Advertisements

ደህዴን ለውጡን የሚያስቀጥሉ አመራሮችን ይሰይማል፤ ወቅቱ አቋም የሚያዝበት መሆኑንን የድርጅቱ መሪ ተናገረዋል

የደህዴን ሊቀምንበር ወይዘሮ ሙፈሪያት ካሚል የድርጅታቸው ጉባኤ ለውጡን የሚያስቀጥሉ አዳዲስ አመራሮችን እንደሚሰይም ጉባኤውን በንግግር ሲከፍቱ አስታወቁ። ከልወጡ በሁዋላ የድርጅቱ ሊቀመንበር የሆኑ ወ/ሮ ሙፈሪያት እንዳሉት ጉባኤው እንደ ድርጅትም ሆነ እንደ አገር የተጀመሩትን ለውጦች ለማስቀጠል እና ሕዝብ ያደረበትን ተስፋ ለማስጠበቅ አቋም የሚያዝበት መሆኑንንም አመልክተዋል።

ፋና ይህንን ዘግቧል – የደኤህዴን 10ኛ ድርጅታዊ ጉባዔ እንደ ሀገር እና እንደ ክልል የተጀመረውን ለውጥ የሚያስቀጥሉ አዳዲስ አመራሮቸን እንደሚያደራጅ እምነት አለኝ አሉ የድርጅቱ ሊቀ መንበር ወይዘሮ ሙፈሪያት ካሚል።

የደቡብ ኢትዮጵያ ህዝቦች ዴሞክራሲያዊ ንቅናቄ /ደኢህዴን/ ሊቀ መንበር ወይዘሮ ሙፈሪያት ካሚል 10ኛውን የደኢህዴን ድርጅታዊ ጉባዔ በዛሬው በይፋ አስጀምረዋል።

ወይዘሮ ሙፈሪያት በዚሁ ወቅት ባደረጉት ንግግር፥ 10ኛው የደኢህዴን ድርጅታዊ ጉባዔ እንደ ሀገር እና እንደ ክልል አዳዲስ ለውጦች እየተካሄደ ባለበት ወቅት በመካሄዱ ታሪካዊ ያደርገዋል ብለዋል።

ድርጅታዊ ጉባዔው ከዚህ ቀደም ሲስተዋሉ ነበሩ ችግሮችን ለመቅረፍ የጥቅል ተሃድሶ ተለኩሶ እየተሰራ ባለበት ውቅት እንዲሁም እንደ ሀገር እና እንደ ክልል ለውጥ ለማምጣት እየተሰራ ባለበት ወቅት መካሄዱ ልዩ ያደርገዋል ብለዋል።

ጉባዔው እንደ ሀገር እና እንደ ክልል የተጀመሩ የለውጥ እንቅስቃሴዎችን የበለጠ አጠናክሮ ለማስቀጠል እና ህዝቡ ከለውጡ እያገኘ የመጣውን ተስፋ ከፍ ለማድረግ በጋራ መስራት እና አቋም መያዝ ባለንበት ወቅት የሚካሄድ ነው ሲሉም ተናግረዋል።

ወይዘሮ ሙፈሪያት፥ ደኢህዴን ባለፉት 26 ዓመታት የክልሉን ህዝብ ተጠቃሚ ለማድረግ በሰራቸው ስራዎች ፈተናዎች ቢያጋጥሙትም በርካታ ድሎቸን ማስመዝገብ የቻለ ደርጅት ነው ብለዋል።

ድርጅቱ በክልሉ የነፃነት፣ የእኩልነት፣ የፍትህ እና የዴሞክራሲ ጥያቄዎቸን ደረጃ በደረጃ እየመለሰ የመጣ ነው ያሉት ወይዘሮ ሙፈሪያት፥ ሆኖም ግን የበርካታ የተፈጥሮ ሀብት ባለቤት የሆነው የክልሉ ህዝብ የልማቱ ተጠቃሚ ሳይሆን የቆየባቸው ጊዜያቶች እንደነበሩም አውስተዋል።

ደኢህዴን ባለፉት 26 ዓመታት ለሀገር አንድነት ተምሳሌት በሚሆን መልኩ 56 ብሄሮችን በማስተባበር ህብረ ብሄራዊነትን በተግባር ማሳየቱንም ሊቀ መንበሯ አንስተዋል።

ድርጅቱ እስካሁን በርካታ ስራዎችን የሰራ ቢሆንም፥ አሁን ፈታኝ በሆነ ጊዜ ውስጥ በመሆናችን እና ወደ ፊት በርካታ ስራዎች ስለሚጠበቅብን ተግተን እንዲንሰራ በምንገደድበት ወቅት ላይ ደርሰናል ሲሉም ተናግረዋል።

ደኢህዴን የክልሉን ህዝብ በማስተባበር በርካታ ድሎቸን እያስመዘገበ የመጣ ድርጅት ቢሆንም በርካታ ፈተናዎች አጋጥመውታል ያሉት ሊቀ መንበሯ፥ ያጋጠሙትን ፈተናዎች በብስለትና በጽናት በማለፍ ለሀገሪቱ ልማት የበኩሉን ማበርከቱንም ገልፀዋል።

በ10ኛ ድርጅታዊ ጉባኤ ድርጅቱ በክልል እና በሀገር ደረጃ የተፈጠረውን የለውጥ ፍላጎት መሸከም የሚችል አመራር ወደፊት ለማምጣት የግድ የሚለን ጊዜ ላይ እንገኛለን ብለዋል ወይዘሮ ሙፈሪያት።

ጉባዔው በአሁኑ ወቅት በክልሉ እና በሀገር ደረጃ የተጀመሩ የለውጥ አነቅስቃሴዎችን የሚመጥን አዲስ የለውጥ አመራር እንደሚያደራጅ እምነት አልኘም ብለዋል።

ድርጅታዊ ጉባዔው ወደ ቀጣይ የድል ምእራፍ የምንሸጋገርበት በመሆኑ ለህዝብ ልብ ቀረብ የምንልበትን ውሳኔዎች እና አቅጣጫዎች እንደሚተላለፉበት አምነት አለኝም ብለዋል።

በዚህም ጉባዔው በክልሉ የሚስተዋለውን የስራ አጥነት ችግር ለመቅረፍ፣ የወጣቶችና የሴቶች ተጠቃሚነት ለማረጋገጥ እንዲሁም የአርብቶ አደሩን ህይወት ለማሻሻል የተጀመሩ ስራዎቸን የሚያስቀጥሉ አቅጣጫዎቸን እንደሚያስቀምጥ አመላክተዋል።

በአሁኑ ወቅት ከድርጅቱ አላማና ያፈነገጡ፣ህዝብን ከህዝብ የማጋጨት ሴራዎችን እየተስተዋሉ ነው ያሉት መይዘሮ ሙፈሪያት፥ ይህንን ሁኔታ በአስተማማኝ ሁኔታ በመመከት የህግን የበላይነት ለማረጋገጥ በአንድነት መስራት ግድ ይለናል ሲሉም
ተናግረዋል።

ወይዘሮ ሙፈሪያት አክለውም፥ በአሁኑ ወቅት በሀገር አቀፍ ደረጃ የተጀመረው የዴሞክራሲ ግንባታ ውጤማ እንዲሆን ደኢህዴን የቡከሉን ሚናውን ሊወጣ እንደሚገባም አስንተዋል።

በሙለታ መንገሻ

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: