May 21, 2020

“አስትራዜኒካ” የኮሮና ክትባት ለማምረት አንድ ቢሊዮን ዶላር ወሰደ፤ በመስከረም አሜሪካ 400 እንግሊዝ 300 ብልቃጥ አዘዋል

በመድኃኒት አምራችነት የሚታወቀው “አስትራዜኒካ” የኮሮና ቫይረስ ክትባት እንዲያመርት ከአሜሪካ መንግሥት አንድ ቢሊዮን ዶላር መቀበሉን ፎረብስ ዘገበ፡፡

የአሜሪካ ሥነ ሕይወታዊ ከፍተኛ ምርምር ባለስልጣን አስትራዜኒካ ከኦክስፎርድ ዩኒቨርሲቲ ጋር ሆኖ እያበለፀገ ያለውን ክትባት እንዲያቀርብለት ማዘዙን ነው ፎርብስ ያስታወቀው፡፡ ትክክለኛነቱ ገና በዓለም ጤና ድርጅት ያልተረጋገጠ መሆኑ የተገለፀውን ክትባት ከመጪው መስከረም ጀምሮ 400 ሚሊዮን ብልቃጥ እንዲያቀርብ እንደታዘዘም ታውቋል፡፡

አምራች ኩባንያው በ30 ሺህ ጎልማሶች እና በሕጻናት ላይ በክሊኒካል ደረጃ ክትባቱን ሊሞክር መሆኑን አስታውቋል፡፡ በኦክስፎርድ ዩኒቨርሲቲ ምርምር የሚታገዘው ክትባቱ በነሐሴ መጨረሻ ለገበያ እንደሚቀርብ ተመራማሪዎቹ መግለጻቸውም ተሰምቷል፡፡

የፕሬዝዳንት ዶናልድ ትራምፕ አስተዳደር ከኩባንያው ጋር በቅርበት እየሠራ መሆኑን በመግለጽ ከ400 ሚሊዮኑ ውስጥ እስከ ጥቅምት መግቢያ 300 ሚሊዮን ብልቃጥ እንዲቀርብለት ማዘዙን አስታውቋል፡፡ የኮሮናቫይረስ ክትባትና መድኃኒት ለማግኘት የሚደረገው ሩጫ ከዚህ በፊት ይጠበቅ የነበረውን የዓመታት የጊዜ ርዝማኔ ሁሉ ያልተከተለ መሆን እያነጋገረ ነው፡፡

እንግሊዝ በኦክስፎርድ ዩኒቨርሲቲ እየተሠራ ያለውን ምርምር ለማገዝ 80 ሚሊዮን የአሜሪካ ዶላር መደገፏና 100 ሚሊዮን ብልቃጥ ክትባት ማዘዟም ተሰምቷል፤ ከዚህ ውስጥ 30 ሚሊዮን ብልቃጡ በመስከረም እንዲደርሳት መጠየቋንም ዘገባው አመላክቷል፡፡

የክትባት አምራቹ ድርጅት ግን ያደጉ ሀገራት በሚሊዮን የሚቆጠር ዶላር በማቅረብ ዜጎቻቸው ቅድሚያ እንዲያገኙ እየሠሩ መሆኑን በመቃወም ከዓለም ጤና ድርጅት ጋር በቅርበት እንደሚሠራ አስታውቋል፡፡ እስከ አንድ ቢሊዮን ብልቃጥ የማምረት አቅም እንዳለውም ተናግሯል፡፡ ነገር ግን ተቃውሞውን ከመግለጽ ባለፈ ትዕዛዞቹን ስለመቀበል አለመቀበሉ ያለው ነገር የለም፡፡

በአብርሃም በዕውቀት አብመድ

Leave a Reply

%d bloggers like this: