Advertisements

አብይ በጀርመን ጉብኝታቸው የ300 ሚሊዮን ዩሮ ድጋፍ ይጠብቃቸዋል፤ ቮልስ ዋጎን ኢትዮጵያ ሊገባ አኮብኩቧል

አዲሱ የኢትዮጵያ ጠቅላይ ሚኒስትር አብይ አሕመድ በአገር ውስጥ ብቻ ሳይሆን በውጭው ዓለምም ያላቸው ተቀባይነት የላቀ ነው። እሳቸውና አጋሮቻቸው በአገሪቱ እያካሄዱት ለውጥና እየወሰዱ ያሉት ፖለቲካዊ እርምጃ ለዚሁ እውቅናቸው መነሻ ነው። የኢኮኖሚ ፖሊሲውን ዳግም የመቃኘትና ወደ ሊብራል አመለካከት ለመሸጋገር የጀመሩት ጉዞ ደግም የታላላቅና ሃብታም አገሮችን ቀልብ ስቧል።

ወደ ስልጣን ሲመጡ የተረከቡት ባዶ ካዝና፣ የተከመረ ፖለቲካዊ ቀውስ፣ የማህበራዊ ችግር አበሳና የሰብአዊ መብት መገፈፍ ችግር ከለውጡ ተጻራሪዎች የሸር ጉዞ ጋር ፋታ የነሳቸው አብይ፣ ያለ እረፍት ባደረጉት እንቅስቃሴ አሁን ወደተሻለ ተስፋና የመረጋጋት ምዕራፍ ላይ ደርሰዋል የሚል እመነት አለ።

ይህንኑ ተጋባራቸውን ካደነቁትና በቅርብ ከሚከታተሉት አገራት መካከል አንዷ የሆነችው ጀርመን በመሪያዋ አንጌላ መክኬል አማካይነት በኦፊሳል ጉብኝት እንዲያደርጉ መጋበዛቸውን አቶ ፍጹም አረጋ ማስታወቃቸው አይዘነጋም። ወይዘሮዋ በቀጥታ ስልክ በመደወል ጠቅላይ ሚኒስትር አብይን በጋበዙዋቸው መሰረት ጥቅምት ፴ መደ ጀርመን ያመራሉ።

አርጅቶ የጠፋው ኦህዴድ ሊቀመንበር የነበሩት አቶ ኩማ ደመቅሳ አምባሳደር ሆነው በተቀመጡባት ጀርመን ይፋዊ ጉብኝት የሚያደርጉት ዶክተር አብይ ለጀመሩት ለውጥ ይረዳ ዘንድ የሶስት መቶ ሚሊዮን ዩሮ ድጋፍ እንደሚደረግላቸው የዛጎል የአውሮፓ ምንጭ ገልጸዋል። እንደ ወሬው ባለቤት ከሆነ ጀርመን በኢትዮጵያ በከፍተኛ ደረጀ በኢንቨስትመንት የመሳተፍ እቅድም ይዛለች።

ዛሬ በተለያዩ ሚዲያዎች እንደተገለጸው የጀርመኑ አንጋፋ ቮልስ ዋጎን የመኪና ማምረቻ ኢትዮጵያ ላይ ድንኳኑንን ለመጣል እያኮበኮበ መሆኑ ይፋ ሆኗል። ኢትዮጵያን አስሮ የያዛት የአብዮታዊ ዴሞክራሲ የፖለቲካ ቅኝት ኢኮኖሚ ፕሮግራም ወደ መቃብር በሚያመራበት በአሁኑ ሰዓት በአውሮፓ እጅግ ኢንደስትሪያል ከሆነችው ጀርመን ጋር የሚደረገው ንግግር ልዩ ግምት የተሰጠው እንደሆነ ከወዲሁ ለማወቅ ተችሏል። ጀርመኖች ይህንን ያህል ብር ሲረዱ የሚፈልጉት ምን እነድሆነ በግልጽ ባይታወቅም ጥያቄ ማቅረባቸው ጥርጥር የለውም። የጀርመን ኩባኒያ በቻይና ተገፍቶ ከቴሌኮም ዘርፉ እንዲወጣ መደረጉ በውቅቱ ከፈተኛ ችግር ፈጥሮ እንደነበር አይዘነጋም።

የጀርመን መርሃዬ መርኬል አቶ ሃይለማሪያም በኢትዮጵያ ፓርላማ ፊት ንግግር እንዲያደርጉ ቢጋብዟቸውን ግብዣውን ማጣጣላቸው አይዘነጋም። በውቅቱ የሰጡት ምክንያትም አምባገነና የሰባዊ መብትን የምትጨፈልቁ ናችሁ፣ ህዝብን አድምጡ። ህዝብ ስሜቱን እንዲገልጽ ልቀቁት የሚል ነበር።

ዶከተር አብይ ከጀርመን መንግስት በኦፊሳል የቀረበላቸውን የጎብኝት ጥያቄ ከመቀበላቸው በፊት የፈረንሳይ መንግስት ” እባክዎን ይምጡል” ሲል ግብዣ ማቅረቡ የሚታወስ ነው። 

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: