Advertisements

የትግራይ ልዩ ሃይል በአላማጣ ሰላማዊ ሰልፍ በወጡ ዜጎች ላይ ጥቃት አደረሰ፣ የሞቱና የቆሰሉ ቁጥራቸው በውል አልታወቀም

በአላማጣ ከማንነት ጥያቄ ጋር በተያያዘ ለሰላማዊ ስልፍ አደባባይ የወጡ ነዋሪዎች ላይ የትግራይ ልዩ ሃይል ፖሊስ ከመጠን ያለፈ ሃይል መጠቀሙ ተሰማ። በዚሁ የሃይል እርምጃ ሰዎች ሞተዋል። ቆስለው ሆስፒታል ገብተዋል። አንዳንድ የማህበራዊ ሚዲያ ተከታታዮች መከላከያ መግባቱን እየጠቆሙ ነው።

ሆርን አፌይር የተሰኘው የደረ ገጽ ጋዜጣ እንዳለው ሁለት ሰዎች ሞተዋል።  በርካቶች ቆስለው ሆስፒታል ገብተዋል። ” group of youth የተወሰኑ ወጣቶች” ሲል የጠራቸውንና መልሶ ” public gathering ሕዝባዊ ሰልፍ ” በማለት የገለጸው ሆርን አፌይር፣  ስልፉ ፈቃድ ያላገኘ መሆኑንን ፣የግጭቱ መንስኤ የትግራይ ልዩ ሃይል ሰልፉን ለማስቆም መሞከሩ እንደሆነ አመልክቷል።

#Ethiopia: Two dead after a clash between Tigray special police and a group of youth in Alamata, Tigray, today.
Several more injured are getting medical treatment.
The clash erupted when the police tried to block a public gathering claiming it has no permit.

ኢሳት ከስፍራው ተላከልኝ ያለውን ቪዲዮ በማሳየት እንዳለው እስካሁን አራት ሰዎች ሞተዋል። ከአስራ አምስት በላይ ቆስለዋል። በሌላ በኩል  የመከላከያ ሰራዊት ወደ ስፍራው መግባቱንና የትግራይ ልዩ ሃይል እንዲወጣ ተደርጎ ከተማዋን የማረጋጋት  ስራ እየተሰራ መሆኑንን ከስፍራው ያገኙትን ምስል በመለጠፍ የሚገልጹም አሉ። 

ስማቸውን ለጊዜው እንዳይጠቀስ የወልደያ ነዋሪዎች ችግሩ ጠንካራ እንደሆነ ለዛጎል ገልጸዋል። የፌደራል መንግስት ቸልተናነት እያሳየ መሆኑንና የአማራ ክልል በአቋም ደረጃ ላቀረበው የማንነትና የድንበር ጥያቄ በይፋ ምልሽ አለመስጠቱ አግባብ እንዳልሆነም አመልክተዋል። ጉዳዩን አስመልክቶ የትግራይ ክልል እስካሁን ያለው ነገር የለም።

“የራያ አላማጣ የማንነት ጥያቄ ሊታፈን እንደማይገባ የቆቦ ከተማ ነዋሪዎች ጠየቁ” በሚል ርዕስ የአማራ ክልል ማስ ሚዲያ እንደዘገበው ደግሞ ክልሉ የራያ አላማጣ ነዋሪዎች ማንነታቸው አማራ በመሆኑ ሊከበርላቸው እንደሚገባ መጠየቃቸውን ነው። ጥያቄያቸውን በተደጋጋሚ ቢያቀርቡም ከህጋዊ ምላሽ ይልቅ እንግልት እና ወከባ ይደርስባቸዋል። አላማጣ ላይ ከትናንት ምሽት ጀምሮ የፀጥታ ችግር መኖሩንና ጉዳት የደረሰባቸው ሰዎች መኖራቸውንም ከአካባቢው የዓይን እማኞች ለዝግጅት ክፍሉ መናገራቸውንም አትቷል።

“ስለ ጉዳዩ የጠየቅናቸው የወረዳው ዋና አስተዳዳሪ በአካባቢው ስለሌሉ መረጃ መስጠት እንደማይችሉ ገልጸዋል” ያለው ዜና የቆቦ ከተማ ነዋሪዎችም ዛሬ በሰላማዊ ሰልፍ ድርጊቱን “ማንነታቸውን ስለጠየቁ መብታቸው ሊታፈን፣ ሊንገላቱ እና ሊዋከቡ አይገባም” በማለት መጠየቃቸውን አመልክቷል።

ከዚህ በፊት ስለ ጉዳዩ የተጠየቀው የትግራይ ክልል መንግስት “ጥያቄው ከማንነት ጋር አይያያዝም” ማለቱ ይታወሳል ። ነዋሪዎቹ ግን ጥያቄያቸው የማንነት እና የነፃነት መሆኑን ነው የሚያስረዱት። በሰልፉ “ጣናና ላልይበላን እንታደግ!” የሚሉ መልዕክቶችንም አስተላልፈዋል። የሰሞኑን የሚኒስትሮች ሹመት አሰጣጥም ተቃውመዋል። ሲል የአማራ ማስ ሚዲያ ዘግቧል።

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: