Advertisements

የብሄር ግጭት በማነሳሳት የተሰማሩ በዓለም አቀፍ ህግ እንዲጠየቁ ዘመቻ ሊጀመር ነው – አምነስቲ አቋም ይዟል!

በቡራዩና አካባቢው የሞቱት ሰዎች ብዛት ፭፰ መድረሱን አምነስቲ አስታወቀ። ለብሄር ተኮር ግጭት ዋናውን ሚና የሚጫወቱ ቡድኖችና ግለሰቦች የሚታወቁ ስለሆነ በህግ የሚጠየቁበት አግባብ ሊኖር እንደሚችልም ጠቁሟል። አምነስቲ ይህንን ፍንጭ የሰጠው ለበርካቶች መፈናቀለና ሞት፣ የንብረት ውድመትና የአካል ጉዳት ምክንያት የሆኑት የዘረኛ አሳተሳሰብ አቀንቃኞች ወደ ዓለም አቀፉ ህግ ለማቅረብ ዘመቻ እንደተጀመረ መሰማቱን ተከትሎ ነው።

የድርጅቱ የምሥራቅ አፍሪቃ የሰብአዊ መብት አጥኚ አቶ ፍሰሐ ተክሌ እንዳሉት መንግስት የሰብአዊ መብቶችን ለማክበር የወሰደው እርምጃ ሆደ ሰፊ አያስብለውም ግዴታው ነው። ይሁን እንጂ በሆደሰፊነት ተመዝኖ የዜጎችን በሰላም የመኖር መብት አለማስጠበቅ አግባብ አይደልም።

ለዓመታት ብሄርን ከብሄር የሚያጋጭ ቅስቀሳ ሲያደርጉ የነበሩ ግለሰቦች የሚታወቁ ስለሆነ መምከር ከዚያም ሲያልፍ ለህግ የሚቀርቡበት አግባብ ሊታይ እንደሚችል የጠቆሙት አቶ ፍሰሃ፣ አምነስቲ በዚህ ጉዳይ ላይ መን ያህል እንደሄደበት ግን አላብራሩም። ተቀማጭነታቸው በአውሮፓ የሆኑ የህግ ባለሙያዎች ለጊዜው ዘርዝር ማቅረብ ባይቻልም መረጃ እየሰበሰቡ እንደሆነ ለዛጎል ተናግረዋል።

የዜናው ምንጭ የሆነው የጀርመን አማርኛው ድምጽ የሚከተለውን ዘግቧል።

በኢትዮጵያ የተለያዩ አካባቢዎች የሚታየዉን የቡድን ጥቃትና አመፅ መንግሥት ሊያስቆም ይገባል ሲል ዓለምአቀፉ የሰብዓዊ መብት ተሟጋች ድርጅት «አምነስቲ ኢንተርናሽናል» ገለፀ። የአምስንቲ ኢንተርናሽናል የሠብአዊ መብት አጥኚ እንደተናገሩት፤ ሰዎች መብታቸዉን አልፈዉ የሰዉን መብትን በሚነኩበት ጊዜ መንግሥት ርምጃ ካልወሰደ ከሆደ ሰፊነት አልፎ ግዴታዉን አልተወጣም። በተለይ በማኅበራዊ መገናኛ ዘዴዎች ከአገር ዉስጥም ሆነ ከዉጭ የሚሰራጩ ጥላቻ አዘል መልዕክቶችን መንግስት ሊቆጣጠራቸዉ ይገባል ብሏል። በማኅበራዊ መገናኛ ዘዴዎች የሚሰራጭ ማንኛዉም የጥላቻ መልክት በዓለምአቀፍ ደረጃ ወደ ሕግ ማምጣት እንደሚቻልም አያይዞ ጠቅሶአል። 

Demonstranten in Addis Ababa gegen Konflikt (DW/Y. Gebregziabher )

በቡራዩ እና በሌሎች የአዲስ አበባ ከተማ አካባቢዎች ተከስቶ የነበረዉ አመጽና ግድያ መነሻ የተጠነሰሰዉ ምናልባት ከዛሬ ሦስት አራት ዓመታት በፊት ሳይሆን እንዳልቀረ ነዋሪዎችን አነጋግሮ መረጃ እንደደረሰዉ አምነስቲ ኢንተርናሽናል  ለ«DW» ገልፆአል።የድርጅቱ የምሥራቅ አፍሪቃ የሰብአዊ መብት አጥኚ አቶ ፍሰሐ ተክሌ እንደሚሉት በማኅበራዊ መገናኛ ዘዴዎች ጽንፍ ይዘዉ የጥላቻ መክክቶችን በሚያስተላልፉ ሰዎች ላይ መንግሥት ርምጃ መዉሰድ አለበት።  በአዲስ አበባና በቡራዩ ከተማ አካባቢ ሰዎች መገደላቸዉንና መፈናቀላቸዉን በመቃወም የከተማዉ ሕዝብ ቁጣዉን ለመግለፅ አደባባይ ሲወጣ የፀጥታ ኃይላት ሰዉን ማስቆም አልነበረባቸዉም ያለዉ የሰብዓዊ መብት ተከታካሪ ድርጅቱ ፤ በሰልፉ ወቅት የተገደሉት አምስት ሰዎች አሟሟት እንዲጣራም ጠይቆአል። 

ከቡራዩ የተፈናቀሉት ሰዎች ወደ ቀያቸዉ የመመለስ ስጋት ቢኖርባቸዉ የሚያስደንቅ አልደለም ያሉት አቶ ፍስሃ መንግሥት ሆደ ሰፊ ሳይሆን ሕግን ማስከበር ይኖርበታል። ሙሉ ቅንብሩን የድምፅ ማድመጫ ማዕቀፉን በመጫን ይከታተሉ።

አዜብ ታደሰ

ነጋሽ መሐመድ

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: