Advertisements

አማኑኤል አብርሃ – ተቃውሞ ተነሳባቸው

በከፍተኛ የሙስና ወንጀል ታስረው ከነበሩት ከቀድሞው የአትሌቲክስ ፌዴሬሽን ምክትል ፕሬዚዳንት አቶ ነጋ ገብረእግዛብሄር ጋር ጥብቅ ቁርኝት የነበራቸው አቶ አማኑኤል አብርሃ ጥርስ እያበቀለ በመጣው ፓርላማ ሰለባ ሆኑ። የመንግስት መገናኛ ዘዴዎች ዜናውን ይፋ ማድረጋቸውን ተከትሎ በርካቶች የፓርላማውን ውሳኔ በአወንታ ተቀብለውታል።

ለሕግ፣ ፍትሕና ዴሞክራሲ ጉዳዮች ቋሚ ኮሚቴ ሰብሳቢ እንዲሆኑ ሲታጩ በከፍተኛ ደረጃ ተቃውሞ እንደተሰነዘረባቸው ይፋ ያደረጉት መገናኛዎች ተቅውሞውን አላብራሩም። በአቶ ነጋ አማካይነት ለወይዘሮ አዜብ መስፍን ቅርብ እንደነበሩ የሚያውቁ እንዳሉት የአቶ አማኑኤልን ሹመት በግልጽ ውድቅ የሚደረግበት ወቅት ላይ መደረሱ አስገራሚ ነው።

ቅልስልስና ተለሳላሽ ባህሪ የሚያሳዩት አቶ አምኑኤል ባለቀ ሰዓት ራሳቸውን ከውድድሩ ቢያገሉም ውሳኔውና ተቃውሞው ካሁን በሁዋላ በፖለቲካው ዙሪያ እንዳበቃላቸው አመላካች ነው ተብሏል። በቅርብ የሚያውቋቸው ልባቸው አሁን ካለው አዲሱ የጠቅላይ ሚኒስትር መንግስት ጋር እንዳልሆነ ተናግረዋል። በዘመኑ ቋንቋ አልተደመሩም። ይልቁኑም የአኩራፊው ወገን አፍቃሪና አገልጋይ ናቸው። 

በሌላ በኩል አቶ ሞቱማ መቃሳም በተመሳሳይ የውጭ ግንኙነትና የሰላም ጉዳዮች ቋሚ ኮሚቴ ሰብሳቢ እንዲሆኑ ቢታጩም ሳይሳካላቸው ቀርቷል። የኦሮሚያ ወሃ ቢሮ ሃላፊ ሆነው ስልጣንን የጀመሩት አቶ ሞቱማ በ በ152 ድምፅ ነው አታስፈልጉም የተባሉት። የገቢዎች፣ በጀትና ፋይናንስ ጉዳዮች ቋሚ ኮሚቴን ሰብሳቢ እንዲሆኑ የታጩትን አቶ አፅበሀ አረጋዊ በተመሳሳይ በ157 የተቃውሞ ድምጽ ፓርላማው ወግዱ ብሏቸዋል።

በዚሁ መሰረት ወደ አስር ዝቅ እንዲል የተደረገው የቋሚ ኮሚቴ መሪዎች የሚከተሉት ናቸው

1 .ወይዘሮ አበባ ዮሴፍ የሴቶችና ማህበራዊ ጉዳዮች ቋሚ ኮሚቴ  ሰብሳቢ

2. ወይዘሮ ፎዚያ አሚን ህግና ፍትህ ጉዳዮች ቋሚ ኮሚቴ ሰብሳቢ

3. አቶ መሐመድ የሱፍ የመንግስት ወጪ አስተዳደርርና ቁጥጥር ጉዳዮች ቋሚ ኮሚቴ ሰብሳቢ

4. ወይዘሮ እምዬ ቢተው የሠው ሀብትና ቴክኖሎጂ ጉዳዮች ቋሚ ኮሚቴ ሰብሳቢ

5. አቶ ጌታቸው መለስ ንግድና ኢንዱስትሪ ጉዳዮች ቋሚ ኮሚቴ ሰብሳቢ

6. ወይዘሮ አልማዝ መሰለ የግብርናና አርብቶ አደር ጉዳዮች ቋሚ ኮሚቴ ሰብሳቢ

7. ወይዘሮ ፈቲያ የሱፍ የተፈጥሮ ሀብት መስኖና ኢነርጂ ጉዳዮች ቋሚ ኮሚቴ ሰብሳቢ

8. አቶ አሸናፊ ጋዕሚ የኮንስትራክሽን እና ትራንስፖርት ጉዳች ቋሚ ኮሚቴ-ሰብሳቢ በመሆን በምክር ቤቱ አባላት ተመርጠዋል፡፡

ፓርላማው የቋሚ ኮሚቴ ዕጩዎችን በከፍተኛ ተቃውሞ ውድቅ አደረገ

ፎቶዎች ሪፖርተር ጋዜጣ 

 

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: