Advertisements

ሕዝብ ህገወጥ የጦር መሳሪያ በቁጥጥር ስር አዋለ!!

– ምንጩ በግልጽ የማይነገርለት የጦር መሳሪያ ዝውውር አሳሳቢ ሆኗል

በተለይ በጋምቤላ በኩል የሚተላለፈው የህገወጥ የጦር መሳሪያ ዝውውር እጅግ አደገኛ መሆኑንን ለጉዳዩ ቅርብ የሆኑ ወገኖች በተደጋጋሚ ሲወተውቱ መቆየታቸው የሚታወስ ነው። ይሁን እንጂ ይህ አገሪቱን ወደ እርስ በርስ ግጭትና ስርዓት አልበኛነት ለመውሰድ የሚደረገው የመሳሪያ ዝውውር ሙሉ በሙሉ መግታት ባይቻልም አሁን አሁን ህዝብ በይፋ እየታገለው እንደሆነ የመንግስት ምንጮች ይናገራሉ።

በሱዳን በኩል ወደ አማራ ክልል ሲጋዝ የነበረ የጦር መሳሪያ ካሁን በሁዋላ ከሱዳን መንግስት ጋር በጥምረት ቁጥጥር እንደሚደረገበት በተሰማ ማግስት፣ ከጋምቤላ በሲኖ ትራክ ተጭኖ ኢሉአባቦር ቡሬ ወረዳ ሲደርስ በህዝብ ንቃትና ትብብር በቁጥጥር ስር መዋሉን የኦሮሚያ ክልል የወረዳው ፖሊስ ይፋ አድርጓል።

ከደቡብ ሱዳን በጋምቤላ ህገወጥ የጦር መሳሪያ በገፍ እየገባ ነው፤ በጀቱ የማን ነው?

አርባ ሶስት ክላሽንኮቭ ጠብመንጃና አርባ አራት የጥይት ካዝና በህዝብ እገዛ በቁጥጥር ስር መዋሉን ያስታወቁት የወረዳው ፖሊስ አዛዥ ኮማንደር ታረቀኝ አሰፋ  ናቸው። በህገ ወጥ መንድ ሲዘዋወሩ የነበረው የጦር መሳሪያ የተያዘው በትናንትናው እለት መሆኑንንም ሃላፊው አመላክተዋል።

ከጋምቤላ ክልል በሲኖትራክ ተሽከርካሪ ተጭኖ ሲጓጓዝ የተያዘው የጦር መሳሪያ ወደ መሃል አገር የሚጓጓዝ እንደነበር የፖሊስ ሃላፊው ተናግረዋል። መሳሪያውን ሲያጓጉዝ የነበረው ግለሰብ ስሙና ማንነቱን ፖሊስ ለጊዜው አልገለጸም።

ፎቶ – ኢዜአ

አገር መውደድ በተግባር ሊገለጽ ይገባል – ጠቅላይ ሚኒስትር አብይ

Advertisements


Categories: Head News/መሪ ዜና

Leave a Reply

This site uses Akismet to reduce spam. Learn how your comment data is processed.

%d bloggers like this: