Advertisements
Mon. Sep 24th, 2018

ጠንካራ ኢትዮጵያን ለመገንባት ሁሉም ዜጋ በጋራ ሊቆም ይገባል – የአዲሲቷ ኢትዮጵያ የጋራ ንቅናቄ

 የወደፊቷን ጠንካራ ኢትዮጵያ ለመገንባት ሁሉም ዜጋ በጋራ ሊቆም እንደሚገባ የአዲሲቷ ኢትዮጵያ የጋራ ንቅናቄ መሪ አቶ ኦባንግ ሜቶ ገለጹ።

የአዲሲቷ ኢትዮጵያ የጋራ ንቅናቄ መስራችና መሪ አቶ ኦባንግ ሜቶ ዛሬ ከውጭ ጉዳይ ሚኒስትር ዶክተር ወርቅነህ ገበየሁ ጋር ውይይት በአደረጉበት ወቅት እንደገለጹት የወደፊቷን ጠንካራ ኢትዮጵያን ለመገንባት ሁሉም ዜጋ በጋራ ሊቆም ይገባል ብለዋል።

በሰባዊ መብትና በሀገራዊ መግባባት ዙሪያ አሁን ላይ በሃገሪቱ እየታየ ያለውን ለውጥ ንቅናቄው እንደሚደግፍ የገለጹት አቶ ኦባንግ ለውጡ ቀጣይነት እንዲኖረው በሰከነ መንገድ በመወያየት አንድ ሀገራዊ መግባባት እንዲኖር መሰራት እንዳለበት ጠቁመዋል።

ሰው በሰውነቱ ብቻ መከበር አለበት ያሉት የንቅናቄው መስራችና መሪ አቶ ኦባንግ በሀገሪቱ የተለያዩ አካባቢዎች የሚታዩ ግጭቶች በውይይትና መተማመን ሊፈቱ ይገባል ብለዋል።

ለዚህም ከመንግስት ጋር ለመስራት መወሰናቸውን ነው የተናገሩት። በቀጣይም ወደ ኢዮጵያ ሶማሌና ደቡብ ክልሎች ጉዞ እንደሚደረጉና በሰባዊ መብት አያያዝ ዙሪያ ከመንግስት ጋር አብረው እንደሚሰሩም ተናግረዋል።

ለዚህም በአዲስ አበባ በቅርብ ጊዜ ውስጥ ቢሯቸውን እንደሚከፍቱ ተናግረዋል። አቶ ኦባንግ ሜቶ ላለፉት 11 አመታት በተለያዩ መድረኮች ስለ አንድነትና ኢትዮጵያዊነት ሲሰብኩ የቆዩ ሲሆን፥ ባሳለፍነው ሀሙስ ከ11 የንቅናቄው አባላት ጋር ወደ ሀገር ቤት መመመለሳቸው ይታወሳል።

በስላባት ማናዬ – (ኤፍ.ቢ.ሲ)

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: