካራ የክትትል እና ቁጥጥር ስራ እንደሚሰራም ዋና አፈጉባኤዋ ገልጸዋል፡፡

መራጩ ህዝብ ወደ ምክር ቤቶች እንዲመጣ ሳይሆን ምክር ቤቶች ወደ ህዝቡ ወርደው የህዝቡ ችግሮች እንዲፈቱ የክልሉ ምክር ቤት በአዲሱ አመት በትኩረት እንደሚሰራ የተናገሩት ወ/ሮ ወርቀሰሙ በየደረጃው ያሉ የምክር ቤት አባላት የህዝቡን ፍላጎትና ጥቅም የሚያረጋግጥ አቅም እንዲገነቡ ከመስከረም ወር ጀምሮ የአቅም ግንባታ ስራ ይሰራል ብለዋል፡፡

የክልሉ ምክር ቤት ለመላ የክልሉ እና የሀገሪቱ ህዝቦች መልካም የመደመር እና የይቅርታ ዘመን እንዲሆን ምኞቱን እንደሚገልጽም ዋና አፈ-ጉባኤዋ አክለው ገልጸዋል፡፡

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: