Advertisements

ጠ/ሚ ዶ/ር አብይ እና ፕሬዚዳንት ኢሳያስ ዛላምበሳ ገብተዋል

ጠቅላይ ሚኒስትር  አብይ አህመድና እና ፕሬዚዳንት ኢሳያስ አፈወርቂ አዲስ ዓመትን ለማክበር ዛላምበሳ ተገኝተዋል፡፡ መሪዎቹ ዛላምበሳ ሲደርሱ በሁለቱ ሀገራት ህዝቦች ደማቅ አቀባበል ተደርጎላቸዋል፡፡

በስነሰርዓቱ ላይ ምክትል ጠቅላይ ሚኒስትር ደመቀ መኮንን፣ የትግራይ ክልል ምክትል ርዕሰ መስተዳድር ዶክተር ደብረጽዮን ገብረሚካዔል እና ሌሎች የሁለቱ ሀገራት ከፍተኛ ባለስልጣናት ተገኝተዋል፡፡

በስነስርዓቱ ላይ የሁለቱ ሀገራት ብሄራዊ መዝሙር ከተሰማ በኋላ የክልሉ ምክትል ርዕሰ መስተዳድር ንግግር አድርገዋል፡፡ ዶክተር ደብረጽዮን ለሁለቱ ህዝቦች ለዚህ ቀን ስላደረሳችሁ እንኳን አደረሳችሁ ብለዋል፡፡

መሪዎች ማለዳ ላይ በቡሬ ግንባር ተገኝተው ከሁለቱ ሀገራት ወታደሮች ጋር አዲስ ዓመትን አክብረዋል፡፡ እንዲሁም መሪዎቹ የቡሬ – ድባይ ሲማ ድንበርን ከሰዓታት በፊት ከፍተዋል፡፡ ሁለቱ መሪዎች አዲስ ዓመትን ምክንት በማድረግ ነው ድንበሩን በይፋ የከፈቱት ተብሏል፡፡

DmzKW37XcAAUDWO-750x430.jpg

የድንበሩ መከፈት በሁለቱ ሀገራት መካከል ለዓመታት ተቋርጦ የነበረውን የየብስ ትራንስፖርት ግንኙነት ዳግም እንዲጀምር ያስችለዋል፡፡ ከድንበሩ መከፈት በኋላም ሁለቱ መሪዎች ወደ አስመራ ማቅናታቸው ተገልጿል፡፡

የአስመራ ቆታቸውን እንዳጠናቀቁ ደግሞ ወደ ዛላምበሳ በማቅናት በተመሳሳይ በሁለቱ ሀገራት መካከል ለዓመታት ተዘግቶ የቆየውን ድንበር በይፋ እንደሚከፍቱ ከኤርትራ የማስታወቂያ ሚኒስትር የማነ ገብረመስቀል ያገኘነው መረጃ ያመለክታል፡፡

EBC

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: