Norway’s male and female footballers sign historic equal-pay agreement

The women’s team will receive a pay rise of 2.5 million kroner (£225,651) meaning that, as of next year, both sides will now be paid six million kroner (£541,823) each –  via – the independent 

Continue Reading

Advertisements

ዓለም ዋንጫ ድልድል

በሩሲያ የዓለም የ2018 የዓለም እግር ኳስ ዋንጫድልድል ታውቋል። ለ 28 ቀናት ማለትም ከሰኔ 5 – ሀምሌ 8 የሚካሄደው ፉክክር የምድብ ድልድል በዛሬው ዕለት ማምሻውን ሞስኮ ተከናውኗል። በድልድሉ መሰረት ሩሲያ ከሳዑዲ አረቢያ፣ ግብፅ እና ኡራጉያ አንድነት ተደልደለዋል።  በሁለተኛው ምድብ ስፔን ፣ ፓርቹጋል ፣ሞሮኮና ኢራን ይገናኛሉ። ምድብ ሶስት ፈረንሳይ፣ አውስትራሊያ ፔሩና ዴንማርክ ሲደለደሉ፤ አርጀንቲና አይስላንድ፣ክሮሽያና ናይጀሪያ በመጨረሻው ምድብ ተደልድለዋል። ሙሉውን ከሰንጠርዡ ይመልከቱ

Beckham £1bn, Giggs £2bn – Keane on transfer fees

Roy-Keane-Manchester-United

MANCHESTER, ENGLAND – NOVEMBER 3: Roy Keane

Roy Keane jokes former Manchester United team-mate Ryan Giggs would be worth £2bn in the current transfer market.

The Republic of Ireland assistant manager says fellow ex-Red Devils players Ruud van Nistelrooy and David Beckham would be worth £1bn but adds he would go for a modest £3.75m, the fee United paid for him in 1993.

Earlier this summer, Neymar joined PSG from Barcelona for £200m, with Barca signing Ousmane Dembele from Borussia Dortmund in a deal that could be worth £135.5m.

 

አርሰናል – መጨረሻው የማይፈታ ቀውስ ሆነ – ባለቀ ሰዓት አብዮት? ሲቲ ስተርሊንን ማባበበያ አቀረበ፤

Football pundit Phil Neville“Now it seems like a crisis, a moment in the club’s history when you think something has to change, whether that’s the manager, the board, the players…There have to be big changes.”

” በክለቡ ታሪክ ያልታየ ቀውስ ነው አሁን እየታየ ያለው ። ዌንገር፣ ቦርዱ፣ ወይም ተጨዋቾች ሊቀየሩ ይገባል ፤ ለውጥ መኖር አለበ” ፒል ኔቭል

አርሰን ዌንገር አሁን የከፋ ችግር ውስጥ ናቸው። ነባር ተጫዋቾች ማጽናኛና ወቀሳ እየላኩ ነው። ለመድፈኞች ያበረከቱትን ታላቅ ታሪካና ሽግግር ገደል ሲገባ እያዩት ነው። ዋንጫ አንስቼ እሰናበታለሁ በሚል ከርሳቸው ጋር የገቡት እልህ የቀደመውን ስብዕናቸውን እየበላው ነው። ቀደም ሲል የገነቡትን መልካም ስም እያከሰሙት ነው። ዌንገር ትዳራቸውን ያፈረሰው ይኽው ” አይበቃኝም ” የሚለው እልሃቸው ነው። ” በአምላክ ላይ እምነትና ኳስ በህይወቴ ትልቅ ቦታ አላቸው” የሚሉት ዌንገር አሁን ይህንን ፈተና ማለፍ የሚችሉ አይመስልም። እናም ወደ አምልኳቸው ቢያተኩሩ የሚሻል ይመስላል

Image result for arsenal manager in anger

” ታሪክህ አጠፋኸው ፤ ለቀቅ” የሚሉ ጠንካራ አስተያየቶች በስፋት እየተስተጋቡ ነው። ” ለውጥ ፣ አንድ የሆነ ለውጥ” እንደሚያስፈልግ ተጨዋቾች ተናግረዋል። የቀድሞ ተጫዋቾችና ተንታኞች ዌንገርን ከአሰላለፍ ምርጫ ጅምሮ በከረረ የትችት ቢላዋ እየበለቱዋቸው ነው። የክለቡ ደጋፊዎች የቁጣ ድምጽ እየመረረ ነው። አሁን ያላው የአርሰናል ውጥንቅጡ የወጣና የተዘባተለ አቋም እንዴት እንደሚቀጥልም ሆነ እንዴት እንደሚቀረፍ የታወቀ ነገር የለም።

በኳስ ዓለም ” ውርጅብኝ” የሚባል እውነት አለ። ይህ የሚከሰተው በአንዳንድ አጋጣሚ ያልተጠበቁ ጎሎች ይቆጠራሉ። የተመቱ ኳሶች ምክንያት እየፈለጉ ጎል ይሆናሉ። እንዲህ ያለውን አጋጣሚ መቀበል ግድ ነው። የኳስም ተፈጥሮ ነው። የአሁኑን / የሊቨር ፑልን/ ሽንፈት መቀበል ግን በማንኛውም መስፈርት የሚቻል አይሆነም። በአርሰናል በኩል የመጫወት ፍላጎትና ተጋጣሚን የመፎካከር ስሜት የለም ነበር። በማለት ፒተር ቼክ ከጫወታው በሁዋላ ተናግሯል። በመልበሻ ክፍልም የከረረ እሰጥ አገባ ነበር።

የማንችስተሩ ጋሪ ኔቭል ” ክብረ ነክ” ሲል ነው የአርሰናል ተጫዋቾችን የዘለፈው። በተለይም ሳንዜዝ፣ ቼምበርሊን፣ ራምሴ፣ ቤረሊን፣ ኦዚልን ስም ጠቅሶ ለማሊያቸው የማይጫወቱ አሳፋሪዎች ብሏቸዋል። ለአስለጣኙ ሳይሆን ለራሳቸውና ለክለቡ ክብርና መለያ እንደሚጫወቱ ያልተረዱ መሆናቸው ከሽንፈቱ በላይ አሳዛኝ እንደሆነ በሚያሳይ መልኩ የሰላ ትችት አውርዶባቸዋል።

ኢያን ራይትስ በመልበሻ ቤት ያለው የተጨዋቾች ይሚታየው ሁኔታ፣ የክለቡ ታክቲክ፣ የተጨዋቾች ችሎታ፣ የአሰላለፍ ምርጫ … በጥቅሉ ከዌንገር ውጭ ሆኗል ወይም ተስኗቸዋል። ሶስት የክለቡ ወሳኝ የሚባሉ ተጫዋቾች የኮንትራት ሁኔታ በወጉና በጊዜው እልባት ሳይሰጠው እዚህ ደረጃ መድረሱ የአስተዳደር ችግር ነው። አሁን የተጨዋቾች ዝውውር ጊዜ ጫፍ በመሆኑ ለማስተካከልም ጊዜ አለመኖሩን ይናገራል። ሆኖም አሁን የሚፈለገው በማንኛውም መልኩ ተመልሶ ስለመጠናከር ሲሆን ይህም ከቦርዱ እንደሚጀመር ነው።

Sanchez exchanged a handshake with Arsene Wenger

አሁን እየተነሳ ያለው የአርሰናል ችግር ከዌንገር ክለቡ ውስጥ ረዥም ጊዜ መቆየት ጋር ተያየዞ የተደራረበ መሆኑ ነው። አርሰናል ካለው ስምና ዝና አንጻር የያዛቸው ተጫዋቾች መካከል ክለቡን የማይመጥኑ ይበዛሉ። አንዳንዶች በቲውተር ” ይህ ሽማግሌ ለቃሚ ሰብስቦ ከለቡን ገደለው” በማለት ሲዛለፉ፤ በተመሳሳይ ዌንገር አርሰናልን ትልቅ ክለብ ማድረጋቸው የማይካድ መህኖኑን ጠቁመው ነው እዲበቃቸው የሚጠይቁት።

የአሰላለፉን ስህተት ለማሳየት ምሳሌ ያሳየው ኮዌን እየሊቨርፑሉ ማኔን ፍጥነትና አስቸጋሪነት አርሰን ዌንገር ግንዛቤ ውስጥ እንደከተቱ ይጠራጠራል። ለዚህም ነው ” ልምድ የሌለውን ተከላካይ ሆልዲንግን ለተኩላዎች አሳልፈው ሰጡት” ያለው። እሱ ብቻ አይደለም። ቼምበርሊን በቀኝ መስመር ሲመላለስ ማኔን እየተመለሰ በማገድ፣ እንዲሁም ወደፊት ጫና በማብዛት ማኔን ወደሁዋላ የመመለስ ስራ መስራት ሲገባው ራሱንም ማሊያውንም ንቆ መታየቱንም ጸሃፊው ይተቸዋል። ከሁሉም በላይ መጫወት የማይፈልገውን ሳንቼዝን ማሰለፍና ፣ ቤላሪንን በግራ መስመር አድርጎ አዲሱን ኮላሲናክ ማሰቀመጥ ከላላካዜት አለምኖር ጋር ተዳምሮ የዌንገር አብይ ስህተት አድርጎ ይወሰደዋል።

አርሰናል የመሃል ሜዳ መሪ አልባ ቡድን ነው። አርሰናል በተሰበረ የመሃል ሜዳ ሲዳክር አስር ዓመት ሞልቶታል። ዌንገር እንደ አንድ ልምድ ያልው አሰልጣኝ ይህንን ክፍተት ሳይሞሉ ይህን ያህል ዓመታት የመቆየታቸው ሚስጢር ለማንም ግልጽ አይደለም። ታዳጊ ተጫዋች ማሳደገና ማዘጋጀት የሚቻልበትን የጊዜ ዘመን ከቪየራ በሁዋላ መችታ መርጠዋል። አርሰናል ጉድለት ያለብትን ቦታ ሳይደፍን ጊዜ እየተበላና በሽርፍራፊ ውጤት እየተድበሰበሰ ለዚህ ታሪካዊ ቀውስ መብቃቱ አስደንጋጭ ሆኗል።

ይህ በእንዲህ እያለ ማንችስተር ሲቲ ስተርሊንግን ማባበያ በማድረግ ሳንቼዝን የጋልቸው ለማድረግ ሙከራ እያደረጉ መሆኑ ተሰምቷል። ዛሬ የወጡ ዘገባዎች እንደሚያሳዩት ሃሙስ ከሚዘጋው የዝውውር መስኮት ጋር የተያዘው ግብግብ በአረሰናል ቤት ውስጥ ምን እንደሚፈጥር አልታወቀም። ይሁን እንጂ የቼምበርሊን ወደ ቼልሲ መግባት ያለቀ መሆኑና ፤ አርሰናልም የኒሱን አማካይና ተከላካይ ሊያስፈርም እንደሚችል ወሬዎች አሉ።

የትንታኔ ጥንቅር የቻምፒዮንስ ሊግ የምድብ ድልድል ቅድመ ቅኝት

የ 2017 ተጠባቂው የባለትልቁ ጆሮ ዋንጫ የ 32ቱ ቡድኖች ምድብ ድልድል ባሳለፍነው ሀሙስ ምሽት በሞናኮ ፈረንሳይ በተደረገ ልዩ የዕጣ ማውጣት ስነስርዓት ይፋ ሆኗል። እኛም በአርቡ የቅድመ ትንታኔም ክፍል አንድ ጥንቅራችን ከ 32 ቱ የአውሮፓ ሀያላን የ 16ቱን ቡድኖች ወይም የመጀመሪያ አራት ምድቦች ቅድመ ትንታኔ እንዳስመለከትናችሁ አይረሳም። ቀጣዩ የክፍል ሁለት ዝግጅት ደግሞ ቀሪዎቹን አራት ምድቦች […]

via የትንታኔ ጥንቅር (ክፍል ሁለት) / የቻምፒዮንስ ሊግ የምድብ ድልድል ቅድመ ቅኝት — ኢትዮአዲስ ስፖርት

የ 2017 ተጠባቂው የባለትልቁ ጆሮ ዋንጫ የ 32ቱ ቡድኖች ምድብ ድልድል ባሳለፍነው ሀሙስ ምሽት በሞናኮ ፈረንሳይ በተደረገ ልዩ የዕጣ ማውጣት ስነስርዓት ይፋ ሆኗል። እኛም በአርቡ የቅድመ ትንታኔም ክፍል አንድ ጥንቅራችን ከ 32 ቱ የአውሮፓ ሀያላን የ 16ቱን ቡድኖች ወይም የመጀመሪያ አራት ምድቦች ቅድመ ትንታኔ 


ምድብ ሀ

ቤኔፊካ፣ ባሴል፣ ማንችስተር ዩናይትድ እና ሲኤስኬ ሞስኮ

ጆሴ ሞውሪንሆ ያለምንም ጥርጥር የፈለጉትን አይነት የምድብ ድልድል አግኝተዋል። ዩናይትድ በዚህ ክረምት ሮሜሉ ሉካኩን በፊት መስመር ላይ ዳግም ካመጣው ዝላታን ጋር አጣምሮ ይዟል። የቡድኑን አማካኝ መስመር ለማጠንከርም ማቲች ኦልትራፎርድ ደርሷል።

በሌላ በኩል ኤደርሰን፣ ቪክተር ሊንድሎፍ እና ሌንሰን ሴሜዶን በዚህ ክረምት የሸጠው ቤኔፊካ የውድድሩ ምርጥ የፖርቹጋል ተወካይ ነው። በቤኔፊካ ቤት ብሩኖ ቫሬላ ለኤደርሰን በጣም ጥሩው ተተኪው ሲሆን ፒዚና አሌክስ ግሪማልዶን ማቆየታቸው ደግሞ ለቀጣይ ዋስትና ይሆናቸዋል።

ሲኤስኬ በበኩሉ ከሌሎቹ አንፃር ደካማ እንቅስቃሴ ቢያደርግም ባለፉት ሳምንታት ትልቅ ለውጥ አምጥቷል። የሩሲያው ተወካይ በአዲሱ አሰልጣኙ ኢጎር አክኒፌቭ ስር ለ 11 አመታት በቻምፒዮንስ ሊግ ሁሌም ጎል እየተቆጠረበት የሚወጣበትን ታሪክ ከሰሞኑ መቀየር ችሏል።

ሌላኛው የምድቡ አራተኛ ቡድን ባሴል በበኩሉ ዝነኛውን ተጫዋቹን ማቲያስ ዴልጋዶን ያሰናበተ ሲሆን የምድቡን ግርጌ ይዞ እንደሚያጠናቅቅም ተገምቷል።

የምድቡ አጨራረስ ደረጃ ግምት : 1 ማንችስተር ዩናይትድ 2 ቤኔፊካ 3 ሲኤስኬ ሞስኮ 4 ባሴል

ምድብ ለ

ባየር ሙኒክ፣ አንደርሌክት፣ ፒኤስጂ እና ሴልቲክ

በዚህ ምድብ ሁሉም አይኖች በባርሴሎና እና ሪያል ማድሪድ ደረጃ የሚያስቀምጠኝን የኔይማርን ዝውውር ፈፅሜያለሁ ብሎ በተኩራራው ፒኤስጂ ላይ ማረፋቸው ሳይታለም የተፈታ ነው። በሌላ በኩል ደግሞ ዣቪ አሎንሶንና ፊሊፕ ለሀምን የሸኘው ባየር ሙኒክ የአምና ጥንካሬው ላይ መገኘቱ የሚያጠራጥር ነው።

ሴልቲክ በበኩሉ ከአንደርሌክት ሶስተኛ ደረጃን እንደሚነጥቅና በሜዳው ባየርንና ፒኤስጂን ሊያስቸግር እንደሚችል የሚጠበቅ ነው። ነገርግን ምድብ ለ ትልቅ የአቅም አለመመጣጠን ችግር ያለው ምድብ መሆኑ የማያጠራጥር ነው።

የምድቡ አጨራረስ ደረጃ ግምት : 1 ባየር ሙኒክ 2 ፒኤስጂ 3 ሴልቲክ 4 አንደርሌክት

ምድብ ሐ

ቼልሲ፣ ሮማ፣ አትሌቲኮ ማድሪድ እና ካራባጅ

አትሌቲኮ ባለፉት አራት አመታት በውድድሩ ላይ ለሁለት ጊዜያት ለፍፃሜ የመድረሱን ስኬት ከተመለከትን የስፔኑ ክለብ የምድቡ በላይ ሆኖ እንደሚጨርስ ይገመታል። አትሌቲኮዎች በተወሰነባቸው የዝውውር እገዳ ከሲቪያ የገዙትን ቪቲሎን ጭምር በውሰት ለመስጠት ቢገደዱም ግሪዝማን በክለቡ መቆየቱ አንድ ጥሩ ነገር ነው።

ቼልሲ በበኩሉ ከበርንሌይ ጋር በነበረው ጨዋታ ከቅርፅ ውጪ ሆኖ ቢታይም በጥብቅ መከላከል ቶትነሀምን 2-1 በመርታት ማንሰራራቱን ያሳየ ቢሆንም ኮንቴ ከዚህ ቀደም በጁቬንቱስ በ 2012/13 ቡድናቸው ከሩብ ፍፃሜው ማለፍ ሲሳነው በቀጣዩ አመት ምድቡን መሸጋገር በራሱ አቅቶት እንደነበር አይረሳም።

ሮማ በበኩሉ በአዲሱ የስፖርት ዳይሬክተሩ ሞኑቺ አማካኝነት መሀመድ ሳላ፣ አንቶኒ ሩዲገርን የመሰሉ ኮከቦችን ሲሸጥ መተኪያ የሌለውን ፍራንሲስኮ ቶቲን በጡረታ አጥቷል። ነገርግን በተቃራኒው 10 ተጫዋቾችን መቀላቀሉ ለሶስተኛነት እንኳን እንዲገመት ያደርገዋል።

ካራባጅ በበኩሉ አዘርባጃንን በምድቡ የወከለ የመጀመሪያው ቡድን ሲሆን አሰልጣኙ ጉርባን ጉርባኖቭ ከ 2008 አንስቶ በክለቡ አሰልጣኝነት የቆዩና የደቡብ አፍሪካውን ዲኖ ድሎቩን ቀዳሚ ማረፊያ በማድረግ በሶስት አጥቂ መጫወትን ይመርጣሉ።

የምድቡ አጨራረስ ደረጃ ግምት  :  1 አትሌቲኮ ማድሪድ፣ 2 ቼልሲ 3 ሮማ 4 ካራባጅ

ምድብ መ

ጁቬንቱስ፣ ኦሎምፒያኮስ፣ ባርሴሎና፣ ስፖርቲንግ ሊዝበን

ባሳለፍነው አመት በሩብ ፍፃሜው ባርሴሎናን ያሰናበተው ጁቬንቱስ ከስፔኑ ክለብ ዳግም የሚፋጠጥበት ከባድ ምድብ ሲሆን ሁለቱም ቡድኖች በዚህ ክረምት ዋነኛ ተጫዋቾቻቸው የሆኑት ሊኦናርዶ ቦኑቺ ሳይጠበቅ ሚላንን ሲቀላቀል ኔይማር በበኩሉ ኒውካምፕን ለቆ ወደ ፓሪስ አምርቷል።

ጁቬ በጣሊያን የአሸናፊዎች አሸናፊ ዋንጫ ከላዚዮ ጋር በነበረው ትንቅንቅ በመከላከል ላይ ምን ያህል መድከሙ የታየ ቢሆንም የቱሪኑ ክለብ ምርጥ ስብስብ ያለውና ፌደሪኮ በርናንዲሽን በ 35.7  ሚሊዮን ፓውንድ ከፊዮረንቲና በማስፈረም ወደ ቡድኑ ቀላቅሏል።

በሌላ በኩል በባርሴሎና ቤት ማርኮ ቬራቲ አለመፈረሙና በምትኩ የቀድሞው የስፐርስ አማካኝ መምጣቱ በባርሴሎና ደጋፊዎች ዘንድ ሀዘን ቢፈጥርም የካታላኑ ክለብ ስብስቡን ለማጠናከር ፊሊፔ ኩቲንሆንና ኦስማን ዴምቤሌን ለማስፈረም እየተጋ ይገኛል።

በአዲሱ አሰልጣኙ ቤስኒክ ሀሲ ራሱን እያደሰ የሚገኘውና በዝውውር መስኮቱ 20 ሚሊዮን ፓውንድ ያወጣው ኦሎምፒያኮስ በበኩሉ ምድቡን በሶስተኛነት እንደሚያጠናቅቅ ግምት ያገኘ ሲሆን አማካኙን ዊሊያም ካርቫልሆን የሸጠው ስፖርቲንግ ደግሞ ከሁሉም ያነሰ ግምት ተሰጥቶታል።

የምድቡ አጨራረስ ደረጃ ግምት  :  1 ጁቬንቱስ 2 ባርሴሎና 3 ኦሎምፒያኮስ 4 ስፖርቲንግ

ምድብ ሠ

ስፖርታክ ሞስኮ፣ ሊቨርፑል፣ ሲቪላ እና ማሪቦር

በዚህ ተመጣጣኝ ቡድኖችን በያዘው ምድብ ሊቨርፑል ባለፉት ሶስት አመታት ሶስት የተለያዩ አሰልጣኞች ከቀያየረው ሲቪላ ቀድሞ ምድቡን ከላይ ሆኖ እንደሚያጠናቅቅ ትልቅ ግምት አግኝቷል።

በሌላ በኩል ግን ኤድዋርዶ ቤሪዞ የሚመራው የስፔኑ ክለብ ቪቶሎን ለአትሌቲኮ ሸጦ በምትኩ ኤቨር ባኔጋ፣ ጂሰስ ናቫስ እና ኖሊቶን ማስፈረሙ ከፊት መስመር ላይ የሚያስፈራውን ነገርግን የኋላ መስመሩ የሳሳውን የየርገን ክሎፕ ስብስብ ለመፈተን መጠነኛ አቅም እንደሚፈጥርለት መጠርጠር ይገባል።

የሩሲያው ስፖርታክ በበኩሉ ባሳለፍነው አመት ከ 2001 በኋላ የመጀመሪያ የሊግ ድሉን ከአስደናቂ ብቃት ጋር ቢያሳይም ዘንድሮ 11ኛ ደረጃ ላይ የተቀመጠ እና የአንቶኒዮ ኮንቴ ምክትል የነበሩት የክለቡ አለቃ ማሲሞ ካሬራ ቡድናቸው እያሳየ ባለው ደካማ አቋም የስንብት እጣ ሊደርሳቸው የሚችልበት እድል ሊኖር የሚችል ሲሆን የቡድኑ ሆላንዳዊ የክንፍ መስመር ተጫዋች ኪዊንስ ፕሮምስ ግን የቡድኑ ያልተነገረለት ከባድ የጥቃት ሀይል ነው።

በመጨረሻም የምድቡ አራተኛው ተፋላሚ ማሪቦር እስካሁን በታሪኩ ካደረገው 12 የቻምፒዮንስ ሊግ የምድብ ጨዋታ አንድ ብቻ ያሸነፈ ደካማ ስብስብ ሲሆን የአጥቂ አማካኙን ዴር ቭርስኪን ማጣቱ ሲታከልበት በምድቡ ከባድ ፈተና እንደሚጥቀው የሚታመን ነው።

የምድቡ አጨራረስ ደረጃ ግምት : 1 ሊቨርፑል 2 ሲቪያ 3 ስፖርታክ ሞስኮ 4 ማሪቦር

ምድብ ረ

ሻክታር ዶኔስክ፣ ናፖሊ፣ ማንችስተር ሲቲ እና ፌይኖርድ

በክረምት የዝውውር መስኮት ከ 220 ሚሊዮን ፓውንድ በላይ ዋጋ ላወጣው የፔፕ ጋርዲዮላ ስብስብ ምንም አይነት ምህረት አይኖርም። ከዚህ ጋር በተያያዘም የስፔናዊው አለቃ ስብስብ ምድቡን ዘና ብሎ ከላይ ሆኖ የመጨረስ ግዴታ ያለበት ሲሆን ምድቡ አስደናቂውን የማውሪዚዮ ሳሪን ስብስብ ናፖሊ መያዙ እና ሲቲ አሁንም ያለበት የኋላ መስመር መሳሳት በምድቡ የበላይ ሆኖ ለማጠናቀቅ ፈተና ሊጠብቀው እንደሚችል ይነግረናል።

ድሬስ ሜርትንስ፣ ጆሴ ካሌጆን፣ ሎሬንዞ ኢንሲግን፣ አርካዲሁዝ ሚሊክ እና ማርክ ሀምሲክን የያዘውና ከየትኛውም ቦታ ጎል ማስቆጠር የሚችለው ናፖሊ እውነትም አስፈሪ ነው። በሌላ በኩል አምና የዩክሬን ሊግን ክብር በሰፊ የነጥብ ብልጫ የወሰደውና በቅርብ ጊዜ አሌክስ ቴክሴራ እና ዱጋላስ ኮስታ አይነት ኮከቦቹን ያጣው ሻክታር ብዙም ተገማችነት አላገኘም።

በመጨረሻ ደግሞ ከ 18 አመታት በኋላ ለመጀመሪያ ጊዜ በቫን ብራንክሆረስት እየተመራ የሆላንድ ሊግን ያነሳው ፌይኖርድ ዲርክ ኳይትን በጡረታ፣ ትሬንስ ኮንጎሉን እና ሪክ ካርስዱርብ የተሰኙ ወሳኝ ተጫዋቾቹን ደግሞ በሽያጭ ማጣቱ የቡድኑን የምድብ ተፎካካሪነት ይበልጥ እንደሚያወርድበት ይጠበቃል።

የምድቡ አጨራረስ ደረጃ ግምት : 1 ማንችስተር ሲቲ 2 ናፖሊ 3 ሻክታር ዶኔስክ 4 ፌይኖርድ

ምድብ ሰ

ሞናኮ፣ ቤሽኪሽታሽ፣ ፖርቶ እና ሊፕዚግ

ከሁሉም ምድቦች በጣም ተቀራራቢ ቡድኖች የተሰባሰቡበት እና ሁሉም እኩል የማለፍ እድል ያለው ፍትሀዊ ምድብ የተባለለትን ምድብ ሞናኮ በርናንዶ ሲልቫ፣ ቤንጃሚን ሜንዲ እና ቲሞ ባካዮኮ የመሳሰሉ ኮከቦቹን ቢያጣም በቀዳሚነት እንደሚያጠናቅቀው ይገመታል።

የፖርቹጋሉ ተወካይ ፖርቶ በበኩሉ አንድሬ ሲልቫን ለሚላን አሳልፎ ቢሰጥም በቲኪኖ ሶአሬዝ ጠንክሮ እንደሚመለስና በአዲሱ አሰልጣኙ ሰርጂዮ ኮንሲካኦ እየተመራ ምድቡን በማለፍ በስኬት እንደሚያጠናቅቅ ሲጠበቅ የውድድሩ አዲስ ተካፋይ የጀርመኑ ሊፕዚግ በበኩሉ የውድድሩ ልምድ አልባነቱ ምድቡ እንዲከብደው ሊያደርግ እንደሚችል ይታሰባል።

በመጨረሻም የክረምት የዝውውር መስኮት ቀንደኛ ተሳታፊ የነበረው ቤሽኪሽታሽ በበኩሉ ፔፔ፣ ጀርሜን ሌንስ እና ጋሪ ሜድል የመሰሉ ተጫዋቾችን ማግኘቱ ተፎካካሪነቱን እንደሚጨምረው ቢጠበቅም የምድቡ ዝቅተኛ ተገማች ነው።

የምድቡ አጨራረስ ደረጃ ግምት : 1 ሞናኮ 2 ፖርቶ 3 አርቢ ሊፕዚግ 4 ቤሽኪስታሽ

ምድብ ሸ

ሪያል ማድሪድ፣ ቶትነሀም፣ ቦሩሲያ ዶርትሙንድ እና አፖል ኒኮሲያ

የአምናው ሻምፒዮና ማድሪድ ዘንድሮም ቀዳሚ ተገማች ሲሆን ከ 1974-76 የባየር ሙኒክ ገድል በኋላ ለመጀመሪያ ጊዜ የበርናባው ስብስብ ሶስተኛ ተከታታይ የቻምፒዮንስ ሊግ ድሉን እንደሚያስመዘግብ ተጠብቋል።

የስፔኑ ክለብ ትልልቅ ኮከቦቹን በቡድኑ ማቆየት ችሎና ማቲኦ ኮቫቺች፣ ማርኮ አሳንሲዮስ እና ዳኒ ሴባሎስን በመሰሉ ወጣቶች ይበልጥ ገዝፎ የውድድሩን ምድብ ድልድል መጀመር ሲጠብቅ ኦስማን ዴምቤሌን ለባርሴሎና አሳልፎ የሰጠው ዶርትሙንድ በፒተር ቦዝ አሰልጣኝነት ስር ፒዬር ኤምሪክ ኦቦምያንግን በቡድኑ ማቆየት ችሎ እና ጁሊያን ዊግል የመሰለ ኮከቡ ዳግም ብቁ ሆኖለት ይህን የምድብ ድልድሉን ደረጃ ሁለት የሞት ምድብ ከማድሪድ በመቀጠል በሁለተኛነት ሾልኮ እንደሚያልፈው ተጠብቋል።

የምድቡ ሌላኛው ተወካይ ቶትነሀም በበኩሉ በምድቡ ያገኘው ግምት ከስፔንና ጀርመን አቻዎቹ ያነሰ ሲሆን የምድብ እንቅፋቱን በጣጥሶ ለማለፍም በቀጣይ አመት ወደ አዲሱ ስታዲየሙ እስኪዘዋወር ድረስ ዘንድሮ በጊዜያዊነት በሚጠቀምበት ዌብሌይ ያለበትን መጥፎ ገድ ማስወገድ እንዳለበት እየተነገረለት ይገኛል።

ባሳለፍነው የውድድር ዘመን ኮከብ ጎል አስቆጣሪውን ፒሮስ ሶትሪዩን ያጣው አፖል በበኩሉ የምድቡን ግርጌ ታኮ እንደሚቀመጥ ተገምቷል።

የምድቡ አጨራረስ ደረጃ ግምት : 1 ሪያል ማድሪድ 2 ቦሩሲያ ዶርትሙንድ 3 ቶትነሀም 4 አፖል

አርሰን ቬንገር / የፈረንሳዊው አለቃ ሳምንታዊ ጋዜጣዊ መግለጫ ሙሉ ቃል   

via አርሰን ቬንገር / የፈረንሳዊው አለቃ ሳምንታዊ ጋዜጣዊ መግለጫ ሙሉ ቃል    — ኢትዮአዲስ ስፖርት

የአርሰናሉ አለቃ አርሰን ዌንገር ቡድናቸው በፕሪሚየር ሊጉ መክፈቻ አርብ ምሽት ከሌስተር ሲቲ ጋር ከሚያደርገው ጨዋታ አስቀድመው በወቅታዊ ጉዳዮች ላይ ጋዜጣዊ መግለጫ ሰጥተዋል።

☞ ስለ ቡድኑ የጉዳት ዜና 

” ብዙ እርግጠኛ ያልሆንባቸው ተጫዋቾች አሉ በተለይም ከቼልሲ ጋር ያልተጫወቱ ተጫዋቾች እንደ ኦዚል ፣ ሜርቲሳከር  ፣ ራምሴ የመሳሰሉ ተጫዋቾች ”

” እንዲሁም የተመለሱ ተጫዋቾች አሉን ነገር ግን ሳንቼዝ በሆድ ቁርጠት ምክንያት ከቡድኑ ውጪ ነው ”

☞ በአዲሱ የውድድር ዓመት ምን እንጠብቅ 

” ዘንድሮ የተሻለ መስራት አለብን ፡፡ እቅድህን ማስቀመጥ ከባድ ነው ስድስት  ወይም ሰባት የሚሆኑ አሰልጣኞችን ኢንተርቪው ብታደርግ ሁሉም ዋንጫውን ማንሳት እንደሚፈልጉ ነው የሚነግሩህ :: ሌላው ቡድን ምን ያህል እንደጠነከሩ አላውቅም እኛ ስለ ራሳችን ነው ትኩረት ማድረግ ያለብን ”

☞ ፒኤስጂ አሁንም ሳንቼዝን ይፈልጋል

” በጣም ቆይቷል ከናስር ጋር አውርቼ አላውቅም ፡፡ ጋዜጦች ላይ እንዳነበብኩት አሁን ወደ ምባፔ ፊታቸውን አዙረዋል ”

☞ ስለ ኦክስሌድ ቻበርሊን 

” በጉዳት የታጀበ ጥሩም እንዲሁም መጥፎ የእግርኳስ ህይወት አሳልፏል ፡፡ ይመስለኛል ይሄ ነገር ብቃቱን እንዳያሳይ አድርጎታል ፡፡ ከባለፈው የውድድር ዓመት ጀምሮ ደግሞ ያለውን አቅም እያሳየ ይገኛል ለወደፊቱ ጥሩ ተጫዋች የመሆን አቅም አለው ”

☞ ስለ ኦስፒና

” እሱን እንዲቆይ ማሳመን ቀላል አልነበረም ፡፡ አሁንም በሩ ለፉክክር ( ከቼክ ጋር ) ክፍት ነው ”

☞ አሌክሲስን ሽጡልን የሚል ጥያቄ ቀረቦሎታል ? 

” ይሄንን መናገር አልችልም ለሁሉም ለምንም አይነት ጥያቄ በራችን ዝግ ነው ”

ኔይማር የቀድሞ ክለቡ ባርሴሎናን ሊከስ ነው — ኢትዮአዲስ ስፖርት

​ የአለም ሪከርድ በሆነ ዋጋ ታላቁን ባርሴሎና ለቆ ወደፈረንሳዩ ክለብ ፔዤ የተዘዋወረው ነይማር ጁኒየር የቀድሞ ክለቡን በፊፋ ለመክሰስ በዝግጅት ላይ መሆኑ ተዘገበ፡፡

via ኔይማር የቀድሞ ክለቡ ባርሴሎናን ሊከስ ነው — ኢትዮአዲስ ስፖርት

የአለም ሪከርድ በሆነ ዋጋ ታላቁን ባርሴሎና ለቆ ወደፈረንሳዩ ክለብ ፔዤ የተዘዋወረው ነይማር ጁኒየር የቀድሞ ክለቡን በፊፋ ለመክሰስ በዝግጅት ላይ መሆኑ ተዘገበ፡፡

እንደግሎቦስፖርት ዘገባ ከሆነ ነይማር የካታላኑን ክለብ ለመክሰስ የወሰነው ባለፈው አመት ውሉን ባደሰበት ወቅት “ሊከፈለኝ የሚገባ የ 23 ሚልየን ፓውንድ የጉርሻ ክፍያ አልተከፈለኝም ” በሚል ነው፡፡

እጅግ ተወዳጅ ከነበረበት የኑካምፕ ቤት ወደፓሪስ ያቀናው ነይማር ወኪሉ ከሆኑት አባቱ ጋር በመሆን ለክስ እየተዘጋጁ መሆኑ መሰማቱ በክህደት እያብጠለጠሉት ለሚገኙት የብሉ ግራናዎቹ ደጋፊዎች ይበልጥ ጥላቻን የሚፈጥር እንደሚሆን ይጠበቃል፡፡
ባርሴሎና በበኩሉ በቃል አቀባዩ ጆሴፍ ቪቬስ አማካኝነት ገንዘቡን እንደማይከፍሉና ለዚህም በቂ ምክንያት እንዳላቸው አሳውቀዋል፡፡

እንደቃል አቀባዩ ገለፃ ” የጉርሻ ገንዘቡን የማንከፍልበት ሶስት በቂ ምክንያቶች አሉን፡፡ የመጀመሪያው ከ ጁላይ 31 በፊት ከየትኛውም ክለብ ጋር ድርድር እንዳያደርግ የተደረሰውን ስምምነት መጣሱ ነው፡፡ ሁለተኛ ደግሞ በስምምነታችን መሰረት የኮንትራት ውሉን ለማጠናቀቅ መወሰኑን በይፋ ለህዝብ ማሳወቅ ነበረበት፡፡ የመጨረሻውና ሶስተኛው ደግሞ ክፍያውን ለመፈፀም የወሰነው ሴፕቴምበር 1 ላይ ነበር፡፡(ከአንድ ወር በኋላ) ይህም ተጫዋቹ ከኛ ጋር መቆየቱን እርግጠኛ ለመሆን ነው፡፡እነዚህ ሶስት ስምምነቶች በመጣሳቸው ለተጫዋቹ የምንከፍለው ምንም አይነት ገንዘብ አይኖርም” ብለዋል፡፡.

ከሳምንት በፊት በ198 ሚልዮን ፓውንድ የዝውውር ዋጋ ወደፈረንሳይ ያቀናው ኔይማር እሰካሁን ለአዲሱ ክለቡ እንዳልተጫወተ ይታወቃል፡፡

“ማንችስተር ዩናይትድ በባርሴሎና እና ሪያል ማድሪድ ደረጃ ላይ የሚገኝ ክለብ አይደለም” ጆሴ ሞውሪንሆ

via “ማንችስተር ዩናይትድ በባርሴሎና እና ሪያል ማድሪድ ደረጃ ላይ የሚገኝ ክለብ አይደለም” – ጆሴ ሞውሪንሆ — ኢትዮአዲስ ስፖርት

ጆሴ ሞውሪንሆ የቡድናቸው ውድ አማካኝ ፖል ፖግባን በባርሴሎናና ሪያል ማድሪድ ተጫዋቾች ደረጃ ከሚገኙ ጥቂት የማንችስተር ዩናይትድ ኮከቦች አንዱ እንደሆነ ቢገልፁም እንደ ቡድን ግን ስብስባቸው ከሁለቱ የስፔን ክለቦች የቡድን ጥራት በታች መሆኑን ተናግረዋል።

ዩናይትድ ባሳለፍነው እሁድ ማድሪድን በመለያ ምት 2-1 መርታት የቻለ ሲሆን ትናንት ምሽት ከባርሴሎና ጋር በነበረው የአሜሪካ ምድር የመጨረሻ የአቋም መፈተሻ ጨዋታ ላይ ግን በካታላኑ ክለብ በፈጣን ቅብብልና እንቅስቃሴ የታጀበ አጨዋወት ብልጫ ተወስዶበት በኔይማር ግብ 1-0 ተረቶ የሰሜን አሜሪካዋን ሀገር መርሀ ግብሩን አጠናቋል።

የምሽቱን ጨዋታ አስመልክቶ ባርሴሎና ከቡድናቸው በተሻለ ሌላ ከፍታ ላይ እንደነበር የተጠየቁት ሞውሪንሆ “ፖል ፓግባ ለእዛ የሚመጥንና ለእዛ ደረጃ የሚመጥን ብቃት አሳይቷል። የእኔን ቡድን ከማድሪድና ባርሴሎና ጋር ማነፃፀር ከፈለጋችሁ ግን ተጫዋቾቹን ማነፃፀር ብቻ በቂ ነው። እሱ ቀላል ነገር ቢሆንም በአውሮፓ መድረክ ላይ ካላገኘናቸው በስተቀር በተመሳሳይ ውድድር ላይ አብረን አንጫወትም።

“ስለዚህ እኛ ከእነሱ ጋር ባንነፃፀር እንወዳለን። እኛ መነፃፀር የምንፈልገው በየሳምንቱ ከምንገጥማቸው የፕሪምየር ሊጉ ክለቦች ጋር ሲሆን ለእዛ ፈታኝ ውድድርም በበለጠ እራሳችንን ያላመድን ነን። ነገርግን እሱ የተለየ መንገድና የተለዩ ተጫዋቾች ያሉት ፉክክር ነው።

“እኔ እንደማስበው በዚህ ሰአት ምርጦቹ ተጫዋቾች ሁለቱ ክለቦች ውስጥ የሚገኙ ሲሆን ነገሩን እንደ እውነታ መቀበልም ያስፈልጋል። ነገርግን ለእኛ ከሁለቱም ቡድኖች ጋር ያለምንም ጫና ወይም ለውጤት ሳንጨነቅ ጥሩ ጨዋታ ለማድረግ መሞከራችን ለእኛ በጣም ጥሩ ነገር መሆኑ የታየ ሲሆን ሁለቱም የተጫወቱት በምርጡ ቡድናቸው ነው።

እንደማስበው ጄራርድ ፒኪዌ ብቻ ቅያሪ ወንበር ላይ ነበር። ማድሪድ በበኩሉ አብረውት ያልነበሩት ክርስቲያኖ ሮናልዶና ሰርጂዮ ራሞስ ብቻ ነበሩ።” በማለት ፖርቹጋላዊው አወዛጋቢ ቡድናቸው ከባርሴሎና አይነት ቡድኖች ጋር እኩል ለመቀመጥ ከፊቱ ብዙ ልፋት የሚጠይቅ ስራ እንደሚጠብቀው ለማስገንዘብ ሞክረዋል።

የቼልሲ ተጫዋቾች በኩንጉፉ የታገዘ አስቸጋሪ ልምምድ

via ዝግጅት/ የቼልሲ ተጫዋቾች በኩንጉፉ የታገዘ አስቸጋሪ ልምምድ ሰሩ — ኢትዮአዲስ ስፖርት

የቼልሲ ተጫዋቾች የቅድመ ውድድር ዘመን ዝግጅት ጉዟቸውን በዚህ ሳምንትም ቀጥለው በሻውሊን መነኩሴ እገዛ ከዚህ ቀደም በእግርኳስ ላይ ያልተለመደ የልምምድ ጊዜ አሳልፈዋል።ሰማያዊዎቹ በአሁኑ ጊዜ የእሲያ ጉዟቸው አንዱ አካል በሆነው እና ከአርሰናልና ባየር ሙኒክ ጋር በተጫወቱበት ሲንጋፖር ይገኛሉ። በእቅዳቸው መሰረት ከባየር ሙኒክ ጋር ያደረጉትን ጨዋታ 3ለ2 በሆነ ውጤት የተሸነፉት ቼልሲዎች በኩንጉፉ ማርሻልአርት ባለሙያው የቡድሃ መነኩሴ አለማማጅነት በተለይም ለተከላካዩ ጋሪ ካሂል ከባድ የሆነ ልምምድ ሰርተዋል።

Gary Cahill's face was a picture of concentration as he attempted a balancing exercise

ጋሪ ካሂል “የፈረስ አቋቋም” የሚባለው ልምምድ በእጅጉ ያስቸገረው ይመስላል

Centre back Cahill was watched over by goalkeeper Willy Caballero and a Shaolin monk

ቼልሲዎች አብዛኛውን የክረምቱን ልምምዳቸውን የሚያሳልፉበት ሲንጋፖር ቡድሂዝም በሰፊው ተከታይ ያለው እምነት ነው።

የመኃል ተከላካዩ እንግሊዛዊው ጋሪ ካሂል የማርሻል አርቱ እንቅስቃሴ በሆነው እና ሁለት ጡቦችን በሁለት እጆች እንዲሁም በራስ ቅል ላይ ደግሞ በውሃ የተሞላ ክፍት ሳህን አድርጎ “ሆርስ ስታንድ” የተሰኘውን አቋቋም ለመስራት ሲቸገር ታይቷል።

ካሂል እንቅስቃሴው ፈተና ሆኖበታል

ይህ ብቻም ሳይሆን ተከላካዩ በጨርቅ የታሰሩ ጡቦችን በእንጨት ላይ በመጠምጠም የእጅ ጥንካሬን ለመስራት የሚደረገውን ልምምድ ለማከናወን በእጅጉ የተቸገረ ተጫዋች ሆኗል።

ጋሪ ካሂል የእጅ ጥንካሬ ስራው በእጅጉ አቸግሮታል

ይህን ልምምድ ቲቧ ኮርትዋ፣ ዊሊ ካባሌሮና ማርኮስ አሎንሶም ሰርተውታል።

የሰማያዊዎቹ ቁጥር 1 ግብ ጠባቂ የሆነው ኮርትዋ በኩንጉፉ እንቅስቃሴ መሰረታዊ የሆነውን በጣት የመቆም አቋቋምን ለመስራት ያደረገው ሙከራም በቡድን አጋሮቹ ዘንድ ፈገግተን ጭሯል። በአንፃራዊነት የተሰጡትን የኩንጉፉ ልምምዶች በተገቢው በመስራት ተወዳዳሪ ያልነበረው ስፔናዊው ተከላካይ አሎንሶ ነበር።

የቼልሲ ተጭዋቾች “የፈረስ አቋቋምን” እንዲህ ሰርተዋል

 

ህመም/ አሌክሲ ሳንቼዝ “ህመም” ላይ ነው

 

via ህመም/ አሌክሲ ሳንቼዝ “ህመም” ላይ ነው — ኢትዮአዲስ ስፖርት

በአርሰናል ያለው ቆይታ እርግጥ ያልሆነው አሌክሲ ሳንቼዝ “ህመም” የሚል መግለጫ ያለው ፎቶግራፉን በግል ኢንስታግራም ገፁ ላይ ለጥፏል።

ይህ የማህበራዊ ሚዲያው አዲስ መረጃ የወጣው ደግሞ አርሰን ቬንገር ተጫዋቹ በመጪው እሁድ ለቅድመ ውድድር ዝግጅት እንደሚመመስ በገለፁ የ24 ስዓታት ጊዜ በኋላ መሆኑ ነው።

አርሰናል በመጪው ቅዳሜ እና እሁድ የሳምንቱ መጨረሻ ቀናት የኤመራትስ ዋንጫ ጨዋታዎችን ያደረጋል። ነገር ግን ከኮንፌዴሬሽን ዋንጫ ውድድር በኋላ የተራዘመ የክረምት የእረፍት ጊዜ የተሰጠው ቺሊያዊው ተጫዋች በዚህ ውድድር ላይ ይሰለፋል ተብሎ አይጠበቅም።

ምንም እንኳ ሳንቼዝ ኤመራትስን ለቆ እንደሚሄድ ዘገባዎች እያማለከቱ ቢገኙም፣ ቬንገር ግን ሐሙስ ዕለት የ28 ዓመቱ አጥቂ በዚህ ሳምንት መጨረሻ ወደልምምድ እንደሚመለስ ገልፀዋል።

“አሌክሲስ እና ሙስታፊ የመጀመሪያውን የልምምድ ጊዜያቸውን ከሲቪያ ጋር ጨዋታችንን [በኤመራትስ ዋንጫ] በምናደርግበት ቀን፣ እሁድ ይጀምራሉ።” ሲሉ ቬንገር ስለአርሰናል ተጫዋቾች በተናገሩበት መግለጫ ገልፀዋል።

ይሁን እንጂ የአሌክሲ ሳንቼዝ ወቅታዊ የኢንስታጋርም መልዕክት እንደሚያመለክተው ከሆነ ግን የቀድሞው የባርሴሎና አጥቂ የአርሰናል የተጫዋቾች ስብስብን በተባለው ቀን መቀላቀል መቻሉ አጠራጣሪ ነው።

በማህበራዊ ሚዲያው ላይ በለጠፈው ምስል ከውሻው ጋር በመሆን እና አንገቱ ላይ ጥቁር ስካርፍ በማስር ድብት ያለው የሚመስለው ሳንቼዝ “ህመም” ከሚል ገለፃ ጋር የመድሃኒት ገለፃ ያለው ኢሞጂም አብሮ ከፅሁፉ ጋር አስፍሯል።
ሳንቼዝ በዚህ ክረምት ስሙ ከማንችስተር ሲቲ እና ፒኤስጂ ዝውውር ጋር በሰፊው የተቆራኘ ቢሆንም ቬንገር ግን ክለቡ የፊት ተጫዋቹን የመሸጥ አቋም እንደሌለው ገልፀዋል።