Advertisements

ሰሞኑን በሙስናና በሰብዓዊ መብት ጥሰት ተጠርጥረው በቁጥጥር ስር የዋሉ ከ60 የሚበልጡ ግለሰቦች ፍርድ ቤት ቀረቡ

28 በሙስና የተጠረጠሩ የብረታ ብረትና ኢንጂነሪንግ ኮርፖሬሽን ሰራተኞች እና በሰብዓዊ መብት ጥሰት የተጠረጠሩ 36 የብሄራዊ መረጃና ደህንነት አገልግሎት ሰራተኞች ዛሬ ፍርድ ቤት ቀረቡ።

ሰሞኑን በእነዚህ ወንጀሎች ተጠርጥረው በቁጥጥር ስር የዋሉት ግለሰቦች የቀረቡት በፌደራል ከፍተኛ ፍርድ ቤት ልደታ ምድብ 10ኛ ወንጀል ችሎት ነው።

በሙስና ወንጀል እነ ብርጋዲየር ጀኔራል ጠና ቁርዲን ጨምሮ 28 ተጠርጣሪዎች በመዝገብ ቁጥር 225176  የጊዜ ቀጠሮ ተጠይቆባቸው ፍርድ ቤት ቀርበዋል።

ተጠርጣሪዎቹ ቁርጥራጭ ብረቶችን በመሸጥና ለግል ጥቅማቸው በማዋል እንዲሁም ከስኳርና ሃይል ማመንጫ ፕሮጀክቶች ጋር በተያያዘ በ21 መዝገቦች የተደራጀ መረጃ ቀርቦባቸዋል።

አቃቤ ህግም ተጠርጣሪዎቹ የግዢ መመሪያን በመተላለፍ ካልቀረቡት ግብረ አበሮቻቸው ጋር በመመሳጠር፥ ሁለት መርከቦችን በህገ ወጥ ንግድ ማሳተፋቸውን ጠቅሷል።

ከዚህ ባለፈም ለአየሁ ማዳበሪያ ፋብሪካ የመሳሪያ ግዢ ሳይፈጸም ክፍያ እንዲፈጸም አድርገዋልም ነው የተባለው። ከታላቁ የህዳሴ ግድብ የምንጣሮ ስራ ጋር በተያያዘ በዚህ ስራ ላይ ለሚሳተፉ አካላት ክፍያ መፈጸሙንና ክፍያ የተፈጸመላቸው አካላት መሰወራቸውም ለችሎቱ ቀርቧል።

መርማሪ ፖሊስ በተጠርጣሪዎቹ ላይ የ14 ቀን የጊዜ ቀጠሮ የጠየቀ ሲሆን፥ ፍርድ ቤቱም ጥያቄውን በመቀበል ለህዳር 17 ቀን 2011 ዓ.ም ተለዋጭ ቀጠሮ ሰጥቷል።

በሰብዓዊ መብት ጥሰት የተጠረጠሩት አነ ኖሃ አጽባሃን ጨምሮ 36 ተጠርጣሪዎች በመዝገብ ቁጥር 225177 የጊዜ ቀጠሮ ሊጠየቅባቸው ፍርድ ቤት ቀርበዋል።

ኤፍ.ቢ.ሲ

በታሪክ አዱኛ

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: