July 6, 2019

ጄኔራል ሰዓረ መኮንን የቦሌ ሩዋንዳ አካባቢ የመታሰቢያ ፓርክ ሊሰራላቸው ነው

የቀድሞው የጦር ሃይሎች ጠቅላይ ኤታማዦር ሹም ጄኔራል ሰዓረ መኮንን ህይወታቸው ከማለፉ ከሰዓታት በፊት ከኢንጅነር ታከለ ኡማ ጋር ችግኝ በተከሉበት የቦሌ ሩዋንዳ አካባቢ የመታሰቢያ ፓርክ ሊሰራላቸው ነው፡፡

በመታሰቢያ ፓርኩ ውስጥ የጀኔራሉን ክብር በሚመጥን መልኩ የማስታወሻ ሀውልት እንደሚሰራላቸው የከንቲባ ፅህፈት ቤት ለፋና ብሮድካስቲንግ ኮርፖሬት ገልጿል።

ችግኙን ከተከሉበት ከቦሌ ሩዋንዳ ጀምሮ እስከ አትላስ ሆቴል ያለው ጎዳናም በስማቸው እንዲሰየም የከተማ አስተዳደሩ ወስኗል፡፡

በከተማው የሚገኙ የስነ ህንጻና የስነ ጥበብ ትምህርት ቤት ባለሙያዎችም የጄኔራል ሰዓረን የማስታወሻ ሀውልት ንድፍ ሰርተው አጠናቀዋል፡፡ የመታሰቢያ ፓርኩን የአዲስ ከተማ አስተዳደር በባለቤትነት የሚያስገነባው ይሆናል፡፡

ፋና ብሮድካስቲንግ ኮርፖሬት

Leave a Reply

%d bloggers like this: