July 6, 2019

ከሰኞ ጀምሮ ሲንቀሳቀሱ የሚገኙ ሞተሮችን መሰብሰብ ሊጀመር ነው

በአዲስ አበባ ከተማ ከሰኞ ጀምሮ ከፖሊስና ፖስታ ቤቶች ሞተር ብስክሌቶች ውጭ ሲንቀሳቀሱ የሚገኙ ሞተሮችን መሰብሰብ ሊጀመር ነው።

በምክትል ከንቲባ ማዕረግ የኢኮኖሚ ክላስተር አስተባባሪና የአዲስ አበባ ከተማ መንገድ ትራንስፖርት ቢሮ ሃላፊ ዶክተር ሰለሞን ኪዳኔ ለፋና ብሮድካስቲንግ ኮርፖሬት እንደተናገሩት፥ በተቆጣጣሪ አካላት በኩል ከፊታችን ሰኞ ጀምሮ ቁጥጥሩን ለማድረግ ቅድመ ዝግጅት ተደርጓል።

በከተማዋ በሞተር የሚፈጸሙ ወንጀሎችን ለማስቀረት ሲባል ከተፈቀደላቸው የሞተር ብስክሌቶች ውጭ ማንኛውም የሞተር እንቅስቃሴ ከሰኔ 30 ጀምሮ እንደሚከለከል መገለፁ የሚታወስ ነው፡፡

በልዩ ሁኔታ ተደራጀተው መመዝገብ ለሚፈልጉ አካላት አስተዳደሩ በሩ ክፍት ነው ያሉት ዶክተር ሰለሞን ዝርዝር ጉዳዮ ከሁለት ሳምንት በኋላ ይፋ ይሆናል ብለዋል፡፡

ፋና ብሮድካስቲንግ ኮርፖሬት

Leave a Reply

%d bloggers like this: