May 26, 2019

ለዜጎች ሞት እና መፈናቀል መፍትሔ መሰጠት እንዳለበት ርዕሰ መስተዳድር ዶክተር መኮንን ተናገሩ።

ለዜጎች ሞት እና መፈናቀል መፍትሔ መሰጠት እንዳለበት ርዕሰ መስተዳድር ዶክተር መኮንን ተናገሩ።
የአማራ ክልል እና የቤኔሻንጉል ጉሙዝ ክልል ርዕሰ መስተዳድሮች ለሰላም ውይይት በመተከል ዞን ግልገል በለስ ከተማ ተገናኝተዋል፡፡

የሰላም ውይይቱ ዓላማ በሁለቱ ክልሎች አጎራባች ወረዳዎች ተከስቶ የነበረውን የፀጥታ ችግር በመፍታት የህግ የበላይነትን ማስከበር፣ የዜጎችን ደኅንነትም ማረጋገጥ ነው፡፡ የሁለቱንም ክልሎች ነዋሪዎች ጉዳት ላይ የጣለውን አለመረጋጋት ለመቆጣጠር እየተሰሩ ያሉትን ስራዎች አጠናክሮ የማስቀጠል ዓላማም አለው ምክክሩ፡፡

የጉሙዝ እና የአማራ ሕዝቦችን ወንድማዊ ዝምድና ለማፍረስ የተፈፀመውን ወንጀል እንደሚያወግዙ የተናገሩት ርዕሰ መስተዳድር ዶክተር አምባቸው መኮንን ለዜጎች ሞት እና መፈናቀል መፍትሔ መሰጠት እንዳለበት አሳሰበዋል።

የተፈናቀሉ ወገኖች ስላምና ደኅንነታቸው ተጠብቆ ወደ ቀያችው እንዲመልሱ በማድረግ የክልሉ መንግስት ከጎናቸው እንደሚሆንም ነው ዶክተር አምባቸው የተናገሩት።

የቤኔሻንጉል ጉሙዝ ክልል ርዕሰ መስተዳድር አቶ አሻድሊ ሐሰንም ለሞት፣ ለአካልና ሥነ ልቦና ጉዳት እንዲሁም ለመፈናቀል ምክንያት የሆነውን ድርጊት አውግዘዋል።

ቂም በቀልን በመተው ከልብ በመነጨ ይቅርታ ወደ ቀድሞ ሰላምና አብሮነት መመለስ እንደሚገባም አቶ አሻድሊ ተናግረዋል።

ተሳታፊዎች ደግሞ በርካታ አማራና አገዎች በግጭቱ ህይወታቸው እንደጠፋና እንደተፈናቀሉ አንስተዋል፡፡

ይህን ያደረጉ አጥፊዎች ካልተያዙ ስላሙ ዘላቂ እንደማይሆንም አሳስበዋል፡፡

በሁለቱም ክልሎች በፀጥታ ችግሩ ተሳታፊ ናቸው ተብለው የተጠረጠሩ አመራሮችን በቁጥጥር ስር የማዋል ስራው ቀጥሏል፡፡

ዘጋቢ፦ ወንዳጥር መኮንን

አብመድg

Leave a Reply

%d bloggers like this: