የአንዳርጋቸው ጽጌ ቃለ ምልልስ- የጉድ አገር!!

Advertisements

በኦሮሚያ በርካቶች እየታሰሩ ነው

ኢትዮጵያ ዉስጥ በተለያዩ አካባቢዎች ሰዎች እየታሰሩ መሆኑን የአይን ምስክሮች አስታወቁ። በተለይ በኦሮሚያ ክልል ባለሥልጣናት እና የኃይማኖት መሪዎች ጭምር መታሰራቸዉን ነዋሪዎች ተናግረዋል። ተቃዋሚ የፓለቲካ ፓርቲው የኦሮሞ ፌደራሊስት ኮንግረስ (ኦፌኮ) አባላቱን ጨምሮ በርካቶች በተለያዩ ቦታዎች መታሰራቸውን መረጃ እንደደረሰው ገልጿል፡፡

Continue Reading

የወልቂጤ ህዝብ ድምጹን አሰማ – ስሜቱ የኖረ ችግር ክምር የፈጠረው ነው

በጉራጌ ዞን ወልቂጤ ከተማ ከፍተኛ ቁጥር ያላቸው ለተቃውሞ ሰልፍ የወጡት ነዋሪዎች እንደገለጹልን፤ ለዛሬው ሰልፍ ዋና ምክኒያት በከተዋ ይሰራል ተብሎ የመሰረት ድንጋይ የተጣለለት ሆስፒታል ገንዘብ ወደ ሌላ ቦታ ተዛውሯል የሚል መረጃ ስለደረሳቸው መሆኑን ተናግረዋል።

ኢሳያስ ምን እያሉ ነው?

የኤርትራ ፕሬዚዳንት ኢሳያስ አፉወርቂ የግብጽና የአረብ ኢሚሬትስ የጦር ሃይሎች ሳዋ ሰፍረዋል መባሉን ያጣጥላሉ። ተቀማጭነቱ አዲስ አበባ ያደረገው የአልጀዚራ ቴሌቪዥን ዘጋቢ ያሰራጨው ዜና የፈጠራ መሆኑንን ይናገራሉ። አልጀዚራ ሆን ብሎ ከሀወሃት ጋር በመሞዳሞድ ዜናውን አየር ላይ እንዳዋለው ደጋገመው አንስተዋል። የአልጃዚራ አዘጋጅ አዲስ አበባ ሲገባ የተደረገለትን አቀባበልም እንደ አንድ ማሳያ ያሳያሉ፤

Continue Reading

የማይቋጨው የአባይ ጣጣ

የኢፊዲሪ ጠቅላይ ሚንስትር ኃይለማርያም ደሳለኝ ከመጭዉ ረቡዕ ጥር 9/2010 ጀምሮ ለ3 ተከታታይ ቀናት  በግብፅ ይፋዊ ጉብኝት እንደሚያደርጉ እየተገለፀ ነዉ። በዚህ የጠቅላይ ሚንስትሩ ጉብኝት ኢትዮጵያ እየገነባችዉ ያለዉ ታላቁ ህዳሴ ግድብ ዋነኛ አጀንዳ ሆኖ እንደሚቀርብ የሚጠበቅ ሲሆን፤ በተለይም  ቀደም ሲል በኢትዮጵያ ዉድቅ የተደረገዉ። 

Continue Reading

ኸርማን ኮሆን – ዛሬ ላይ ሆነው ሲያስቡት እንደሚጸጸቱ ተናገሩ፤ እርቅ ግድ ነው

ኸርማን ኮሆን ተጸጽቻለሁ ይላሉ። ኢህአዴግን ገዢ እንዲሆን ስልጣን ሲያከናንቡት በዚህ ደረጃ አምባ ገነን ይሆናል የሚል ግምት እንዳልነበራቸው በመግለጽ ነው መጸጸታቸውን ዛሬ ላይ ሆነው ከ26 ዓመት በሁዋላ የተናገሩት። ስልታኑንን፣ ፖለቲካውን፣ ኢኮኖሚውን በሙሉ መቆጣጠራቸው ይፋ የተናገሩት ኮሆን አሜሪካ የበኩሏን ልትወጣ እንደሚገባ አሳስበዋል።

Continue Reading

የኢየሩሳሌም ዋና ከተማነት እና የቁጣ ቀን

የዩናይትድ ስቴትስ ፕሬዝዳንት ዶናልድ ትራምፕ እየሩሳሌምን በእስራኤል ዋና ከተማነት እዉቅና መስጠታቸዉን በማውገዝ በአብዛኛው የዓለም ክፍል ዛሬ የተቃውሞ ሰልፎች ተካሄዱ። ከፍልስጤም አንስቶ ሙስሊሞች በሚያመዝኑባቸው የመካከለኛው ምሥራቅ አገራት፤ በእስያ እና በአፍሪቃ አደባባይ የወጡ ሰልፈኞች እስራኤልን እና አሜሪካንን ኮንነዋል።

ፍልስጤማዉያን ብቻ ሳይሆኑ የአረቡን ዓለም አስቆጥቷል፤

በመቶዎች የሚቆጠሩ ፍልስጤማውያን ከዛሬው የሙስሊሞች የጁማ ስግደት እና ፀሎት በኋላ በዮርዳኖስ ወንዝ ምዕራባዊ ዳርቻዎቹ በሄብሮን በቤተልሄም እና በረመላሕ ከተሞች ተቃውሞ ሲያሰሙ ከፖሊሲች ጋር ተጋጭተዋል። ሰልፈኞች በእስራኤል ወታደሮች ላይ ድንጋይ ሲወረውሩ ወታደሮች ደግሞ በአፀፋው አስለቃሽ ጢስ እና የላስቲክ ጥይቶች መተኮሳቸው ተዘግቧል። በጋዛ ጎዳናዎችም በሺህዎች የሚቆጠሩ ፍልስጤማውያን የትራምፕን ውሳኔ በማውገዝ ሰልፍ ወጥተዋል። እየሩሳሌም በሚገኘው የአል አቅሳ መስጊድ አካባቢም በሺህዎች የተገመቱ ፍልስጤማውያን ሙስሊሞች ተቃውሞአቸውን አሰምተዋል። በግብጽ ርዕሰ ከተማ ካይሮም ከጁማ ስግደት በኋላ በተካሄደ የተቃውሞ ሰልፍ  ላይ ሰልፈኞች« እስራኤል ትውደም» «ለፍልስጤማውያን ደማችንን እናፈሳለን ነፍሳችንን እንሰጣለን» ብለዋል። ህንድ በምትቆጣጠረው ካሽሚር ለተቃውሞ የወጡ በመቶዎች የሚቆጠሩ ሙስሊሞች «አሜሪካ ትውደም» «እሥራኤል ትውደም» የሚሉ መፈክሮችን ሲያሰሙ ነበር። የካሽሚር መሪዎች የትራምፕን እርምጃ ፀረ ሙስሊሞች ሲሉ ኮንነዋል። ዮርዳኖስ ውስጥ የተሰለፉት ደግሞ «እየሩሳሌም አረብ ናት» «አሜሪካን የእባብ ጭንቅላት ናት» የሚሉ መፈክሮችን አስተጋብተዋል። ኢራናውያንም ቴህራን ውስጥ «ሞት ለአሜሪካ» «ሞት ለእስራኤል» እያሉ ቁጣቸውን ገልጸዋል። ሶማሊያ መዲና መቅዲሾም ለፍልስጤማውያን አጋርነትን ለመግለፅ በተካሄደ ሰልፍ ላይ «ትራምፕ ይውደም» የሚሉ ፀረ እሥራኤል እና ፀረ አሜሪካ መፈክሮች ተሰምተዋል። በሊባኖስ ከ5 ሺህ በላይ ፣ኢስታንቡል ቱርክ ውስጥ ከ3 ሺህ በላይ ሰዎች የተካፈሉበት ሰልፍ ተካሂዷል። በማሌዥያ ደግሞ ከአንድ ሺህ የሚበልጡ ሰዎች ርዕሰ ከተማ ክዋላላምፑር የሚገኘው የዩናይትድ ስቴትስ ኤምባሲሲ ፊት ለፊት ተቃውሞአቸውን አሰምተዋል። 

Iran Proteste in Teheran gegen Anerkennung Jerusalems als Israels Hauptstadt (picture-alliance/AA/Stringer)ቴህራን ላይ የተካሄደዉ የተቃዉሞ ሰልፍ

የዩናይትድ ስቴትስ ፕሬዝደንት ዶናልድ ትራምፕ ሀገራቸዉ ኢየሩሳሌም የእስራኤል ዋና ከተማ ለመሆኗ እዉቅና ሰጥታለች ካሉ ወዲህ በመካከለኛዉ ምስራቅ ዉጥረት ነግሷል። የዉሳኔያቸዉ መዘዝ በዛሬዉ ዕለት ፍልስጤማዉያን የቁጣ ቀን አዉጀዉ ከእስራኤል የፀጥታ ኃይሎች ጋር ሲያጋጫቸዉ ዉሏል።

 የሰዉ ሕይወት መጥፋቱንም ዘገባዎች ያሳያሉ። እስራኤል እና ፍልስጤም ከሚወዛገቡባቸዉ ጉዳዮች መካከል ሰፊ ድርሻ የያዘችዉ የኢየሩሳሌም ጉዳይ በዉስጧ የሚኖሩትን ፍልስጤሞች ብቻ ሳይሆን በቅርብም ሆነ በሩቅ የሚገኙ የአረብ እና ሙስሊም ሃገራትንም ቁጣ ቀስቅሷል። በሙስሊሞች ዘንድ የጸሎት ዕለት በሆነዉ ዓርብ በአካባቢዉ ስለነበረዉ ሁኔታ ጄዳ የሚገኘዉን ተባባሪ ዘጋቢያችንን ነቢዩ ሲራክን ስቱዲዮ ከመግባቴ አስቀድሜ በስልክ አነጋግሬዋለሁ።

ነቢዩ ሲራክ/ ሸዋዬ ለገሠ / ነጋሽ መሐመድ

ሕወሐት ዘመኑ የሚጠይቀዉን አመራር መስጠትና መፍጠር አልቻለም

“…የቻለ ይሩጥ፣ ያልቻለ ያዝግም ፣ የተቸከለ ይነቀል…” የህወሃት የቀድሞ የትግርኛ አባባል

“ሕወሀት ዘመኑ የሚጠይቀዉን አመራር መስጠትና መፍጠር አልቻለም” ሲሉ በመቀሌ ዩኒቨርስቲ የፖለቲካ ሳይንስ መምህር ረዳት ፕሮፌሰር አቶ የማነ ዘርዓይ ተናገሩ። አቶ የማነ እንደሚሉት ቆራጥነት ካለ መንግስትና ፓርቲ እንዲለያዩ ከምግባባት ላይ መደረስ አለበት። ከዚህም በላይ በምርጫ ለመውደቅና ለመነሳት መስማማት ያስፈልጋል። ከበረሃ የመጡት የህወሃት ሰዎች የምንግስትነት ሚናቸውን መጫወት ከጀመሩ በሁዋላ በባለሙያ በማመን ሽግግር አለማድረጋቸው አግባብ እንዳልሆነም አቶ የማነ ጠቁመዋል። ሙሉውን ቃለ ምልልሳቸውን ያድመጡ ፣ ቃለ ምልልስ ያደረገላቸው ዮሐንስ ገብረ እግዚአብሔር ነው

ከኦሮሚያና ከሶማሌ ክልሎች ቃል አቀባዮች ጋር የተደረጉ ቃለ ምልልሶች

ከመስከረም 2/2010 ዓ.ም አንስቶ በተፈጠሩ ግጭቶች በአወዳይ በጅጅጋና እና በጭናቅሰን ከተሞች እና አካባቢዎቻቸው የሁከት የጅምላ ግድያ አና የጅምላ መፈናቀል ሁኔታዎች ታይተዋል፡፡

ይህንን አስመልክቶ ከኦሮሚያ ክልል የመንግሥት ኮምዩኒኬሽንስ ጉዳዮች ቢሮ ኃላፊ አቶ አዲሱ አረጋና ከሶማሌ ክልል የመንግሥት ኮምዩኒኬሽንስ ጉዳዮች ቢሮ ኃላፊ አቶ እድሪስ እስማኤል ቃለ ምልልሶችን አድርገናል፡፡

ያልታደለ ሕዝብ በግልጽም ይሁን በድብቅ ለሚደገስለት እብደታዊ ተውኔት – “ይቅርታ?” አማራና ኦሮሞ ተናከስ !!

የትግራይን የመሬት መልሶ ማልማት ዓለም አቀፋዊ ሽልማት ተከትሎ ኢቢሲ ያሰራጨው የዜና ማስደገፊያ ካርታ ” ምን እየተደገሰ ነው?” የሚለውን የኖረ ጥያቄ ወለል አድርጎ አሳይቶታል። ተቃውሞውን ተንተርሶ ኢቢሲ ከኢንተርኔት የተወሰደ ካርታ መሆኑንን ጠቁሞ ይቅርታ ቢጠይቅም፣ ይቅርታው ሰሚ ያገኘ አይመስልም። ዓለምነህ ሚዛን የሚደፋ ዘገባ አቅርቧል።

ከላይ በምስሉ የሚታየው ከእድሜ ጠገብ ደኖች መካክል አንዱ  ነው። በጋምቤላ ፣ በኦሮሚያ በጅማ፣ ኢሉባቡር፣ ባሌ… እድሜ ጠገብ ዛፎች ወድመዋል። በኢንቨስትመንት ስም ተቸብችበዋል። ዛሬ ድርቅ የማያውቃቸው አካባቢዎች ተራቁተዋል። ክልላቸውን የሚመሩ ድርጅቶች ይህንን ሲያዩ ሞትን በራሳቸው ማወጅ ሲገባቸው ዛሬም ህዝባቸውን ያስራሉ፤ ይገላሉ፣ ያንገላታሉ። የትግራይን ህዝብ የሚመራው ህወሃት ክልሉን ሲጠቅምና ሲያሳድግ ሌሎች የህዝባቸውን ደም ይጠጣሉ። አብረው ያጣጣሉ። ድንበር ያስቆርሳሉ፤ ህዝባቸውን የሚቆራርጥና የሚያፈራርስ ተግባር ሲፈጸም ያጨበጭባሉ።