Advertisements

በቡራዩ ከተማና አካባቢዋ በተፈፀመ ግድያ፣ የአካል ጉዳትና ዘረፋ የተጠረጠሩ ግለሰቦች ፍርድ ቤት ቀረቡ

በቡራዩ ከተማ እና አካባቢዋ ባሳለፍነው ሳምንት ከተፈፀመው ግድያ፣ የአካልጉዳትና ዘረፋ ጋር በተያያዘ የተጠረጠሩ ግለሰቦች ፍርድ ቤት ቀረቡ። ተጠርጣሪዎቹ በዛሬው እለት በቡራዩ የወረዳ ፍርድ ቤት ተረኛ ችሎት ነው የቀረቡት።

ፍርድ ቤቱ የተጠርጣሪዎች ቁጥር ብዛትን ተከትሎ ጉዳዩን በየተራ የተመለከተ ሲሆን፥ ተጠርጣሪዎችም የእምነት ክህደት ቃላቸውን ሰጥተዋል።

በዛሬው እለትም 60 ተጠርጣሪዎች ፍርድ ቤት የቀረቡ ሲሆን፥ ከእነዚህም ውስጥ ፍርድ ቤቱ የ45 ተጠርጣሪዎችን ጉዳይ በመመልከት ቀሪውን ለነገ ማሳደሩን መርማሪ ፖሊስ አስታውቋል።

መርማሪ ፖሊስ እንዳስታወቀው በዛሬው እለት ፍርድ ቤት የቀረቡት ተጠርጣሪዎች በ26 ሰዎች ህይወት ማለፍ፣ በ195 ሰው ላይ ከባድና ቀላል የአካል ጉዳት እንዲሁም በበርካታ ንብረት ውድመት እና ዘረፋ የተጠረጠሩ ናቸው።

ከእነዚህም ውስጥ 40 ተጠርጣሪዎች በግድያ ወንጀል የተጠረጠሩ ናቸው ያለው መርማሪ ፖሊስ፥ 10 ተጠርጣሪዎች በማስረጃ የተረጋገጠባቸው መሆኑን መሆኑን አመልክቷል።

እንዲሁም 12 ሽጉጥ፣ 1 ቦምብ፣ 4 ክላሽ እና የተለያዩ ሰነዶች ከተጠርጣሪዎች ጋር በቁጥጥር ስር መዋላቸውንም መርማሪ ፖሊስ አስታውቋል።

በተጨማሪም 74 ገጀራ እና ቆንጨራ በተጠርጣሪዎች እጅ መገኘቱንም ነው መርማሪ ፖሊስ ያብራራው።

እስካሁን ችሎት ፊት በቀረቡት ተጠርጣሪዎች ላይም መርማሪ ፖሊስ ተጨማሪ ምርመራዎችን ለማድረግ የ14 ቀን ተጨማሪ ጊዜ የጠየቀ ሲሆን፥ ፍርድ ቤቱም ለመርማሪ ፖሊስ የተጨማሪ ጊዜውን ፈቅዷል።

EBC

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: