Advertisements
Fri. Sep 21st, 2018

ኢህአዴግ ሀገራዊ አንድነትን እና ሁለንተናዊ ብልጽግናን ለማረጋገጥ ወሰነ፤

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ምክር ቤት ሀገራዊ አንድነትን እና ሁለንተናዊ ብልጽግናን ለማረጋገጥ እንደሚሰራ ወሰነ፡፡

የኢህአዴግ ምክር ቤት መጋቢት 2010 ዓ.ም ላይ ያሳለፋቸውን ውሳኔዎች አፈጻጸም በመገምገም አቅጣጫ አስቀምጧል፡፡ የመጋቢት 2010 ስብሰባው አዲስ ጠቅላይ ሚኒስትር የተመረጠበት፣ሀገር እና ድርጅትን ማዳን ቀዳሚ ዓላማ መሆን እንዳለበት የተወሰነበት ነበር፡፡ በወቅቱ የመንግስት ስልጣን እና የሀገር ሀብት ፍትሃዊነት መረጋገጥ እንዳለበት እና የፖለቲካ ምህዳሩም መስፋት እንደሚገባው አቅጣጫ ተቀምጦ ነበር፡፡ምክር ቤቱ ባደረገው ውይይትም አቅጣጫዎቹ በጥሩ አፈጻጸም ላይ እንደሚገኙ ገምግሟል፡፡

የኢትዮጵያ እና የኤርትራን ትስስር ጨምሮ የሀገሪቱን ዲፕሎማሲያዊ ግንኙነት በጥሩ ደረጃ ማሻሻል እንደተቻለም ነው የገመገመው፡፡ ኢትዮጵያ በዓለማቀፍ ደረጃ ያላት ተቀባይነት ማደጉም የውሳኔዎቹ ጥሩ አፈጻጸም ማሳያ ነው ብሏል ምክር ቤቱ፡፡ ይህም የሀገሪቱ ኢኮኖሚ እንዲያንሰራራ እያደረገ መሆኑን ገምግሟል፡፡

የኢህአዴግ ምክር ቤት መጋቢት 2010 ዓ.ም ባካሄደው ስብሰባ የተቀመጡ አቅጣጫዎችን በቀጣይም በተሻለ ደረጃ ለመፈጸም ተስማምቷል፡፡ የህዝብን ድጋፍ መሰረት በማድረግ ሀገራዊ አንድነትን እና ሁለንተናዊ ብልጽግናን ለማምጣት ጠንክሮ ለመስራትም ነው አቅጣጫ ያስቀመጠው፡፡

የዴሞክራሲ ስርዓቱን ይበልጥ ማጠናከር፣ከግጭት የጸዳ የፌደራል ስርዓት እንዲኖር መስራት፣ኢኮኖሚውን የሚያሳድጉ የልማት ስራዎችን እና ለውጡን አጠናክሮ ማስቀጠልም ዋና ዋናዎቹ የትኩረት አቅጣጫዎች ናቸው፡፡
ግዙፍ የልማት ፕሮጀክቶችን አፈጻጸም በተሻለ ደረጃ ማስኬድም በቀጣይ ከሚያተኩርባቸው አበይት ተግባራት መካከል አንዱ ነው፡፡

የኢህአዴግ ምክር ቤት ስብሰባ ትናንት መስከረም 04/2011 ዓ.ም ነበር የተጀመረው፡፡ከምንጮቻችን ያገኘነው መረጃ እንዳመላከተው ምክር ቤቱ አሁን ስብሰባውን አጠናቋል፡፡

አብመድ

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: