August 22, 2019

ለአንድ ዓመት ፖሊስ ሲያሳድደው የነበረው የቀድሞ የሀዋሳ ከተማ ከንቲባ በቁጥጥር ስር ዋለ

ከፍርድና ከህግ በመሸሽ ለአንድ ዓመት ራሱን ሸሽጎ የነበረው የቀድሞው የሃዋሳ ከተማ ከንቲባ በፖሊስ ቁጥጥር ሰር መዋሉን የመንግስት ሃላፊዎች አስታወቁ።

ራሱን ሸሽጎ የነበረው ከንቲባ ቴዎድሮስ ገቢባ ከሰኔ 05 እስከ ሰኔ 12 ቀን 2010 ዓ.ም በሀዋሳ ከተማ የወላይታና ሲዳማ ብሔሮችን በማጋጨት ለሰው ሕይወት መጠፋት እና ንብረት መውደም ምክንያት በመሆኑ፣ የዕርስ በርስ ግጭት በማነሳሳትና በመጠንሰስ በዋና ወንጀል አቀነባባሪነት ተከሶ በተገኘበት በህግ ጥላ ስር እንዲውል የፍርድ ቤት ማዘዣ የተቆረጠበት ተጠርጣሪ ነበር።

33 ሰዎች በተከሰሱበት የክስ መዝገብ ለአንድ ዓመት በፖሊስ ሲፈለግ የነበረው የቀድሞ የሀዋሳ ከተማ ከንቲባ ቴድሮስ ገቢባ በትናንት እለት በቁጥጥር እንደዋለ ከመገለጹ ውጪ እንዴትና የት እንደተያዘ የመንግስት ሃላፊዎች አላብራሩም።

የፌዴራል ፖሊስ ባደረገው ክትትል ከዓመት በሁዋላ ነሃሴ 15 ቀን 2011 ዓ.ም ለህግ የተንበረከከው ቴዎድሮስ በፌዴራል ከፍተኛ ፍርድ ቤት 13ኛ የወንጀል ችሎት ሆሳዕና ተዘዋዋሪ ችሎት መቅረቡን የመንግስት ሚዲያዎች አስታወቀዋል።

Leave a Reply

%d bloggers like this: