Advertisements

በኦሮሚያ ክልል የተደራጁ ሽፍታና ነፍሰ ገዳዮች ከነመሪያቸው ተያዙ ፤

“ባለሳምንት” ይባላሉ። የተደራጁት ለመግደልና ለማስገደል ነው። አይመርጡም። ይዘርፋሉ፣ ይገድላሉ፣ የምንግስት ባለስልጣናትንና የጸጥታ አካላትን በማፈንና ያጠፋሉ። ህዝብ ተማሮ ነበር። አሁን በርግጠኛነት እንተነፍሳለን …

ስያሜው ለምንና በምን ምክንያት እንደተመረጠ ባይታወቅም አባ ቶርቤ ይባላል። አባ ቶርቤ ማለት ወደ አማርኛ ሲመለስ ባለ ሳምንት ማለት ነው። በዚሁ ስም የተደራጁት አካላት ማን እንዳደራጃቸውና የማንን አጀንዳ እንደሚያስፈጽሙ ከጀርባ ከመስማት በዘለለ በገሃድ የገለጸ አካል የለም።

ስልሳ ስድስት የሰራዊት አባላት ያሉት የዳውድ ኢብሳ ድርጅት / ኦነግ ሸኔ ወታደራዊ አቅሙ ይህንን ያህል የአካባቢውን ፖሊስና ሚሊሻ የመቋቋም አቅም እንኩን የሌለው መሆኑ እየታወቀ እንዴት በወለጋና አካባቢው ይህን ያህል አስቸጋሪ ሃይ ተፈጠረ የሚለው የሁሉም ጥያቄ ነበር።

ዛሬ ፋና የኦሮሚያ ኮሙኒኬሽን ጉዳዮች ቢሮን ጠቅሶ እንደዘገበው “አባ ቶርቤ” በሚል መጠሪያ በኦሮሚያ ክልል የተለያዩ አካባቢዎች በድብቅ በመንቀሳቀስ ሰዎችን ሲገድሉና ሲያስገድሉ የነበሩ ተጠርጣሪዎች በቁጥጥር ስር ውለዋል።

መንግስትና የኦሮሚያ ክልል ትግስታቸው እንዳለቀ በገለጹበት በቀን ልዩነት በቁጥጥር ስር የዋሉት የተደራጁ ነፍሰ ግዳዮች የመያዛቸው ዜና እረፍት እንደሰጣቸው ከአካባቢው ነዋሪዎች መካከል ለዛጎል በጽሁፍ መልዕክት ገልጿል። የኦሮሞ ዴሞክራሲያዊ ፓርቲ ኦዴፓ የጽህፈት ቤት ሃላፊ አቶ አለሙ ስሜ እንዳሉት በአካባቢው ባንኮች ይዘረፋሉ፣ የጸጥታ ሃይሎች ይገደለሉ፣ ሴቶች ይደፈራሉ፣ ትምህርት ቆሟል፣ መንገድ ተሰግቷል፣ የመንግስት መዋቅር በማፍረስ ህገወጥነትን ነግሷል። አሁን የመንግስት ትዕግስት አልቋል። ሲሉ ለዚሁ ኦፕሬሽን የተሰማራውን ሰራዊት በመቃወም መግለጫ ለሰጡት አቶ ዳውድ ኢብሳ ምላሽ ሰጥተው ነበር።

ዛሬ ክልሉ ይፋ እንዳደረገው ብሄራዊ የመረጃ እና የደህንነት አገልግሎት ባደረገው ክትትል ስድስት ተጠርጣሪዎች በቁጥጥር ስር ውለዋል። ተጠርጣሪዎቹ “አባ ቶርቤ” (ባለሳምንት) በሚል መጠሪያ በመደራጀት ሰላማዊ ዜጎችን፣ የመንግስት ባለስልጣናት እና የፀጥታ ሀይሎችን ሲገድሉ እና ሲያስገድሉ ነበር።

የተጠርጣሪዎቹን ማንነት ያልዘረዘረው የክልሉ ኮሙኒኬሽን ጉዳዮች ቢሮ ዝርዝር መረጃ ሲደርሰው ይፋ እንደሚያደርግ አስታውቋል።

እነዚህ በህቡዕ የተደራጁ የክፋት ሃይሎች ከኦሮሞ ተወላጆ አብራክ ወጥተው ኦሮሞን በውክልና ሲገሉና ሲያስገድሉ እንደነበር የሚታወቅ ሲሆን፣ አሁን በምርመራ ድርጅታቸውንና ከድርጅታቸው ጀርባ ያለውን ሃይል ይፋ ያደርጋሉ ተብሎ ይጠበቃል። መንግስት ከዚህ ሃይል ጀርባ ያሉትን ሃይሎች እንደማይታገዝ አስቀድሞ ማስታወቁ አይዘነጋም።

Advertisements


Categories: Head News/መሪ ዜና

Leave a Reply

This site uses Akismet to reduce spam. Learn how your comment data is processed.

%d bloggers like this: